News

તાડફળી એ ઉનાળાની ઋતુમાં શરીરને ઠંડક આપતું એક ફળ. જેને આપણી ભાષામાં “તાલફોળી” તરીકે જાણીયે છીએ. ઉનાળાની ઋતુ બરાબર જામી છે અને આ તાલફોળી નામનું ફળ બજારમાં ઉતરી આવ્યું છે. જેનો લોકો ભરપૂર આનંદ ઉઠાવી રહ્યું છે.

“ખળું” આ શબ્દ નવી પેઢીના ખેડૂત દીકરાઓ માટે જાણે ખેડૂતપોથી માંથી જાણે ઘસાતો જવા લાગ્યો છે. વૈશાખ તપે એ પહેલા ફાગણીયે ટાણે ખેત સીમાડા જીવંત બની ધબકતા હોય છે. ખેતર ખળા નવા તાજા અનાજ ઊભર્યા-છલક્યા જોવાની વેળાએ ચાસેથી ઉપણેલું અનાજ હવે ખળી તરફ હોય, ખેડૂ પરિવાર ના અબાલવૃધ્ધ સૌ સભ્યો ઘર થી સીમ સુધી હડિયું’દોટ કરતા હોય, ધરતીએ ઉપજાવેલો એક એક દાણો સાફ સફાઈ બાદ ચોખ્ખો ચણાક થાય તેની મથામણ, ઘઉં, તુવેર, મગ, મઠિયા, જુવાર ખળામાં બળદના પગે પિલાવ્યા પછી, પછેડીએ વીંઝણો કરી પાલો, ગોતર, મગિયું વિગેરે સાથે ખેતરની ધૂળ ઉડાડવાની એ જૂની પરંપરા યુક્ત પૂર્ણ પ્રક્રિયા માં આજે તો સમયાંતરે અનેક બદલાવ આવ્યા છે. ડીઝલ, બેટરી કે વીજળીક ઉપકરણો સાથે મોટા પાંખિયા વાળા પંખા ટ્રેક્ટર કે થ્રેસર માં લાગ્યા, જેથી અનાજ સફાઈની મહેનત ઓછી થવા લાગી. તેમજ હવે નવી પ્રણાલી મુજબ તૈયાર થયેલો પાક ખેતરમાંજ સોજ્જો કરી દેવાનો એટલે ખળી ની મહત્વતા જાણે વિસરાઈ ગઈ છે. આવો ખળી નો વિસરાઈ ગયેલો નજારો આપણે નીચેના ફોટા માં જોઈને વીતેલા દિવસોની યાદોમાં ખોવાઈ જઈએ.

Rubina Yusuf Mansuri [Kadiya] passes away………inna lillahe wainna ilayhe rajeun. Namaj e janaja will held at Hashamshah [RA] graveyard after Isha prayer….May ALLAH [SWT] grant her the best place in Jannatul firdaush. Ameen.

Huriben W/O Late Valibhai Chavda Passed away……… Inna lillahe wainna ilayhe rajeun. Namaj e janaja will held at Hashamshah [RA] graveyard at 4pm. May ALLH [SWT] grant her the best place in Jannatul Firdaush. Ameen.

Khadija Umarji Vevli Passed away……… Inna lillahe wainna ilayhe rajeun. Namaj e janaja will held at Hashamshah [RA] graveyard at 3pm. May ALLH [SWT] grant her the best place in Jannatul Firdaush. Ameen.

ટંકારીઆ ગામે મુસ્તુફાબાદ ક્રિકેટ ગ્રાઉન્ડ [ખરી] પર સ્પોર્ટ્સ ક્લબ દ્વારા આયોજિત ટંકારીઆ ટીનેજરોની માંગણીને ધ્યાને લઇ અંડર-૧૯ ટી-૨૦ ટુર્નામેન્ટ નું આયોજન કરવામાં આવ્યું હતું જેમાં ૪ ટીમોએ ભાગલીધો હતો. જેની ફાઇનલ મેચ આજે વરેડીયા અને ટંકારીઆ વચ્ચે રમાઈ હતી જેમાં ટંકારીઆ ટીમનો ભવ્ય વિજય થયો હતો. આ ટુર્નામેન્ટમાં અંડર-૧૯ ની ઉમર ધરાવતા ખેલાડીઓએ ભાગ લીધો હતો. અંતમાં ટ્રોફી વિતરણ કરવામાં આવ્યું હતું જેમાં ઉસ્માન આદમ લાલન અને તેમની ટિમ આ સમારંભમાં ઉપસ્થિત રહી ટ્રોફી વિતરણ કરવામાં આવી હતી.

આજે આલમે ઇસ્લામ પર અલ્લાહ તઆલાએ તેના હબીબ ના સદકામાં એક મોટી બરકતોવારી રાત નો વાયદો કરેલો છે કે જેને શબ એ બરાત થી આપણે ઓળખીએ છીએ. આજે આપણી જિંદગીના હિસાબના લેખાજોખા થશે. આજે મગરીબ ની અઝાન પહેલા ૪૦ વખત “લા હવલા વલા કુવ્વતા ઇલ્લા બિલ્લાહિલ અલીયયિલ અઝીમ” અવશ્ય પઢશો. તથા ઝીકરો અસગાર, નફિલ નમાઝો તથા ગુનાહોની તૌબા કસરતથી કરતા રહેશો. તમામ મર્હુમ મોઅમીનીન – મોઅમીનાત માટે મગફિરતની દુઆઓ ગુજારશો. તથા હયાત ઉમ્મતે મુસલીમાં માટે આફિયાટ, તંદુરસ્તી, અમન, ભાઈચારાની દુઆઓ ગુજારશો. તેમજ સમગ્ર વિશ્વમાંથી કોરોનાનો કહેર અલ્લાહ તબારક વ તઆલા ઉઠાવી લે અને જે મોમીનો આ ભયંકર બીમારીમાં સપડાયેલા છે તેમને શિફા એ કુલ્લી અતા કરે એવી દુઆઓ પણ કરશો. આપ સૌ આ વેબસાઈટ ના ખાદીમો માટે પણ તંદુરસ્તી અને આફિયાટની દુઆઓ ગુજારશો એવી વિનંતી છે.

સમગ્ર ગુજરાત રાજ્યમાં કોરોના સંક્રમિત કેસોમાં ઝડપથી વધારો થઇ રહ્યો છે તેવામાં ઉનાળાની ગરમી પણ જોર પકડી રહી છે. ટંકારીઆ તથા પંથકમાં પણ ધીરે ધીરે ઉનાળો આકરો થવા પામ્યો છે. છેલ્લા બે ત્રણ દિવસથી વાતાવરણમાં પલટો જોવા મળી રહ્યો છે. અને મહત્તમ તાપમાન ૩૯ ડિગ્રી સેલ્સિયસ જેટલું થવા પામ્યું છે. બપોરના સમયે ગરમીમાં વધારો જોવા મળી રહ્યો છે. જયારે આગામી દિવસોમાં ગરમીમાં વધારો થવાની સંભવના વ્યક્ત કરવામાં આવી છે. જોકે લઘુત્તમ તાપમાન ૨૧ ડિગ્રી જેટલું રહે છે જેને લીધે વહેલી સવારે અને મોડી રાત્રે વાતાવરણમાં ઠંડક નો અનુભવ થાય છે. હવામાન ખાતાએ હવે પછીના આવનાર દિવસોમાં ગરમીનો પારો ૪૪ ડિગ્રીથી વધારે થાય તેવી સંભાવના વ્યક્ત કરી છે. બીજી બાજુ કોરોના ના કેસોમાં વધારો થઇ રહ્યો છે. તો આવા સંજોગોમાં કામ વગર ઘરની બહાર નીકળવાનું ટાળવું જોઈએ અને બહાર નીકળવાનું થાય તો મોઢા પર માસ્ક ફરજીયાત બાંધવાનું જરૂરી છે. રમઝાન શરીફનો મહિનાને આવવામાં પણ ગણતરીના દિવસો બાકી હોય અલ્લાહ તઆલા આઁફિયતની સાથે રમઝાનમાસમાં તેની રહેમતની વર્ષા તમામ મુસલમાનો પર કરે અને કોરોનામાં જે મુસલમાનો સંક્રમિત છે તેમને અલ્લાહ તઆલા જલ્દી થી જલ્દી સ્વસ્થ કરી રમઝાન શરીફ ના માસમાં ઈબાદતો કરાવે એવી દિલી દુઆ.