ટંકારીઆ તથા પંથક માં શિયાળાનો બિલ્લીપગે પેસારો

ચોમાસુ લગભગ વિદાય લઇ રહ્યું છે અને આહલાદક ઠંડી ની સીઝન એટલેકે શિયાળો ચુપકે ચુપકે બિલ્લીપગે દસ્તક દઈ રહ્યો છે. મસ્ત મઝાની આ ઋતુ નો આરંભ લગભગ થઇ ગયો છે. સવારે મળસ્કાના પહોરમાં ઠંડી વર્તાઈ રહી છે. પરંતુ મધ્યાહન માં તો ગરમીનો અહેસાસ થાય છે. તાજાંતાજાં શાકભાજી, ફળો આરોગવાની સીઝન આવી રહી છે. દિવસના શરૂઆતનું વાતાવરણ એકદમ સમશિતોષ્ણ થઇ ગયું છે. ચાલુ ચોમાસામાં આ વખતે અતિશય વરસાદ પડવાને કારણે આપણા અનુભવી વડીલોનું કહેવું છે કે આ વખતનો શિયાળો પણ થોડો કડક રહેશે. વિદેશમાં વસતા આપણા હમવતની પરિવારો માદરે વતન આવવાની તૈયારીઓમાં લાગી ગયા હશે. ખેડૂતો પણ લાંબા સમયના આરામ બાદ ખેતરોના કામોમાં જોતરાઈ ગયા છે. હવે ધીમે ધીમે શાદીઓની સીઝન પણ શરુ થઇ જશે.