Author: Nasirhusen Lotiya

1 2 3 … 9

અમદાવાદના ચાર અહમદથી મુસ્તફાબાદ (ટંકારીઆ) સુધી : ગુજરાતના મધ્યકાલીન ઇતિહાસની એક રસપ્રદ કડી
અમદાવાદનો સ્થાપન ઇતિહાસ અને ટંકારીઆની છ સદી જૂની જામે મસ્જિદનો ગૌરવશાળી વારસો

YouTube Video ની લિંક

Instagram Post ની લિંક

Facebook વિડિયોની લિંક

(૧) અમદાવાદ શહેરનો ઇતિહાસ ચાર અહમદ અને બાર બાવા-બુજુર્ગો સાથે જોડાયેલો છે; આ ઐતિહાસિક પરંપરા મુજબ ઈ.સ. ૧૪૧૧માં ગુજરાતના સુલતાન અહમદશાહ પ્રથમ દ્વારા સાબરમતી નદીના કિનારે અમદાવાદ શહેરનો પાયો નાખવામાં આવ્યો હતો.

ચાર અહમદ (Four Ahmeds)

કહેવાય છે કે શહેરના પાયાના નિર્માણ માટે ચાર એવા પવિત્ર વ્યક્તિઓની હાજરી જરૂરી હતી, જેમણે ક્યારેય અસરની નમાઝ કઝા ન કરી હોય.
આ ચાર વ્યક્તિઓનાં નામ આ પ્રમાણે છે:
સુલતાન અહમદશાહ પ્રથમ (રહ.)– ગુજરાત સલ્તનતના શાસક.
હઝરત શેખ અહમદ ખટ્ટુ ગંજબક્ષ (રહ.) – સરખેજના પ્રખ્યાત સૂફી સંત અને સુલતાનના આધ્યાત્મિક માર્ગદર્શક (પીર).
કાજી અહમદ (રહ.) – ધાર્મિક વિદ્વાન.

મલિક અહમદ – એક પવિત્ર અને ધાર્મિક વ્યક્તિ.

સુલતાન અહમદશાહ (રહ.) પ્રથમ અને હઝરત શેખ અહમદ ખટ્ટુ ગંજબક્ષ (રહ.)

આ બંને મહાન વ્યક્તિઓનો સંબંધ અમદાવાદના ઇતિહાસની સૌથી મહત્ત્વપૂર્ણ આધ્યાત્મિક અને ઐતિહાસિક કડીઓમાંનો એક છે.

૧. સુલતાન અહમદશાહ પ્રથમ (ઈ.સ. ૧૪૧૧–૧૪૪૨)

  • તેઓ ગુજરાત સલ્તનતના સ્થાપક અને અમદાવાદ શહેરના સ્થાપક હતા.

  • ઈ.સ. ૧૪૧૧માં સાબરમતી નદીના કિનારે અમદાવાદ શહેરની સ્થાપના કરી.

  • તેઓ શાસક હોવાની સાથે ધર્મનિષ્ઠ, ઈબાદતગુજાર, સતત નમાજો પઢનાર અને સૂફી સંતો પ્રત્યે આદરભાવ ધરાવતા હતા.

૨. હઝરત શેખ અહમદ ખટ્ટુ ગંજબક્ષ (રહ.)

  • તેઓ મધ્યકાલીન ગુજરાતના જાણીતા સૂફી સંત અને આધ્યાત્મિક મહાપુરુષ હતા.

  • એક માહિતી મુજબ ઈ.સ. ૧૩૩૬માં તેમનો જન્મ થયો હતો.  

  • તેમણે સરખેજને પોતાની આધ્યાત્મિક સાધના અને પ્રવૃત્તિઓનું કેન્દ્ર બનાવ્યું.

  • તેમની વિદ્વત્તા, સાદગી, આધ્યાત્મિક પ્રભાવ અને સેવાભાવને કારણે તેમને ‘ગંજબક્ષ’ એટલે કે ખજાનાઓના દાતા તરીકે ઓળખવામાં આવ્યા.

  • તેમનું અવસાન ઈ.સ. ૧૪૪૬માં સરખેજ ખાતે થયું હોવાનું વિશ્વસનીય ઐતિહાસિક સ્ત્રોતોમાં નોંધાયું છે.

    સંદર્ભ: 
    ૧.  https://www.iranicaonline.org/articles/ahmad-khattu/?utm_source=chatgpt.com

    ૨. સરખેજ રોજા

     ઉપર આપેલ લિંક નં 1 અને 2 પર click કરો

    સુલતાન અહમદશાહ પ્રથમ, હઝરત શેખ અહમદ ખટ્ટુ ગંજબક્ષ (રહ.)ને પોતાના આધ્યાત્મિક માર્ગદર્શક (પીર) અને સલાહકાર તરીકે માન આપતા હતા જે એમના આપસી સંબંધની સૌથી મહત્ત્વની કડી છે.

    અમદાવાદની સ્થાપના માટે સ્થળ પસંદ કરવામાં હઝરત શેખ અહમદ ખટ્ટુ ગંજબક્ષ (રહ.)ની સલાહ અને માર્ગદર્શન મહત્ત્વપૂર્ણ રહ્યાં હતાં.

    પરંપરાગત ઐતિહાસિક વર્ણન મુજબ, ઈ.સ. ૧૪૧૧માં અમદાવાદની સ્થાપના ચાર અહમદ નામના પવિત્ર વ્યક્તિઓના આશીર્વાદ અને સહભાગિતાથી થઈ હતી. તેમાં સુલતાન અહમદશાહ અને શેખ અહમદ ખટ્ટુ ગંજબક્ષ (રહ.)નો પણ સમાવેશ થાય છે.

    બંને વચ્ચે શાસક અને આધ્યાત્મિક ગુરુનો આદરપૂર્ણ સંબંધ હતો.

    આ સંબંધની પુષ્ટિ ગુજરાત સરકારના પ્રવાસન વિભાગ અને Encyclopaedia Iranicaના ઐતિહાસિક વર્ણનોમાં પણ મળે છે.

    ૩. કાજી અહમદ જોધ (રહ.):

    • તેઓ ધાર્મિક વિદ્વાન, ઇસ્લામી કાયદાના જાણકાર અને કાજી તરીકે જાણીતા હતા.

    • તેમનું એક બીજું નામ કુત્બુદ્દીન હોવાનું ગુજરાતી વિશ્વકોશમાં નોંધાયું છે.

    • તેઓ સરખેજના હઝરત શેખ અહમદ ખટ્ટુ ગંજબક્ષ (રહ.)ના મુરીદ (શિષ્ય) અને ખલીફા (આધ્યાત્મિક ઉત્તરાધિકારી) હતા.

    • તેમની કબર પાટણમાં ખાન સરોવર પાસે આવેલી હોવાનું નોંધાયું છે.

    • અમદાવાદની સ્થાપનામાં ચાર અહમદોમાંના એક તરીકે તેમનું નામ લેવામાં આવે છે.

    ખાસ કડી: કાજી અહમદનો સંબંધ હઝરત શેખ અહમદ ખટ્ટુ ગંજબક્ષ (રહ.) સાથે ગુરુ-શિષ્ય અને આધ્યાત્મિક ઉત્તરાધિકારીનો હતો.

    ૪. મલિક અહમદ

    • મલિક અહમદને અમદાવાદની સ્થાપનાની પરંપરાગત કથામાં એક પવિત્ર અને ધર્મનિષ્ઠ વ્યક્તિ તરીકે ઓળખાવવામાં આવે છે.

    • ઐતિહાસિક લોકવાયકા મુજબ તેઓ નિયમિત રીતે પાંચ વખત નમાજ અદા કરતા હતા અને ખાસ કરીને અસરની નમાજનો  સમય ક્યારેય ચૂકતા નહોતા.

    • સુલતાન અહમદશાહે અમદાવાદની સ્થાપના માટે જે ચાર અહમદોની પસંદગી કરી હતી, તેમાં તેમનો પણ સમાવેશ થતો હતો.

    • કેટલાક ઐતિહાસિક વર્ણનોમાં તેમની કબર અમદાવાદના કાલુપુર દરવાજા નજીક હોવાનું જણાવાયું છે.

    ખાસ કડી: તેમની ધાર્મિક નિષ્ઠા અને પવિત્રતાના કારણે તેઓ અમદાવાદની સ્થાપનાની ચાર અહમદોની પરંપરામાં સ્થાન પામ્યા હોવાનું માનવામાં આવે છે.

    (૨) મુસ્તફાબાદની જામે મસ્જિદ : ગુજરાતના મધ્યકાલીન ઇતિહાસનો ગૌરવશાળી વારસો

આજનું ટંકારીઆ ૧૫મી સદીમાં મુસ્તફાબાદ તરીકે ઓળખાતું હતું. ઈ.સ. ૧૪૫૩માં ૨૦ માર્ચના રોજ અહીંની ઐતિહાસિક જામે મસ્જિદનું નિર્માણ પૂર્ણ થયું હતું. આ મસ્જિદના નિર્માણનો શિલાલેખ જોતાં મસ્જીદના બાંધકામનો સંબંધ ગુજરાત સલ્તનતના સુલતાન કુતુબુદ્દીન એહમદ શાહ બીજા સાથે જોડાયેલો છે. સુલતાનની સૂચના અનુસાર સૈયદ અતાઉલ્લાહ રાજા હુસૈની (શરફુલ મુલ્ક) આ મસ્જિદના નિર્માણકાર્ય સાથે સંકળાયેલા હતા અને કાજીયુલ મશાઇખના પ્રયત્નો પણ મસ્જીદ બાંધકામમાં મહત્વના હતા.
આ ઐતિહાસિક હકીકતો માત્ર સ્થાનિક લોકવાયકા કે જનશ્રુતિ પર આધારિત નથી, પરંતુ મસ્જિદમાં સ્થાપિત અરબી શિલાલેખ તેમજ ભારતીય પુરાતત્ત્વ સર્વેક્ષણ (ASI)ના ઐતિહાસિક પ્રકાશન Epigraphia Indica – Arabic and Persian Supplementમાં પણ નોંધાયેલી છે.
વિશેષ આશ્ચર્ય અને ગૌરવની વાત એ છે કે ઈ.સ. ૧૪૫૩માં જ્યારે મુસ્તફાબાદમાં આ ભવ્ય જામે મસ્જિદનું નિર્માણ થઈ રહ્યું હતું, ત્યારે અમદાવાદ અને મુસ્તફાબાદ વચ્ચેનું ભૌગોલિક અંતર ઘણું વધારે ગણાતું હતું. બંને સ્થળોની વચ્ચે અનેક મોટાં નગરો અને શહેરો આવેલાં હોવા છતાં, તે સમયના ગુજરાતના સુલતાનની સૂચના અને પ્રેરણાથી અમદાવાદથી દૂર આવેલા મુસ્તફાબાદની પસંદગી થઇ અને આ કસ્બામાં ભવ્ય જામે મસ્જિદનું નિર્માણ થયું એ ખરેખર અસાધારણ અને ઐતિહાસિક મહત્ત્વ ધરાવતી ઘટના ચોક્કસ ગણાય.
આ હકીકત દર્શાવે છે કે આજથી લગભગ છ સદીઓ પહેલાં પણ મુસ્તફાબાદનું અને તેના ખાસ રહેવાસીઓનું/બુજુર્ગોનું ધાર્મિક, સામાજિક અને પ્રાદેશિક મહત્ત્વ કેટલું વિશિષ્ટ રહ્યું હશે!
ટંકારીઆની જામે મસ્જિદ માત્ર ઈબાદતનું સ્થળ નથી, પરંતુ તે મુસ્તફાબાદ – ટંકારીઆના ગૌરવશાળી ભૂતકાળ, ઐતિહાસિક ઓળખ અને સમૃદ્ધ વારસાની છ સદીઓ જૂની જીવંત સાક્ષી છે.

Discussion

No comments yet.

💬 Leave a Comment

ભરૂચ જિલ્લાના ટંકારીઆ ગામના વતની ડૉ. મોહમ્મદમોહસીન રખડાને મહેસાણા, ગુજરાત ખાતે યોજાયેલ ‘ઇન્ડિયન મેડિકલ એસોસિએશન’ (IMA) ની રાજ્ય-સ્તરીય પરિષદ ‘GIMACON 2026’ માં પ્રતિષ્ઠિત ‘IMA ક્વિઝ ચેમ્પિયનશિપ એવોર્ડ – 2026’ એનાયત કરવામાં આવ્યો છે જે ટંકારીઆ ગામ માટે એક ગૌરવપૂર્ણ સિદ્ધિ છે. આ સન્માન સમગ્ર ગામ માટે ગર્વની લાગણી લાવે છે અને ગામના એક નિપુણ તબીબી વ્યાવસાયિકની શ્રેષ્ઠતા, સમર્પણ અને પ્રતિબદ્ધતાને ઉજાગર કરે છે.

ડૉ. રખડાના તબીબી જ્ઞાન, સતત શીખવાની ધગશ અને વ્યાવસાયિક શ્રેષ્ઠતા પ્રત્યેની તેમની પ્રતિબદ્ધતાના સન્માનરૂપે, ‘IMA CGP ગુજરાત ક્વિઝ સ્પર્ધા’ દરમિયાન આ પુરસ્કાર આપવામાં આવ્યો હતો.

પોતાની ખુશી અને કૃતજ્ઞતા વ્યક્ત કરતા, ડૉ. મોહમ્મદમોહસીન રખડાએ આ સન્માનને તેમની તબીબી કારકિર્દીનો એક મહત્વપૂર્ણ પડાવ ગણાવ્યો. તેમણે ‘ઇન્ડિયન મેડિકલ એસોસિએશન’, વરિષ્ઠ તબીબો, સહકર્મીઓ, ગુરુજનો, મિત્રો અને પરિવારજનોનો તેમના સતત પ્રોત્સાહન અને સમર્થન બદલ હૃદયપૂર્વક આભાર માન્યો.

આ સિદ્ધિ માત્ર ડૉ. રખડા અને તેમના પરિવાર માટે જ નહીં, પરંતુ ટંકારીઆના ગ્રામજનો અને ભરૂચી વહોરા પટેલ સમાજ  માટે પણ ગૌરવનો વિષય છે. તેમની આ સફળતા યુવા વિદ્યાર્થીઓ અને તબીબી ક્ષેત્રે કારકિર્દી બનાવવા ઈચ્છતા લોકો માટે પ્રેરણારૂપ છે, જે તેમને પોતપોતાના ક્ષેત્રોમાં જ્ઞાન મેળવવા, સમર્પણ દાખવવા અને શ્રેષ્ઠતા હાંસલ કરવા માટે પ્રોત્સાહિત કરે છે.

ટંકારીઆના ગ્રામજનો ડૉ. મોહમ્મદમોહસીન રખડાને હાર્દિક અભિનંદન પાઠવે છે અને તેમની તબીબી કારકિર્દીમાં ઉત્તરોત્તર સફળતા મળે તેવી શુભેચ્છા પાઠવે છે.

Tankaria village in Bharuch district is celebrating a landmark achievement as Dr. Mohmedmohsin Rakhda receives the prestigious IMA Quiz Championship Award – 2026 at GIMACON 2026, the State-Level Conference of the Indian Medical Association (IMA), held in Mehsana, Gujarat.

The honour brings pride to the entire village and highlights the excellence, dedication and commitment of one of its accomplished medical professionals.

The award was presented during the IMA CGP Gujarat Quiz Competition in recognition of Dr. Rakhda’s medical knowledge, dedication to continuous learning and commitment to professional excellence.

Expressing his happiness and gratitude, Dr. Mohmedmohsin Rakhda described the recognition as a significant milestone in his medical career. He also conveyed his sincere thanks to the Indian Medical Association, senior doctors, colleagues, teachers, friends and family members for their constant encouragement and support.

The achievement is a moment of pride not only for Dr. Rakhda and his family but also for the people of Tankaria and Bhruchi Vahora Patel community. His success serves as an inspiration to young students and aspiring medical professionals, encouraging them to pursue knowledge, dedication and excellence in their respective fields.

The people of Tankaria extend their heartfelt congratulations to Dr. Mohmedmohsin Rakhda and wish him continued success in his medical career.

Discussion

No comments yet.

💬 Leave a Comment

B BUZZ MEDIA ટીમની મોટા પાદરની મુલાકાતનો વિડિયો જોવા અહીં આ લિંક પર Click કરો

B BUZZ MEDIAની ટીમની ટંકારીઆ મુલાકાત યાદગાર બની!

B BUZZ MEDIAના ઇમ્તિયાઝભાઈ વરેડિયાવાલા, ઈકબાલભાઈ ઉઘરાદાર અને ઉવેશભાઈએ ટંકારીઆની મુલાકાત દરમિયાન ગામના ઐતિહાસિક અને આગવા વારસાની ઝલક માણી હતી. આ પ્રસંગે ટીમે મોટા પાદરમાં આવેલા પ્રખ્યાત સર્કલ પાસે ઊભા રહી મોટા પાદર તેમજ તેની આસપાસ આવેલી વિવિધ સંસ્થાઓ વિશે રસપ્રદ માહિતી મેળવી હતી.

ટંકારીઆની આગવી ઓળખ સમાન ગરમાગરમ ચાની ચૂસ્કી સાથે મહેમાનોએ ગામની મહેમાનગતિનો આનંદ માણ્યો હતો. એટલું જ નહીં, બાપુ હોટલના જાણીતા અને સ્વાદિષ્ટ સીમનાના હલવાની મીઠાશ માણીને મુલાકાતને વધુ યાદગાર બનાવી હતી.

આ મુલાકાત દરમિયાન ટંકારીઆના સરપંચશ્રી મંગુભાઈ સહિત  કેટલાક ગ્રામજનોએ ઉપસ્થિત રહી ટીમનું ઉમળકાભેર સ્વાગત કર્યું હતું.

ટંકારીઆની સંસ્કૃતિ, સંસ્થાઓ, સ્વાદ અને આત્મીય મહેમાનગતિનો અનોખો સંગમ – B BUZZ MEDIAની આ મુલાકાત ખરેખર યાદગાર બની!

 

Discussion

No comments yet.

💬 Leave a Comment

Inna Lillahi Wa Inna Ilayhi Raji’un.

With profound sadness, we announce the passing of Haji Abdul Saheb Umerji Gen.

The Namaz-e-Janaza was held today at 9:00 AM at Hashamshah (RA) Graveyard

May Allah (SWT) forgive his shortcomings, grant him the highest place in Jannatul Firdaus, and bless him with His infinite mercy. May Allah grant patience and strength to his family and loved ones during this difficult time. Ameen, Ya Rabbal Aalameen.

Discussion

No comments yet.

💬 Leave a Comment

| કારકિર્દી માર્ગદર્શન: ૩ પુસ્તકો | પ્રેરણાદાયક વિડિયો | 3 Must-Read Books | Inspiring Videos | WBVF | Tankaria | આ લિંક પર ક્લિક કરો.

Discussion

No comments yet.

💬 Leave a Comment

Video (1.1) B Buzz Media (UK & India) – Instagram bbuzzbharuch દ્વારા શેર કરવામાં આવેલ e-Book લોન્ચિંગ કાર્યક્રમનો Video

Video (1.2) B Buzz Media (UK & India) – Instagram rajafaruk_mfaruk_ugharadar દ્વારા શેર કરવામાં આવેલ e-Book લોન્ચિંગ કાર્યક્રમનો Video

વિડિયો 1.1 અને  1.2 જોવા માટે ઉપર આપેલ લિંક પર ક્લિક કરો.

B Buzz Media (UK & India) – Facebook. e-Book લોન્ચિંગ કાર્યક્રમનો Video જોવા માટે Facebook લિંક.
Facebook વિડિયો જોવા માટે ઉપર આપેલ લિંક પર ક્લિક કરો. 

વિશ્વભરના યુવાનો માટે પ્રેરણાનો નવો દીપસ્તંભ: B Buzz Media UK & INDIA દ્વારા ‘કારકિર્દીની નવી ક્ષિતિજો’ e-Bookનું ભવ્ય લોન્ચિંગ

e-Book Launching

કારકિર્દીની નવી ક્ષિતિજો
પેટ્રોલિયમ, પેટ્રોકેમિકલ, રિફાઇનરી, મેટ્રો, સ્ટેડિયમ, એરપોર્ટ અને અન્ય ઉદ્યોગો

Author: Nasirhusen Lotiya
Published By: World Bharuchi Vahora Federation  

Book (1) કારકિર્દીની નવી ક્ષિતિજો
(પેટ્રોલિયમ, પેટ્રોકેમિકલ, રિફાઇનરી, મેટ્રો, સ્ટેડિયમ, એરપોર્ટ અને અન્ય ઉદ્યોગો)
‘કારકિર્દીની નવી ક્ષિતિજો’ પુસ્તક ડાઉનલોડ કરવા માટે ઉપર આપેલી લિંક પર ક્લિક કરો.

 

“એક પુસ્તક… જે કદાચ તમારા જીવનની દિશા બદલી શકે!”

આજના અત્યંત સ્પર્ધાત્મક યુગમાં માત્ર ડિગ્રી પૂરતી નથી; વૈશ્વિક દૃષ્ટિકોણ, સતત શીખવાની તલપ અને મોટા સપનાઓ જોવાની હિંમત જ સાચી સફળતાનો માર્ગ બનાવે છે. આ જ વિચારને કેન્દ્રમાં રાખીને B Buzz Media UK & INDIA દ્વારા જાણીતા લેખક, આંતરરાષ્ટ્રીય ટેક્નિકલ પ્રોફેશનલ અને World Bharuchi Vahora Federation (WBVF) સાથે સંકળાયેલા નાસીરહુસેન લોટીયાની પ્રેરણાદાયી e-Book ‘કારકિર્દીની નવી ક્ષિતિજો’નું લોન્ચિંગ કરવામાં આવી રહ્યું છે.

B Buzz Media UK & INDIAનું માનવું છે કે આજના યુવાનોને માત્ર કારકિર્દી વિશે માહિતી નહીં, પરંતુ વૈશ્વિક દૃષ્ટિકોણ, આત્મવિશ્વાસ અને પ્રેરણાની પણ જરૂર છે. ‘કારકિર્દીની નવી ક્ષિતિજો’ એ જ ખાલીપો પૂર્ણ કરતું એક અનોખું અને સમયોચિત પ્રકાશન છે. આ e-Book ફક્ત ઈજનેરોને જ નહીં પરંતુ વિદ્યાર્થીઓ, યુવાનો, વાલીઓ, શિક્ષકો તેમજ પોતાના જીવનમાં નવી દિશા શોધી રહેલા દરેક વાચક, યુવાન અને યુવતીઓ માટે પ્રેરણાનો અમૂલ્ય સ્રોત બની શકે છે.

પુસ્તકના લેખક નાસીરહુસેન લોટીયાએ પોતાના આંતરરાષ્ટ્રીય કારકિર્દીના અનેક વર્ષોમાં ભારત, ગલ્ફના દેશો અને અમેરિકામાં કામ કર્યું તે પૈકી વિશ્વકક્ષાના એરપોર્ટ, રિફાઇનરી, પેટ્રોકેમિકલ પ્લાન્ટ જેવા મેગા કન્સ્ટ્રક્શન પ્રોજેક્ટ્સ અને  ઉત્પાદન  ક્ષેત્રમાં કાર્ય કરતાં મેળવેલા વાસ્તવિક અનુભવો ઉપરાંત તેમના સહકર્મચારીઓ અને અન્ય યુવા ઇજનેરોની કારકિર્દીની સફળ સફર સરળ, જીવંત અને પ્રેરણાત્મક ભાષામાં રજૂ કર્યા છે.

 e-Book ‘કારકિર્દીની નવી ક્ષિતિજો’ ના લોન્ચિંગ પ્રસંગે લેખક દ્વારા આપવામાં આવેલી માહિતી

આ e-Book માત્ર કારકિર્દી માર્ગદર્શન આપતું પુસ્તક નથી; તે યુવાનોને સ્થાનિક વિચારસરણીમાંથી બહાર લાવી સમગ્ર વિશ્વને પોતાની કાર્યભૂમિ તરીકે સ્વીકારવાની પ્રેરણા આપે છે. પુસ્તકનો મુખ્ય સંદેશ સ્પષ્ટ છે

—“વિશ્વ તમારા જન્મસ્થળને નહીં, પરંતુ તમારી પ્રતિભા, કુશળતા, પ્રામાણિકતા અને કાર્યને ઓળખે છે.”

લેખક જણાવે છે કે “આ પુસ્તક મેં લખ્યું નથી—મેં તેને જીવ્યું છે. મેં જે લખ્યું છે તે પુસ્તકોમાંથી મેળવેલું જ્ઞાન નથી; જે પાઠો અહીં રજૂ કર્યા છે, તે પુસ્તકોમાં વાંચેલા નહીં, પરંતુ જીવનના સંઘર્ષ, સતત મહેનત, સફળતા-નિષ્ફળતામાંથી મળેલી શીખ અને અડગ વિશ્વાસથી, ભારત, ગલ્ફના દેશો અને અમેરિકામાં દરરોજના ૧૨-૧૩ કલાકો, હા સતત ૧૨-૧૩ કલાકો કામ કરતાં મેળવેલા અનુભવોનું પ્રતિબિંબ છે. હું જે સમજાવવાનો પ્રયત્ન કરી રહ્યો છું તે મેં જાતે અનુભવ્યું છે.  હું જે પ્રેરણા આપું છું, તે મારા પોતાના જીવનપ્રવાસમાંથી જન્મી છે. કદાચ આ જ વાત આ પુસ્તકને અન્ય પુસ્તકો કરતાં અલગ અને વધુ વિશ્વસનીય બનાવે છે.” આ પુસ્તક દરેક વાચકને માત્ર માહિતી આપતું નથી, પરંતુ આત્મવિશ્વાસ, નવી દિશા અને વૈશ્વિક વિચારસરણી પણ આપે છે.

પુસ્તકમાં સમાવિષ્ટ દરેક ફોટોગ્રાફ એક મૌન સંદેશ આપે છે કે સામાન્ય પરિવારમાંથી આવેલ યુવાન પણ વિશ્વના સૌથી મોટા આંતરરાષ્ટ્રીય પ્રોજેક્ટ્સ સુધી પહોંચી શકે છે. સફળતા કોઈ ખાસ શહેર કે દેશની મિલકત નથી; તે મોટા સપનાઓ જોનાર અને સતત પ્રયત્ન કરનાર દરેક વ્યક્તિનો અધિકાર છે. લેખકનું માનવું છે કે જીવનમાં કેટલીક તકો માત્ર એક જ વાર મળે છે અને ક્યારેક એક પુસ્તક, એક વિચાર અથવા એક યોગ્ય નિર્ણય સમગ્ર જીવનની દિશા બદલી શકે છે. જો આ પુસ્તક વાંચ્યા પછી કોઈ એક યુવાનના મનમાં પણ “હું પણ કરી શકું છું” એવો આત્મવિશ્વાસ જન્મે, તો આ પુસ્તક લખવાનો હેતુ સફળ ગણાશે.

લેખકનો પ્રેરણાદાયી સંદેશ

“મોટાં સપનાં જોનારાઓ જ દુનિયાને નવી દિશા આપે છે. ડિગ્રી કારકિર્દીની શરૂઆત છે, જ્યારે સતત શીખતા રહેવું તેની સાચી ઊંચાઈ છે. કદાચ આ પુસ્તકનું એક પાનું જ તમારા જીવનની નવી ક્ષિતિજનો પ્રારંભ બની જાય.”

B Buzz Media UK & INDIA તમામ વિદ્યાર્થીઓ, યુવાનો અને વાચકોને આ પ્રેરણાદાયી e-Book અવશ્ય વાંચવા અનુરોધ કરે છે. કદાચ આજનો એક નાનકડો નિર્ણય આવતીકાલની વૈશ્વિક સફળતાની શરૂઆત બની શકે.

 કારકિર્દીની નવી ક્ષિતિજો પુસ્તકની PDF ફાઈલ ડાઉનલોડ કરવા MY Tankaria વેબસાઈટની આ લિંકનો ઉપયોગ કરો.  https://www.mytankaria.com/people/career-guidance

– B Buzz Media UK & INDIA

 

‘કારકિર્દીની નવી ક્ષિતિજો’ પુસ્તક ડાઉનલોડ કરવા આ લિંક પર ક્લિક કરો.

Discussion

No comments yet.

💬 Leave a Comment

શયબાન બોડા એક સપનું, જે સમગ્ર સમાજની આશા બન્યું “કદમ અસ્થિર હો એને કદી રસ્તો નથી જડતો, અડગ મનના મુસાફિરને હિમાલય પણ નથી નડતો.” એક સામાન્ય ઘરમાં જન્મેલું અસામાન્ય સ્વપ્ન
આ લિંક પર ક્લિક કરો.

Discussion

No comments yet.

💬 Leave a Comment

ધોરણ ૧૦, ૧૧, ૧૨ના આમંત્રિત વિદ્યાર્થીઓ તથા તાજેતરમાં ધોરણ ૧૨ પાસ થયેલા વિદ્યાર્થીઓને ઉપસ્થિત રહેવા આમંત્રણ

ઉપરોક્ત આમંત્રણ પત્રિકામાં દર્શાવ્યા મુજબ WBVF Tankaria Team દ્વારા તા. ૧૩ જૂન, ૨૦૨૬ (શનિવાર)ના રોજ મદ્રસા હોલ ખાતે વિદ્યાર્થીઓ માટે કારકિર્દી માર્ગદર્શન અને પ્રેરણાદાયી કાર્યક્રમનું આયોજન કરવામાં આવ્યું છે. કાર્યક્રમમાં ટંકારીઆની વિવિધ શાળાઓમાં અભ્યાસ કરતા ધોરણ ૧૦, ૧૧ અને ૧૨ (આર્ટ્સ, કોમર્સ અને સાયન્સ)ના વિદ્યાર્થીઓ ઉપરાંત સિતપોણ, કંબોલી અને વરેડિયાના ધોરણ ૧૨ના વિદ્યાર્થીઓને જે-તે શાળા મેનેજમેન્ટ મારફત આમંત્રિત કરવામાં આવ્યા છે.

આ ઉપરાંત, ટંકારીઆ હાઇસ્કૂલમાંથી વર્ષ ૨૦૨૬ અથવા ૨૦૨૫માં ધોરણ ૧૨ (આર્ટ્સ, કોમર્સ અથવા સાયન્સ)ની પરીક્ષામાં સફળ થયેલા અને હાલમાં વિવિધ કોલેજોમાં પ્રવેશ અંગેની કામગીરી કરી રહ્યા હોય અથવા NEET-2026ની પુનઃપરીક્ષાની તૈયારી કરી રહ્યા હોય તેવા તમામ વિદ્યાર્થી-વિદ્યાર્થીનીઓને પણ આ કાર્યક્રમમાં ખાસ ઉપસ્થિત રહેવા અનુરોધ કરવામાં આવે છે.

કાર્યક્રમમાં સુરતના જાણીતા કારકિર્દી માર્ગદર્શક, પ્રેરણાદાયી વક્તા અને શિક્ષણવિદ્ શ્રી દેવરાજ ચૌધરી સહિતના અનુભવી નિષ્ણાતો ઉપસ્થિત રહી વિશાળ LED સ્ક્રીનના માધ્યમથી માર્ગદર્શન આપશે. વિદ્યાર્થીઓને ઉચ્ચ શિક્ષણની વિવિધ તકો, પ્રવેશ પ્રક્રિયાઓ, સ્પર્ધાત્મક પરીક્ષાઓ, કારકિર્દી આયોજન અને ભવિષ્યની સંભાવનાઓ અંગે ઉપયોગી માહિતી પ્રાપ્ત થશે.

કાર્યક્રમનો મુખ્ય હેતુ વિદ્યાર્થીઓને યોગ્ય દિશા, સચોટ માહિતી અને નવી પ્રેરણા પૂરી પાડવાનો છે.

આથી, શાળા મેનેજમેન્ટ દ્વારા આમંત્રિત વિદ્યાર્થીઓ ઉપરાંત ટંકારીઆ હાઇસ્કૂલના ધોરણ ૧૨ પાસ વિદ્યાર્થી-વિદ્યાર્થીનીઓને આ કાર્યક્રમનો લાભ લેવા ખાસ તાકીદ કરવામાં આવે છે. બીજા ગામોમાં રહેતા આપના વર્ગના સહાધ્યાયી મિત્રોને ફોન કરી જાણ કરશો. સમય અને સંજોગો અનુકૂળ રહેશે તો પસંદગીના વિદ્યાર્થીઓ માટે વન-ટુ-વન કાઉન્સેલિંગની પણ વ્યવસ્થા કરવામાં આવશે.

Discussion

No comments yet.

💬 Leave a Comment

 ગુસલ વાન સંબંધિત વિડીયો જોવા નીચે આપેલ links પર ક્લિક કરો
(1) ગુસલ વાનમાં મય્યતને ગુસલ આપવાની સરળ રીત
(2) મય્યતને કફન પહેરાવવાની સરળ રીત: ભાગ ૦૧ 
(3) મય્યતને કફન પહેરાવવાની સરળ રીત: ભાગ ૦૨
(4) મય્યતને ગુસલ આપવા અને કબ્રસ્તાન સુધી લઈ જવા માટેની મય્યત વાન. ટંકારીઆ, તાલુકા જિલ્લા- ભરૂચ. 

ટંકારીઆ ઇદગાહ ટ્રસ્ટ સંચાલિત આધુનિક અને સંપૂર્ણ સુવિધાસભર મય્યત વાનનું લોકાર્પણ તા. ૦૮ મે ૨૦૨૬, શુક્રવારના રોજ ગામની મસ્જિદોમાં જાહેરાત અને મોટા પાદરમાં દુઆ સાથે કરવામાં આવ્યું હતું. મોટા પાદરમાં યોજાયેલા ખાસ દુઆના કાર્યક્રમની શરૂઆત હાફેઝ સલીમ સાહેબે તીલાવતે કુરઆનથી કરી હતી. સૈયદ પાટણવાલા બાવા સાહેબે વાનનો દરવાજો ખોલી વાનનું લોકાર્પણ કર્યું હતું. હઝરત મવલાના અબ્દુલરઝ્ઝાક અશરફી સાહેબે ખાસ દુઆઓ કરી હતી.

મય્યતને ગુસલ આપવા અને કબ્રસ્તાન સુધી સન્માનપૂર્વક લઈ જવાની બન્ને સુવિધાઓ ધરાવતી આ પહેલી વાન છે. બધી સુવિધાઓ સાથેની આ સંપૂર્ણ એર-કન્ડિશન્ડ વાન ટંકારીઆ ગામ અને સમાજ માટે એક અનમોલ સેવા સાબિત થશે, ઇન્શાઅલ્લાહ.

આ આધુનિક વાનમાં નીચે મુજબની સુવિધાઓ ઉપલબ્ધ કરવામાં આવી છે:

  • હાયડ્રોલિક સિસ્ટમવાળું ઉપર-નીચે કરી શકાય એવું પ્લેટફોર્મ
  • સ્વચ્છ પાણીની ટાંકી તથા વેસ્ટ પાણી માટે અલગ ટાંકી
  • ગેસ ગીઝર અને ઠંડા-ગરમ પાણીની સુવિધા
  • હેન્ડ શાવર અને વોશ બેસિન
  • બેટરી સંચાલિત પંખા અને લાઈટ
  • સ્લાયડિંગ વિન્ડો તથા પરદાની સુવિધા
  • જનાજો મૂકવાની સંપૂર્ણ વ્યવસ્થા
  • વાનમાં ફોલ્ડ કરી શકાય એવી બેઠક વ્યવસ્થા
  • વાનની અંદરની બાજુએ કાટ પ્રતિરોધક એસ.એસ. બોડી

આ ઉપરાંત, વાનમાં ભાઈઓ અને બહેનો માટે કફનના તૈયાર સેટ, ખુશ્બૂ, અત્તર, સાબુ સહિતની કિટ, કબરમાં ઉપયોગમાં લેવાતી સાદડી વગેરે જરૂરી સામગ્રી ખૂબ જ કિફાયતી ભાવે વાનમાં ઉપલબ્ધ રહેશે. ભોજા સ્વીટ વોટરના માલિક સલીમભાઈ ઈસ્માઈલ ભોજા તરફથી દરેક મય્યતના ગુસલ માટે ફિલ્ટર પાણી (RO Water) નિઃશુલ્ક આપવામાં આવશે.

મય્યત વાન માટે સંપર્ક કરવાના જિમ્મેદારોના ફોન નંબરો:

મય્યતને ગુસલ આપવા અને કબ્રસ્તાન સુધી લઈ જવાની જરૂરિયાત માટે નીચે આપેલા જિમ્મેદારોમાંથી ક્રમ મુજબ કોઈપણ એક જ જિમ્મેદારનો સંપર્ક કરવો.

  1. બિલાલભાઈ મેલા – ૯૮૨૪૭૯૦૧૬૪
  2. મુબારકભાઈ સંચાવાલા – ૭૬૯૮૨૦૭૩૮૮
  3. ઈસ્માઈલભાઈ મન્સુરી – ૯૯૦૪૦૭૩૦૨૪
  4. ઇમામશાહ દિવાન – ૯૮૯૮૦૦૩૧૭૬

જિમ્મેદારોના મોબાઈલ નંબર મય્યત વાન ઉપર પણ સ્પષ્ટ રીતે લખવામાં આવ્યા છે.

ટંકારીઆ વેલ્ફેર સોસાયટી સહિત ગામ-પરગામના તમામ ભાઈઓ-બહેનો, સહયોગીઓ અને દાતાઓનો ટંકારીઆ ઇદગાહ ટ્રસ્ટ હૃદયપૂર્વક આભાર વ્યક્ત કરે છે. અલ્લાહ તઆલા તમામની ખિદમત, મહેનત અને સહકારને કબૂલ ફરમાવી બન્ને જહાનમાં બેહતરીન બદલો અતા ફરમાવે એવી દિલી દુઆ છે.

ઇન્શાઅલ્લાહ, મય્યત વાન માટે અલગ શેડ બનાવવાનું કામ પણ ટૂંક સમયમાં શરૂ કરવામાં આવશે અને કામ પૂર્ણ થયા બાદ સંપૂર્ણ હિસાબ જાહેર કરવામાં આવશે.

ખાસ તાકીદ

માં-બહેનોના મય્યત દરમિયાન ઘરેથી લઈને દફનવિધિ સુધી શરીયત મુજબ જે રીતે પરદાનો સંપૂર્ણ ખ્યાલ રાખવામાં આવે છે, એ જ રીતે ગુસલ આપવાની પ્રક્રિયાના દરેક તબક્કે પણ પરદાનો સંપૂર્ણ એહતેમામ રાખવો અત્યંત જરૂરી છે. આ હેતુસર, ઓરતોની દફનવિધિ દરમિયાન કબ્રસ્તાનમાં ઉપયોગમાં લેવાતા મોટા પરદા ઉપરાંત એક નાની સાઇઝનો પરદો પણ વાનમાં ઉપલબ્ધ રહેશે, જેથી જ્યાં જરૂર પડે ત્યાં તેનો ફરજીયાત ઉપયોગ કરી શકાય.

આ દીની અને સામાજિક ખિદમતને સફળ બનાવવા માટે સમગ્ર ગામજનોનો સંપૂર્ણ સહકાર અત્યંત આવશ્યક છે.

અલ્લાહ તઆલા આ ખિદમતને બધાના માટે સદકએ  જારિયા બનાવે અને સમગ્ર સમાજ માટે લાભદાયક સાબિત કરે. આમીન.




Discussion

No comments yet.

💬 Leave a Comment

­It is with deep sorrow that we announce the passing of Hajiyani Bibiben Ibrahim Suleman Hira, beloved mother of the late Ismail Master Hira, Dilawer Master Hira, the late Usman Hira, and Mustak Hira, in Chicago, USA. Inna lillahi wa inna ilayhi raji’un. إِنَّا ِلِلَّٰهِ وَإِنَّا إِلَيْهِ رَاجِعُونَ. May ALLAH (SWT) grant her the highest place in Jannatul Firdaus and grant sabr-e-jameel to her family members

Salat ul Janaza:

Friday, Feb, 27th @1:30PM (following Jumma Prayer)

Madina Masjid

4850 N St. Louis Ave

Chicago, IL 60625

Burial Cemetery Information:

Rosehill Cemetery

2150 W Peterson Ave.,

Chicago, IL 60659

Seating Arrangements:

Men: 505 Huber Ln. Glenview, Illinois 60025

Ladies: 5404 N Kimball Ave. Chicago, Illinois 60625

Discussion

No comments yet.

💬 Leave a Comment
1 2 3 … 9