ટંકારીઆ માં સફાઈ જાગૃતતા અભિયાન ની રેલી યોજાઈ

ભરૂચ તાલુકાના ટંકારીઆ ગામે આજરોજ સવારે ઘી ટંકારીઆ હાઈસ્કૂલ ના વિદ્યાર્થીઓ દ્વારા સફાઈ પ્રત્યે ની જાગૃતતા માટે એક રેલી નું આયોજન કરવામાં આવ્યું હતું.
સ્વચ્છતા અંગે માર્ગદર્શન આપવા માટે આજરોજ ઘી ટંકારીઆ હાઈસ્કૂલ ના વિદ્યાર્થીઓ દ્વારા સમગ્ર ગામમાં શેરીએ શેરીએ ફળીને ગ્રામજનો ને સફાઈ પ્રત્યે જાગૃતતા લાવવા સૂત્રોચ્ચારો કરી તથા શેરીઓમાં સફાઇને સંલગ્ન નાટકો યોજી લોકોને સફાઈ પ્રત્યે જાગૃત કરવામાં આવ્યા હતા. આ રેલીમાં સમગ્ર હાઈસ્કૂલના વિદ્યાર્થીઓ તથા આચાર્ય ગુલામભાઇ પટેલ તથા શિક્ષકગણ પણ વિદ્યાર્થીઓ સાથે ફરીને સફાઈ અંગે માર્ગદર્શન પૂરું પડતા નજરે પડ્યા હતા.