News

1 … 321 322 323 324 325 … 526

ભરૂચ તાલુકાના ટંકારીઆ ગામે આશરે ૮૦૦ ઉપરાંત ટૂલબાઓ ને બુનિયાદી દીની શિક્ષણ આપતા મદ્રસ્સા એ મુસ્તુફાઇય્યાહ ટંકારીઆ નો વાર્ષિક જલસો ગતરોજ રાત્રે મોટા પાદર બસ સ્ટેન્ડ સંકુલમાં યોજવામાં આવ્યો હતો. જેમાં નાના ભૂલકાઓ થી લઈને તમામ દીની શિક્ષણ હાસિલ કરતા છોકરા છોકરીઓએ નાત શરીફ, કુરાન શરીફ ની તિલાવત, મનકબત, તકરીર જેવી વિવિધ કૃતિઓ રજુ કરીને હાજરજનો ને મંત્ર મુગ્ધ કરી દીધા હતા. ખરેખર આવા નાના ભૂલકાઓ પાસે આવી કૃતિઓ તૈયાર કરાવવી એ પણ હૂફફાઝો માટે એક વિકટ પ્રશ્ન છે અને એ બખૂબી લગનથી હૂફફાઝો એ તૈયાર કરાવી હતી. જે ખરેખર પ્રશંશનીય છે. 
આ સમગ્ર પ્રોગ્રામ નું સંચાલન ટંકારીઆ ગામના જામે મસ્જિદ ના પેશ ઇમામ ખલીફા એ શૈખુલ ઇસ્લામ હઝરત અલ્લામા કારી અબ્દુલરઝાક અશરફી સાહેબે કર્યું હતું. આ પ્રોગ્રામ માં મદ્રસ્સા એ મુસ્તુફાઇય્યાહ ના હૂફફાઝો તથા ટૂલબાઓના માતા પિતા તથા ગ્રામજનો મોટી સંખ્યામાં હાજર રહ્યા હતા.

આજરોજ ધોરણ ૧૨ વિજ્ઞાન પ્રવાહ નું પરિણામ જાહેર થયું છે. જેમાં દયાદરા હાઈસ્કૂલ માં ભણતા આપણા ગામના મોહમ્મદનકીબ સલીમ રૅઠડા સમગ્ર સ્કૂલમાં ૯૮.૪૮ પર્સનટાઈલ રેન્ક સાથે પ્રથમ તથા ભોજા સીમા અબ્દુલ ૯૪.૮૯ પર્સનટાઈલ રેન્ક સાથે દ્વિતીય તથા પટેલ ફરહીન સલીમ અલ્તાફ [ગુજિયા] ૯૪.૧૦ પેર્સન્ટાઇલ રેન્ક સાથે તૃતીય આવી ટંકારીઆ ગામનું ગૌરવ વધાર્યું છે. તદુપરાંત ૧. મોહમ્મદનકીબ સલીમ રેથડા તથા ભોજા સીમા અબ્દુલ ગુજરાત રાજ્યના શ્રેષ્ઠ વિદ્યાર્થીઓમાં પસંદગી પામતા તેમને ગુજરાત સરકાર તરફથી વાર્ષિક રૂપિયા ૮૦૦૦૦ [પાંચ વર્ષ સુધી] વધુ અભ્યાસ માટે સ્કોલરશીપ તરીકે મળશે.
ટંકારીઆ ગામ વતી આ ત્રણેવ સ્કોલર વિદ્યાર્થીઓને ખુબખુબ અભિનંદન પાઠવીએ છીએ.

 

ભરૂચ તાલુકાના ટંકારીઆ ગામ ની સીતપોણ તરફ ની સીમમાં આરામ ફરમાવી રહેલા પીર સૈયદ તાજુદ્દીન રહ. ના સંદલ શરીફ નો પ્રોગ્રામ અસર ની નમાજ બાદ યોજવામાં આવ્યો હતો.
આ સંદલ શરીફ સૈયદ અહેમદ અલી પાટણવાળા બાવા સાહેબ ના હસ્તે વિશાળ અકીદતમંદો વચ્ચે કરવામાં આવ્યો હતો. ત્યાર બાદ બગદાદી ગ્રુપ ના નવયુવાનો દ્વારા ન્યાજ નો પ્રોગ્રામ પણ આસ્તાના પર રાખવામાં આવ્યો હતો.

 

ભરૂચ તાલુકાના ટંકારીઆ ગામે ગતરોજ રાત્રે મુસ્તુફાબાદ મેદાન પર બગદાદી ગ્રુપ દ્વારા હઝરત ગાઝી એ મિલ્લત સૈયદ હાશ્મિમીયાં કિછોછવી સાહબની સાદારતમાં હુઝૂર સરકારે કલા કોન્ફરન્સ યોજાઈ હતી. જેમાં વિશાળ જનમેદની વચ્ચે ગાઝીએ મિલ્લત ના શેહઝાદાઓ સૈયદ નુરાનીમીયા, સૈયદ સમદાનીમીયા, તથા હુઝૂર શૈખુલ ઇસ્લામ ના નૂરે નઝર સૈયદ હમઝા અશરફ તથા ખતીબ એ જમા મસ્જિદ ટંકારીઆ ખલિફા એ શૈખુલ ઇસ્લામ મૌલાના અબ્દુર્રઝાક અશરફી, મૌલાના હશન હલદરવી, સૈયદ અહમદ અલી પાટણવાળા બાવા, કારી ઇમરાન ટંકારવી, ખલીફા એ શૈખુલ ઇસ્લામ સૂફી ઈસ્હાક સાહબ, તથા ઉલેમા એ કિરામ  હાજર રહ્યા હતા.
સૌ પ્રથમ નુરાનીમિયાએ ખિતાબ કર્યો હતો. તેમને તેમના વક્તવ્યમાં જણાવ્યું હતું કે અલ્લાહ વાળાઓને કોઈનો ડર લાગતો નથી. અલ્લાહ થી ડરો અને અલ્લાહ વાળાઓ સાથે થઇ જાઓ. અલ્લાહ વાળાઓનો કુર્બ હાંસલ કરવાથી જીવન સફળ થઇ જશે. ત્યારબાદ ગાઝીએ મિલ્લત એ તેમના વક્તવ્યમાં હુઝૂર સરકારે કલા ના જીવન પર રોશની પાડી હતી. છેલ્લે સલાતો સલામ અને દુઆઓ ગુજારી પ્રોગ્રામ સંપન્ન થયો હતો.
આ સમગ્ર પ્રોગ્રામ બગદાદી ગ્રુપના નવયુવાનોએ ખડે પગે રહી સફળ બનાવ્યો હતો.

 

ભરૂચ તાલુકાના ટંકારીઆ ગામે આવતી કાલે તારીખ ૬/૫/૧૮ ના રવિવારના રોજ રાત્રે ઈશાની નમાજ બાદ ખરી ના મેદાન પર સરકારે કલા કોન્ફરસ નું આયોજન બગદાદી નવયુવાન ગ્રુપ દ્વારા કરવામાં આવ્યું છે. જેમાં શહેનશાહે ખિતાબત હુઝૂર ગાઝીએ મિલ્લત અલ્લામા હાશ્મિમીયાં સાહબ કિછોછવી તથા તેમના ત્રણ શહેઝાદાઓ તથા હુઝૂર શૈખુલ ઇસ્લામ ના નૂરે નઝર હમઝા મિયાં તશરીફ લાવી બયાનો કરશે. તો આ કોન્ફરન્સ માં હાઝરી આપવા તમામ મુસ્લિમ બિરાદરોને બગદાદી ગ્રુપ ના નવયુવાનો આમંત્રણ પાઠવે છે.

ભરૂચ તાલુકાના ટંકારીઆ પાલેજ રોડ પર ઠીકરીયા ગામ પાસે બાવળ નું ઝાડ ધરાશાયી થતા ટંકારીઆ ગામના સફવાન મુસ્તાક કબીર ને હાથમાં ફ્રેક્ચર થવા પામ્યું છે.
બનાવ ની વિગત એમ છે કે ટંકારીઆ પાલેજ રોડ પર થી રાત્રે આશરે પોણાબાર વાગ્યે પાલેજ તરફ ટંકારીઆ ના રહીશ સફવાન મુસ્તાક કબીર મોટર બાઈક લઈને પસાર થતા હતા તે દરમ્યાન ઠીકરીયા પાસે બાવળનું ઝાડ ધડાકા સાથે ધરાશાયી થતા સફવાન ને હાથ માં ફ્રેક્ચર થવા પામ્યું છે જેને ભરૂચ ની હોસ્પિટલ માં વધુ સારવાર માટે દાખલ કરવામાં આવ્યા છે અને તેમનું હાથનું ઓપરેશન પણ હાથ ધરવામાં આવ્યું છે. આ રસ્તા પર વારંવાર આવા ઝાડ ધરાશાયી થવાના બનાવો અવારનવાર બને છે અને રાહદારીઓ ને વારંવાર અકસ્માત નો ભોગ બનવું પડે છે તો શું તંત્ર આવા જર્જરિત થઇ ગયેલા ઝાડો ની તપાસ કરાવી તેને દૂર કરવાના પ્રયાસો કરશે?

1 … 321 322 323 324 325 … 526