News
ટંકારીયા ગ્રામપંચાયત,પીએમ શ્રી કન્યાશાળા અને SRF ફાઉન્ડેશન દ્વારા ‘સાયબર ક્રાઈમ જાગૃતિ સેમિનાર’ યોજાયો
૧૦૦થી વધુ વાલીઓએ મેળવ્યું સાયબર સુરક્ષાનું માર્ગદર્શન; એક્સપર્ટ સુહેલભાઈ રાજે સુરક્ષાના ગુરુમંત્રો આપ્યા
ટંકારીયા:તારીખ 22/01/2026 ને ગુરુવારે ગ્રામપંચાયત ટંકારીયા પીએમ શ્રી કન્યાશાળા ટંકારીયા અને SRF ફાઉન્ડેશનના સંયુક્ત ઉપક્રમે મદ્રેસા હોલ ખાતે એક ભવ્ય ‘વાલી સંમેલન અને સાયબર ક્રાઈમ જાગૃતિ’ કાર્યક્રમનું સફળ આયોજન કરવામાં આવ્યું હતું. ડિજિટલ યુગમાં વધતી જતી ઓનલાઇન છેતરપિંડીથી ગ્રામજનોને સુરક્ષિત કરવાના હેતુથી યોજાયેલા આ કાર્યક્રમમાં ૧૦૦થી વધુ વાલીઓએ ઉત્સાહભેર ભાગ લીધો હતો.
કાર્યક્રમની શરૂઆત શાળાની બાળાઓ દ્વારા પ્રસ્તુત પ્રાર્થના ‘ઇતની શક્તિ હમે દેના દાતા…’ થી કરવામાં આવી હતી. શાળાના આબેદાબેન પટેલ દ્વારા તમામ મહેમાનોનું શબ્દોથી સ્વાગત કરવામાં આવ્યું હતું, ત્યારબાદ ઉપસ્થિત મહાનુભાવોનું પુષ્પગુચ્છ આપી સન્માન કરાયું હતું. SRF ફાઉન્ડેશનના ઝાકિરભાઈ એ કાર્યક્રમની રૂપરેખા અને તેના મહત્વ વિશે ઊંડાણપૂર્વક માહિતી આપી હતી.
મુખ્ય વક્તા તરીકે ઉપસ્થિત સાયબર ક્રાઈમ ડિપાર્ટમેન્ટના એક્સપર્ટ સુહેલભાઈ રાજ એ વાલીઓને ઓનલાઈન લોન એપ્લિકેશન, OTP ફ્રોડ, સોશિયલ મીડિયા હેકિંગ અને ક્યુઆર કોડ (QR Code) થી થતી છેતરપિંડી વિશે લાઈવ ઉદાહરણો આપી જાગૃત કર્યા હતા. તેમણે ખાસ ભાર મૂકતા જણાવ્યું હતું કે, કોઈપણ નાણાકીય છેતરપિંડીના કિસ્સામાં ગભરાયા વગર તુરંત ૧૯૩૦ હેલ્પલાઈન નંબર પર સંપર્ક કરવો જોઈએ.
આ પ્રસંગે દિલ્હી હેડ ઓફિસથી ખાસ ઉપસ્થિત રહેલા નિશાબેન જુનેજા, તાલુકા પંચાયત સભ્ય અબ્દુલમામા ટેલર, ગામના સરપંચશ્રી, પંચાયતના સભ્યો, SMC સભ્યો અને આંગણવાડી વર્કરોએ હાજર રહી કાર્યક્રમને સફળ બનાવ્યો હતો. સમગ્ર કાર્યક્રમનું સુંદર સંચાલન શાહેદા એ. પટેલ દ્વારા કરવામાં આવ્યું હતું.
Marriage function in Tankaria
Marriage function of FIZA D/O MASTER ANWAR IBRAHIM MIRU held at Darul Ulum Community Hall – Tankaria today.
Nikahkhvani @ Jama Masjid Tankaria
Nikahkhwani program of MOHMEDADIL HAFEZ MOHMED HANIF CHANDIYA [U.S.A.] held at Jama Masjid Tankaria today after Jumma prayer.
Jashne Shadi
શાહિદ અબ્દુલસમદ ખંડુ ની શાદી દાવત આજે યોજાયી હતી. ત્યારબાદ જુમ્મા ની નમાજ બાદ જામે મસ્જિદમાં નિકાહ થયા હતા.
Shahid Abdulsamad Khandu’s wedding reception was held today. Then after the Jumma prayer, the Nikah function took place in Jame Masjid-Tankaria.
ઇન્તેકાલ પુરમલાલ
એક દુઃખભરી ખબર મળી છે કે મુફ્તીએ ગુજરાત, ઈલ્મી અને રૂહાની શખ્સિયત વીરપુરના સૂફી સંત દરિયાઈ દુલ્હાના વંશજ પીર સૈયદ હાજી કમરુદ્દીન બાવા કારંટાવાળા આ ફાની દુનિયા છોડી ગયા છે. ઇન્ના લીલ્લાહે વઈન્ના ઈલય્હે રાજેઉન. મર્હુમની તડફીન કારંટા મુકામે ઈશાની નમાજ બાદ થશે. એક સમયે મર્હુમ દારુલ ઉલુમ અશરફીયા મુસ્તુફાઈય્યાહ ટંકારીઆના સરપરસ્ત પણ હતા. અલ્લાહ પાક મર્હુમની બાલ બાલ મગફિરત ફરમાવે.
It is sad news that Mufti Pir Syed Haji Kamaruddin Bawa Karantawala, a descendant of Sufi saint Darya Dulha of Virpur, Gujarat, and an Ilmi and spiritual personality, has left this mortal world. Inna Lillahe Wainna Ilayhe Rajeun. The burial of the deceased will take place after the Isha prayer at Karanta [Dist. Mahisagar]. At one time Marhum was also the patron of Darul Uloom Ashrafiya Mustufaiyah Tankaria. May Allah bless the deceased.
તાત્કાલિક મદદની અપીલ
સલામ. ખુબ દુઃખ સાથે જાણ કરવામાં આવે છે આપણા ગામ ના 2 હોનહાર નવયુવાનો જે ફરહાન હનીફ કડિયા. અને મોહમ્મદ બાબાસી.વિલાયત માં ગ્રાસીમ કંપની માં નોકરી પર ગયા હોય આજે સવારે નાઈટ ડ્યૂટી પર થી પરત આવતા ગંભીર અકસ્માત થયો હોય બંને ની હાલત થોરી ખરાબ છે. હાલ બંને ને અપેક્ષ હોસ્પિટલ માં દાખલ કરેલા છે.
જેનો અંદાજિત ખર્ચ 4 લાખ છે. બંને નો. આપ સખી દાતા ઓને નમ્ર અપીલ છે કે આપની જકાત. સદકાત. લીલ્લાહ કોઈ પણ રકમ આપી સવાબ ના હકદાર બનશો. આપણી મદદ આપવા માટે નીચે ના નંબર પર સંપર્ક કરવો.
યુનુસ ગણપતિ.9824183914
સફવાન ભૂટા. 9737202724
એમ.એ.એમ. ઈંગ્લીશ મિડિયમ હાઇસ્કૂલ, ટંકારીઆમાં એન.આર.આઈ. ભાઈઓના હાર્દિક સન્માન અને આભાર વ્યક્ત કરવાનો ભવ્ય કાર્યક્રમ યોજાયો
તા. ૧૯ જાન્યુઆરી, ૨૦૨૬ના રોજ એમ.એ.એમ. હાઇસ્કૂલના હોલમાં ખૂબ જ ઉત્સાહ સાથે એન.આર.આઈ. ભાઈઓના સન્માનનો એક અભિનંદનીય કાર્યક્રમ યોજાયો હતો.
કાર્યક્રમની શરૂઆત અત્યંત પવિત્ર તિલાવતે કુરાનથી કરવામાં આવી, જેણે સમગ્ર વાતાવરણને આધ્યાત્મિક ઊર્જાથી ભરપૂર કરી દીધું. ત્યારબાદ વિદેશથી પધારેલા વિશિષ્ટ મહેમાનો – યાકુબભાઇ મુસા વરુ, સલીમભાઇ મુસા વરુ, સોએબભાઇ યાકૂબ ખોડા, બશીરભાઇ ઉમરજી હલાલત, સાદીકભાઇ પ્રો. વલીભાઇ ભડ અને અનવરભાઇ વલી ગોચાનું પુષ્પગુચ્છ આપી હાર્દિક સ્વાગત કરવામાં આવ્યું. એમ.એ.એમ. હાઇસ્કૂલમાં ‘સુપરવાઇઝર’ તરીકે ફરજ બજાવતા મુસ્તાક સાહેબે પોતાના પ્રાસંગિક તથા પ્રેરણાદાયી પ્રવચન દ્વારા મહેમાનોને હાર્દિક આવકાર આપ્યો. તેમણે એમ.એ.એમ. પ્રાયમરી ઈંગ્લીશ મિડિયમ સ્કૂલ તથા હાઇસ્કૂલમાં ઉપલબ્ધ અત્યાધુનિક સુવિધાઓ – સ્માર્ટ ક્લાસરૂમ્સ, કોમ્પ્યુટર લેબ, વિજ્ઞાન પ્રયોગશાળા તથા અનુભવી સ્ટાફ વિશે વિસ્તૃત માહિતી આપી. આ ઉપરાંત એસ.એસ.સી. બોર્ડમાં શાળાના સતત ઉત્કૃષ્ટ પરિણામો, રમતગમત, વક્તૃત્વ સ્પર્ધાઓ તથા વિવિધ ક્ષેત્રોમાં મેળવેલી સિદ્ધિઓ અંગે પણ તેમણે ગર્વભેર વર્ણન કર્યું. ઉપસ્થિત હાજરજનોએ એમના વક્તવ્યમાં સમાવિષ્ટ શાળાની પ્રગતિના અહેવાલોને અવારનવાર તાલીઓના ગડગડાટથી વધાવી લીધા હતા. મહેમાનોએ શાળાના વર્ગોની મુલાકાત લઇ સંતોષ વ્યક્ત કર્યો હતો.
એમ.એ.એમ. ચેરીટેબલ ટ્રસ્ટની વિવિધ સામાજિક પ્રવૃત્તિઓની સાથે સાથે મહિલાઓ માટે સરકારી યોજના અંતર્ગત ચાલતા સીવણકામના વર્ગો તથા લોકફાળા દ્વારા સંચાલિત “અશરફી ટિફિન સર્વિસ” અંગે પણ આંકડાકીય વિગતો સાથે માહિતી પ્રદાન કરવામાં આવી. ખાસ ઉલ્લેખનીય છે કે “અશરફી ટિફિન સર્વિસ” માટે “ધી ટંકારીઆ વેલ્ફેર સોસાયટી યુ.કે.” (TWS) દ્વારા આપવામાં આવેલા ઉદાર દાનથી ૩૩૩૩ જેટલા ટિફિન જરૂરિયાતમંદ વ્યક્તિઓ સુધી પહોંચાડવામાં આવ્યા છે. આ અમૂલ્ય સહયોગ માટે કાર્યક્રમમાં TWSનો હૃદયપૂર્વક આભાર વ્યક્ત કરવામાં આવ્યો.
કાર્યક્રમ દરમિયાન TWSના જાન્યુઆરી ૨૦૨૪થી ડિસેમ્બર ૨૦૨૪ સુધીના વાર્ષિક અહેવાલની નકલ TWSના ટ્રસ્ટી યાકુબભાઇ મુસા વરુ દ્વારા તથા ૨૦૨૧થી ૨૦૨૪ સુધીના સંયુક્ત પ્રવૃત્તિ અહેવાલ (ટંકારીઆ બુકલેટ)ની નકલ સલીમભાઇ મુસા વરુ દ્વારા એમ.એ.એમ. ચેરીટેબલ ટ્રસ્ટના પ્રમુખ ઈશાક મુહમ્મદ પટેલને સ્નેહભાવ સાથે અર્પણ કરવામાં આવી. TWS સંસ્થાના વાર્ષિક અહેવાલોમાં ધી ટંકારીઆ વેલ્ફેર સોસાયટી યુ.કે. (TWS)ના ટ્રસ્ટીઓ, હોદ્દેદારો તથા એન.આર.આઈ. ભાઈઓ દ્વારા એમ.એ.એમ. ઈંગ્લીશ મિડિયમ હાઇસ્કૂલ અને ટંકારીઆ ગામની અન્ય સંસ્થાઓની અવારનવાર કરવામાં આવતી મુલાકાતોના વિસ્તૃત વર્ણનો, તેમના અહેવાલો અને પ્રેરણાદાયી ફોટોગ્રાફ્સ સમાવિષ્ટ છે. આ વિસ્તૃત આકર્ષક અને પારદર્શી વાર્ષિક અહેવાલોનો અભ્યાસ કરતાં સ્પષ્ટ થાય છે કે જ્યારે ગામની વિવિધ સંસ્થાઓ એકબીજા સાથે પરસ્પર સંકલન, હાર્દિક સહયોગ અને સમર્પિત ભાવનાથી કાર્ય કરે છે, ત્યારે જરૂરિયાતમંદ વ્યક્તિઓને સમયસર અને અસરકારક સહાય પહોંચી શકે છે. આવા સંયુક્ત પ્રયાસોના પરિણામો અત્યંત પ્રભાવશાળી, ટકાઉ અને હૃદયસ્પર્શી બને છે, જે સમાજના ઉત્થાનમાં મહત્વપૂર્ણ યોગદાન આપે છે. આ અહેવાલો માત્ર આંકડા અને વિગતો જ નહીં, પરંતુ સેવાની સાક્ષીરૂપ ફોટો અને વાસ્તવિક અનુભવો દ્વારા એકતા અને ઉદારતાની જીવંત ઝલક આપે છે.
THE TANKARIA WELFARE SOCIETY UK. ANNUAL REPORT 2024 The Tankaria Welfare Society UK – વર્ષ ૨૦૨૪ના વાર્ષિક રીપોર્ટની .pdf ફાઈલ ડાઉનલોડ કરવા માટે આ લિંક પર ક્લિક કરો.
Tankaria Booklet- TWS UK Activity Report 2021-2024 ટંકારીઆ બુકલેટ – વર્ષ ૨૦૨૧-૨૦૨૪ સુધીનો પ્રવુત્તિ અહેવાલ (Activity Report) વાંચવા માટે આ લિંક પર ક્લિક કરો.
કાર્યક્રમના અંતે ટ્રસ્ટના પ્રમુખ ઇશાકભાઈ પટેલે બધાં મહેમાનોનો અને TWS સંસ્થાનો ખાસ આભાર વ્યક્ત કર્યો હતો. અંતે અલ્પાહાર પછી મવલાના અબ્દુલરઝ્ઝાક અશરફીએ દુઆઓ ગુજારી હતી.
(આ કાર્યક્રમમાં TWSના પ્રમુખ ફારુકભાઇ ઉઘરાદાર, ઉપપ્રમુખ હબીબભાઇ ભુતા તથા ટ્રસ્ટી ઇકબાલભાઈ ધોરીવાલા B BUZZ Media Indiaના વલણ ગામ ખાતેના ૧૯/૦૧/૨૦૨૬ના લોન્ચિંગ કાર્યક્રમ અને અન્ય કામોની વ્યસ્તતાને કારણે ઉપસ્થિત રહી શક્યા ન હતા.)
B Buzz Media INDIAનું ભવ્ય પદાર્પણ: ભરૂચથી શરૂ થયો નવો અધ્યાય
B Buzz Media INDIAનું ભવ્ય પદાર્પણ: ભરૂચથી શરૂ થયો નવો અધ્યાય
છેલ્લા એક દાયકાથી વધુ સમયથી યુનાઇટેડ કિંગડમમાં સફળતાપૂર્વક કાર્યરત, વૈશ્વિક સમુદાયોને જોડતું શક્તિશાળી ઇલેક્ટ્રોનિક મીડિયા પ્લેટફોર્મ B Buzz Media UK એ હવે ભારતમાં પોતાના પગ જમાવ્યા છે. યુ.કે. સહિત ૧૨થી વધુ દેશોમાં પોતાનું પ્રસારણ ધરાવતા આ મીડિયા સામ્રાજ્યનું ભારતીય અવતાર B Buzz Media INDIAનું ભવ્ય લોન્ચિંગ ૧૭ જાન્યુઆરી, ૨૦૨૬ના રોજ ભરૂચની Hotel Regenta Central ખાતે સાંજે ૪:૦૦ વાગ્યે યોજાયું હતું.
આ ભવ્ય કાર્યક્રમમાં હજ કમિટીના ચેરમેન સુફી મેહ્બુબ અલી બાવા, કે.પી. ગ્રુપ એન્ડ કંપનીઝના અફવાન ડૉ. ફારૂકભાઇ પટેલ, ભરૂચ જિલ્લા ભાજપ પ્રમુખ પ્રકાશ મોદી, ભરૂચ જિલ્લા કોંગ્રેસ પ્રમુખ રાજેન્દ્રસિંહ રાણા, સફળ બિઝનેસમેન આદમ સાહેબ લાલી (ટંકારવી) અને સાલ્યા સાહેબ, કિરણભાઈ મજમુદાર, આદમભાઇ આબાદનગર વાળા, સલીમ અમદાવાદી, ઇકબાલભાઇ પાદરવાલા, WBVF ઇન્ડિયા ચેપ્ટરના પ્રમુખ નાસીર પટેલ, WBVF ટીમ, MMCT ટીમ, VCT ટીમ, PMET ના મહંમદભાઇ ભાયજી, વેલ્ફેર અને વલણ હોસ્પીટલની ટીમ ઉપરાંત જુદાજુદા ક્ષેત્રના આગેવાનો ઉપસ્થિત રહ્યા હતા.
કાર્યક્રમની શરૂઆત પવિત્ર કુરાનની તિલાવતથી મહંમદ ઇકબાલ ભુતા દ્વારા કરવામાં આવી હતી. ત્યારબાદ પૂજા કાયસ્થે પ્રાર્થના રજૂ કરી હતી. ત્યારબાદ B Buzz Media Indiaના બોર્ડ ઓફ ડાયરેક્ટર્સ, ગુજરાત ટુડેના તંત્રી તથા પ્રખર લેખક અઝીઝ ટંકારવીએ મહાનુભાવોને આવકારી ઇલેક્ટ્રોનિક મીડિયા પ્લેટફોર્મ અંગે વિસ્તૃત વાત કરી હતી. ત્યારબાદ B Buzz UKના એડિટર-ઇન-ચીફ ઇમ્તિયાઝ પટેલ વરેડીયાવાલા (ઉર્ફ ટંકારવી)એ B Buzz UK અને Indiaના વિઝન, ઉદ્દેશો અને ભવિષ્યની યોજનાઓ વિશે વિસ્તૃત માહિતી આપી હતી.
અમારું લક્ષ્ય
યુ.કે., ભારત અને વૈશ્વિક સ્તરે એક સમાવેશી, સશક્ત અને જોડાણકારી મીડિયા પ્લેટફોર્મ તરીકે ઉભરી આવવું – જે સમુદાયોને સશક્ત બનાવે, તેમના અવાજને વેગ આપે અને વૈશ્વિક સ્તરે એકબીજા સાથે જોડે.
અમારા મુખ્ય ઉદ્દેશો
વ્યક્તિગત તેમજ સામુદાયિક સશક્તિકરણ, તળિયાના વર્ગોની વાતો, પ્રતિભા અને દ્રષ્ટિકોણને પ્લેટફોર્મ આપવું, સાંસ્કૃતિક વારસો, હેરિટેજ અને સર્જનાત્મકતાને પ્રોત્સાહન, સરહદો પાર સહિયારા મૂલ્યો, નવીનતા અને પરસ્પર સમજણને પ્રોત્સાહન આપવું.
અમારું મિશન
એક વિશ્વસનીય, નિષ્પક્ષ અને સમુદાય-કેન્દ્રિત મીડિયા પ્લેટફોર્મ બનાવવું – જે સંસ્કૃતિઓને જોડે, અંતર દૂર કરે, હકારાત્મક કહાનીઓ, રોલ મોડલ્સ અને પરિવર્તનકારી વિચારો દ્વારા વિશ્વને પ્રેરણા આપે.
અમારા મૂળભૂત મૂલ્યો: આચાર-નીતિ, ચોકસાઈ, નિષ્પક્ષતા, જવાબદારી, સ્વતંત્રતા અને માનવતા.
લોન્ચિંગની સાથે જ B Buzz Media Indiaએ શિક્ષણ, આરોગ્ય, ઔદ્યોગિક, સામાજિક, રમતગમત, સમાજસેવા અને રાજકીય ક્ષેત્રે અગ્રણી યોગદાન આપનાર સંસ્થાઓ તથા વ્યક્તિઓને પુરસ્કારો દ્વારા સન્માનિત કરવાની પરંપરા શરૂ કરી દીધી છે.
B Buzz Media – માત્ર મીડિયા નહીં, એક સશક્તિકરણની ચળવળ! આવો, આપણે સાથે મળીને વધુ સુંદર, વધુ જોડાયેલું અને વધુ પ્રેરણાદાયી વિશ્વનું નિર્માણ કરીએ.
B BUZZ Media UK તરફથી ફારૂકભાઇ Founder, CEO & Producer અને ઈમ્તિયાઝ પટેલ B BUZZ Media UK ના Editor in chief ભારત દેશમાં B BUZZ Media India ના વિમોચન માટે ખાસ આવેલા છે. સાથે સાથે B BUZZ Media India ટીમના લીડ મેમ્બર, સીનીયર એડવાઇઝર અને BOD અઝીઝ સાહેબ ટંકારવી અને B BUZZ Media Indiaના Editor in chief ઇકબાલભાઇ ઉઘરાદારની વિમોચનના કાર્યક્રમમાં ખૂબ જ ઉત્સાહભેર ભાગ લઇ કાર્યક્રમને સફળ બનાવવાની કોશિશ સફળ રહી છે.
B BUZZ Media India ના વિમોચનની સાથે સાથે B BUZZ દ્વારા જુદાજુદા ક્ષેત્રો માટે પુરસ્કાર પણ આપવામાં આવ્યા હતા. જેમાં નોધનીય પુરસ્કારોમાં KP Group ને Best Business નો, MMCT, VCT અને PMET ને શૈક્ષણિક ક્ષેત્રનો પુરસ્કાર, World Bharuchi Vahora Federation અને Mamta Centreને Community Empowerment and Social Services માટે, લાયન્સ ક્લબ ભરૂચ, રોટરી ક્લબ ઓફ ભરૂચને સામાજિક સેવા માટે, ત્યારબાદ માનવ સમાજ સેવા પુરસ્કાર અંગત રીતે શ્રીમાન રશ્મીકાંત કંસારા સાહેબ, શ્રીમાન રાકેશભાઈ ભટ્ટ સાહેબને, ગુજરાત ટુડેને શ્રેષ્ઠ સમાચાર પત્ર તરીકેનો એવોર્ડ, ક્રિકેટ જગતમાં વિખ્યાત મુનાફ પટેલને રમતગમત ક્ષેત્રનો એવોર્ડ, આરોગ્ય ક્ષેત્રે સેવામાં ભરૂચ વેલ્ફેર હોસ્પિટલ અને વલણ હોસ્પિટલને પુરસ્કારો આપવામાં આવ્યા છે. ત્યારબાદ બે ખુબજ અગત્યના મરણોત્તર પુરસ્કાર આદરણીય મર્હુમ અહમદ પટેલ સાહેબને રાજકીય ક્ષેત્રનો પુરસ્કાર, ત્યારબાદ રાજકીય અને સમાજસેવા માટે મરણોત્તર પુરસ્કાર મર્હુમ યુનુસભાઇ અમદાવાદીને, ત્યારબાદ Rising Business Entrepreneur તરીકેનો પુસ્કાર અનીશ હાજી (યુકે) ને, સામાજિક સેવા માટે સામાજિક આગેવાન અબ્દુલભાઈ કામઠી અને યાસીનભાઇ દાદાભાઇને પુરસ્કારો આપવામાં આવ્યા હતા. ત્યારબાદ KP Group ની સાથે સાથે જાણીતા ઉદ્યોગપતિ અને દાનવીર કિરણભાઈ મજમુદાર અને આદમ લાલી સાહેબ ને B Buzz દ્વારા પોતાની ઔદ્યોગિક સિધ્ધિઓ અને સામાજિક ક્ષેત્રે દાનવીર તરીકે પુરસ્કાર અર્પણ કર્યો હતો. વલણ ગ્રામ પંચાયત અને ટંકારીઆ ગ્રામ પંચાયતને તેમના ઉત્કૃષ્ટ પ્રદર્શન માટે “Excellence Village Award” અર્પણ કરાયા હતા. શ્રેષ્ઠ શિક્ષકનો એવોર્ડ દયાદરા હાઇસ્કૂલના ડૉ. ઈમ્તિયાઝ મોદીને અર્પણ કરાયો હતો. આ ઉપરાંત ચુનંદા Social Media Influencers ને પ્રમાણપત્રો આપી સન્માનિત કરાયા હતા.
આજના સુંદર અને સફળ કાર્યક્રમનું સંચાલન વલણગામના પ્રતિભાશાળી મહંમદ ભોપા અને તેમની સાથે સહ-સંચાલક તરીકે પૂજા કાયસ્થે અત્યંત રસપ્રદ રીતે સંભાળ્યું હતું. બંનેએ પોતાના અનોખા અને આકર્ષક અંદાજમાં પ્રસંગને પૂરેપૂરો શોભાવતી સુંદર, રમુજી, પ્રેરણાદાયી તથા હૃદયસ્પર્શી વાતો એવી નિપુણતાથી રજૂ કરી કે સમગ્ર હાજરજનો શરૂથી અંત સુધી મંત્રમુગ્ધ બની રહ્યા; તેમના સંચાલન અને સમગ્ર ટીમના સુંદર સંકલનથી આખો કાર્યક્રમ એક સુખદ અને અવિસ્મરણીય અનુભવ બની ગયો.
Wedding in Tankaria
Wedding function of RANIYA D/O IRFAN UMARJI GODAR held at Darul Ulum community hall – Tankaria today.
