ગતરોજ તારીખ ૧૭/૧૨/૨૦૨૨ ને શનિવારના રોજ ગ્રામ પંચાયત ટંકારીઆ તથા સરદાર પટેલ હોસ્પિટલ એન્ડ હાર્ટ ઇન્સ્ટિટ્યૂટ ના સંયુક્ત પ્રયાસથી સવારે ૧૦ થી ૧ વાગ્યા દરમ્યાન ટંકારીઆ પ્રાથમિક આરોગ્ય કેન્દ્ર (પી,એચ .સી. સેન્ટર) માં ફ્રી સર્વ રોગ નિદાન કેમ્પનું આયોજન કરવામાં આવેલ હતું. જેમાં સરદાર પટેલ હોસ્પિટલ એન્ડ હાર્ટ ઇન્સ્ટિટ્યૂટના નિષ્ણાંત ડો. જયવીરસિંઘ અટોદરિયા (કાર્ડિયોલોજિસ્ટ) ડો. શ્રુજન શેટ્ટી (ઓર્થોપેડિક) ડો. કૃપાલી કાકડિયા (ગાયનેકોલોજિસ્ટ) તેમજ ડો. કૌશિક (એમ.ડી.ફિઝિશિયન)ને નિઃશુલ્ક સેવા આપી હતી. આ કેમ્પમાં ગામ તથા પરગામના આશરે ૧૦૦ થી વધુ દર્દીઓએ લાભ લીધો હતો. આ તબક્કે ગામ પંચાયત ટંકારીઆ સરદાર પટેલ હોસ્પિટલના તમામ ડોક્ટર તેમજ મેડિકલ સ્ટાફ તથા ટંકારીઆ પી,એચ .સી. સેન્ટર ના તમામ કર્મચારીઓનો ખુબ ખુબ આભાર વ્યક્ત કરે છે.
Leave a Reply