TANKARIA WEATHER
ટંકારીઆ ગામે આજે ગ્રામ પંચાયત દ્વારા ગામના મુખ્ય રસ્તાઓ ઉપર જંતુનાશક દવાનો છંટકાવ ટ્રેક્ટર મારફતે દવા છાંટવાના મશીન દ્વારા કરવામાં આવ્યો હતો. દવા છાંટવાનો મુખ્ય ઉદ્દેશ ગામના મુખ્ય રસ્તાઓ નું સેનીટેશન થાય અને વાઇરસ ફેલાતા અટકે. ઇન્ચાર્જ સરપંચ મુમતાજબેન ઉસ્માન લાલને જણાવ્યું હતું કે ગામનો કોઈ પણ રસ્તો બાકી નહિ રહે અને આગામી દિવસોમાં પણ મચ્છર તથા નાની જીવતો ની વ્યાપકતાને અટકાવવા માટે ગામની ગટરોમાં પણ દવા નો છંટકાવ કરવામાં આવશે.
કોરોના વાઇરસની મહામારી વચ્ચે ભારત સરકાર દ્વારા સમગ્ર દેશમાં લોકડાઉન કરવાનો જાહેર હુકમ કરવામાં આવ્યો હોય ટંકારીઆ ગામના જાગૃત લોકો દ્વારા સંપૂર્ણ લોકડાઉન કરવામાં આવ્યું છે. તથા ગામના ઇન્ચાર્જ સરપંચ દ્વારા સમગ્ર ગામના લોકોને ઘરમાં જ રહેવા માટે અપીલ કરવામાં આવી હતી. તથા ગામબહારથી આવતા ફેરિયા તથા ભિક્ષુકો ને જનહિતમાં ગામમાં ફરવા પર સંપૂર્ણ પ્રતિબંધ જાહેર કરી દીધો છે.
આજે ટંકારીઆ ગ્રામ પંચાયત દ્વારા ફળિયે ફળિયે સેનિટેશન ના હેતુસર ફોગીંગ કરવામાં આવ્યું હતું. આ પ્રોગ્રામ સમગ્ર ગામમાં તબક્કાવાર ત્રણ દિવસ માટે કરવામાં આવશે. અને મળતી માહિતી અનુસાર ત્યારબાદ ગટરો માં દવાનો છંટકાવ પણ કરવામાં આવશે અને કોરોના વાઇરસ થી બચવા માટે દરેક ઘેર માસ્ક ની વહેંચણી પણ કરવામાં આવશે.
કોરોના વાઇરસની મહામારીને ધ્યાને લઇ આજરોજ આપણા ગામની એક્ટિવ સંસ્થા શૈખુલ ઇસ્લામ ટ્રસ્ટ દ્વારા માસ્ક, હેન્ડ સેનિટાઇઝર તથા હેન્ડ વોશ નું મફતમાં વિતરણ કરવામાં આવ્યું હતું. જે બદલ ગામલોકોએ સંસ્થાને બિરદાવ્યા હતા.
આજ રોજ ટંકારીઆ ગ્રામ પંચાયત ના સરપંચ પદે ડેપ્યુટી સરપંચ શ્રીમતી મુમતાજબેન ઉસ્માનભાઈ લાલને ફરીથી ચાર્જ સંભાર્યો છે. કોરોના વાઇરસ ના પ્રકોપ ને પગલે સરકારશ્રી ના આદેશાનુસાર આ વિધિ એકદમ ટૂંક માં પતાવી આપી હતી. હોદ્દો ગ્રહણ કરતાની સાથે મુમતાજબેને ગામના વિકાસ માટે કામ કરવાનું વચન આપ્યું હતું અને તેમને કોરોના વાઇરસ ની મહામારી માં કામ વગર ઘરની બહાર ના નીકળી ઘરમાંજ રહેવાનું આહવાન સાથે સ્વચ્છતા રાખવાનો અનુરોધ પણ કર્યો હતો. તેમને એમ પણ જણાવ્યું હતું કે એક બે દિવસમાં ગામમાં ઘરે ઘરે માસ્ક વિતરણ કરવામાં આવશે.
કોરોના વાયરસે સમગ્ર વિશ્વને ભરડામાં લઇ લીધું છે અને આ મહામારી હાલમાં થોડા દિવસોમાં ગુજરાત માં પણ પગપેસારો કર્યો હોય લોકો તેની ભયાનક્તાથી ભયભીત થઇ જવા પામ્યા છે. સરકાર તરફથી પણ આ મહામારીને અટકાવવાના તમામ પ્રયાસો થઇ રહ્યા છે. અને વિવિધ સંસ્થાઓ પણ એક્ટિવ થી ગઈ છે જે અંતર્ગત ભરૂચ ના મીરા આયુર્વેદિક એન્ડ યુનાની મલ્ટી સુપર સ્પેશિયાલિસ્ટ ક્લિનિક ધરાવતા હકીમ ડોક્ટર સૈયદ અબ્દુલરશીદ દ્વારા કોરોના વાયરસ સામે રક્ષણ મેળવવા માટે એક ઉકાળાની વિનામૂલ્યે વિતરણ કરવાની વ્યવસ્થા ટંકારીઆ ગામે આજે મોટા પાદર, મુખ્ય બઝારમાં તથા નાના પાદર કરવામાં આવી હતી જેમાં ગામના અનેક લોકોએ આ ઉકાળો પીધો હતો. આ ઉકાળાના વિતરણ માં સામાજિક કાર્યકર અબ્દુલ્લાહ કામથી, ઉસ્માન લાલન તથા ગામના આગેવાનો હાજર રહ્યા હતા.
આજે પીર હાશિમશાહ રહમતુલ્લાહ અલૈહ નો સંદલ શરીફ નો પ્રોગ્રામ ઈશાની નમાજ બાદ રાખવામાં આવ્યો હતો. ગામના અકીદતમંદોએ હાજરી આપી ફૈઝીયાબ થયા હતા.
