TANKARIA WEATHER
Haji Sadiqbhai Banglawala passed away in London, England. Inna Lillahe Wainna Ilayhe Rajeun.
Due to the current lockdown situation, the family have kindly requested for everyone to offer their condolences, duas and prayers from their own homes.
May Allah SWT grant him a place in Jannat-ul-Firdaus and Sabr-e-Jameel to his family. Ameen.
કોરોના વાઇરસની મહામારી વચ્ચે ટંકારીઆ ગામથી નજીકના પારખેત અને વાંતરસ ગામે કોરોના વાઇરસના પોઝિટિવ કેસ નીકળતા ટંકારીઆ ગામને પણ સંપૂર્ણ બંધ કરી દેવામાં આવ્યું છે. સવારે ૮ થી ૧૧ સુધી આવશ્યક સેવાઓની દુકાનો ચાલુ રાખવામાં આવે છે. ત્યાર બાદ ગામ સંપૂર્ણ લોક ડાઉન થઇ જવા પામે છે. અને ત્યાર બાદ ગામ સંપૂર્ણ રીતે સુમસામ થઇ જવા પામે છે. તદુપરાંત ગરમીનો પારો પણ લગભગ ૪૩ ડિગ્રી સેલ્સિયસ સુધી પહોંચી જતા ભારે ગરમીનો અહેસાસ પણ થાય છે. ગ્રામજનો સરકારના આદેશને અનુસરી પોતાના ઘરોમાંજ પુરાઈ રહે છે. અલ્લાહ તઆલા આ મહામારીથી તમામનું રક્ષણ કરે એવી દુઆ ગુજારવાની ગુજારીશ કરવામાં આવે છે.
ભરૂચ તાલુકાના પારખેત ગામે કોરોના વાઇરસ નો એક પોઝિટિવ કેસ નોંધાતા પારખેત ગામની આસપાસના ૭ કી.મી. ની ત્રિજયાનો વિસ્તાર સંપૂર્ણપણે સીલ કરી દેવામાં આવ્યો છે. જેમાં પારખેત ગામ સહીત ટંકારીઆ, સીતપોણ, પરીએજ, નબીપુર, હિંગલ્લા, કુવાદાર, બોરી, કરગત, વરેડીયા, કહાન, ઠીકરીયા તથા આમોદ તાલુકાના વાંતરસ, કેસલુ, કુરચન સહિતના ગામો સંપૂર્ણ પણે લોકડાઉન કરી પોલીસ દ્વારા સીલ કરી દેવામાં આવ્યા છે. આ તમામ ગામોમાં વહીવટી તંત્રે હદ સીલ કરી દીધી છે. જે અંતર્ગત ટંકારીઆ ગામની ચારે દિશા પણ સીલ કરી દેવામાં આવી છે. પારખેત ગામમાં પોલીસ નો કડક બંદોબસ્ત ગોઠવાઈ જવા પામ્યો છે અને ગામને ચારે તરફથી સીલ કરી દેવામાં આવ્યું છે. તદુપરાંત ત્રિજ્યામાં આવતા ગામોમાં પણ પોલીસ બંદોબસ્ત ખડકી દેવામાં આવ્યો છે. તમામ ગામોમાં બહારથી આવતા લોકો માટે પ્રવેશબંધી ફરમાવી આપી છે અને ગામના લોકોએ પણ બહારગામ જવાની મનાઈ ફરમાવી દીધી છે. ટંકારીઆ ગામે પણ ચોતરફ પ્રવેશના રસ્તા બંધ કરી આપવામાં આવેલા છે. જેને લઈને ટંકારીઆ ગામ પણ સુમસામ ભાસી રહ્યું છે. ટંકારીઆ ગામ તરફ આવતા તમામ રસ્તાઓ પી.એસ.આઈ. પાલેજ ના હુકમથી બંધ કરી દેવામાં આવ્યા છે. અને ઠેર ઠેર બંધ રસ્તાઓ પર પોલીસ સિક્યુરિટી તૈનાત કરી દેવામાં આવી છે.
Tankaria and 7 surrounding villages are sealed off for any movement after a confirmed case of positive COVID-19 in Parkhet (a village 3 km from Tankaria). Gujarat Police in co-ordination with Tankaria Panchayat blocked all the entrance surrounding Tankaria.
We urge all citizens of Tankaria and surrounding village to strictly adhere to guidelines provided by medical professionals and to respect instructions provided by community leaders to avoid outdoor activities, maintain social distancing (keeping 6 feet distance when communicating with others) and wear a mask while conducting essential activities such as grocery shopping.
કોરોના વાઇરસની મહામારીમાં લોક ડાઉન ના પગલે તમામ ધંધાદારી તથા મજુરીયાત તથા નોકરિયાત વર્ગો પર આર્થિક સંક્રમણ વધી ગઈ છે. અને ખાસ કરીને રોજિંદા કમાઈને પોતાના કુટુંબનું ભરણપોષણ કરનાર વર્ગો પર મુસીબતો વધી ગઈ છે. જેને ધ્યાને રાખી ટંકારીઆ ગામના નવયુવાનો દ્વારા ઇંગ્લેન્ડના લેસ્ટર મુકામે કાર્યરત ચેરીટેબલ સંસ્થા ઘી ટંકારીઆ કોમ્યુનિટી સેન્ટર દ્વારા ગામના ગરીબ તથા મધ્યમવર્ગીય જરૂરિયાતમંદો માટે ફંડની સહાય ટંકારીઆ ખાતે કાર્યરત શૈખુલ ઇસ્લામ ટ્રસ્ટને પહોંચાડી હતી જે ફંડને શૈખુલ ઇસ્લામ ટ્રસ્ટ ટંકારીઆ દ્વારા ગરીબ તથા જરૂરિયાતમંદોને રોકડ સહાય નું વિતરણ કરવામાં આવ્યું હતું. આ થકી શૈખુલ ઇસ્લામ ટ્રસ્ટ ટંકારીઆ ઘી ટંકારીઆ કોમ્યુનિટી સેન્ટર નો આભાર વ્યક્ત કરે છે.
Dilawarbhai Ahmed Bangli passed away in Tankaria. Inna Lillahe Wainna Ilayhe Rajeun.
May Allah SWT give him a place in Jannat-ul-Firdaush. Ameen.
મુસ્લિમોનો પવિત્ર શબેબરાત નો તહેવાર ની ટંકારીઆ તથા આસપાસ ના ગામોમાં એકદમ સાદગી પૂર્વક ઉજવણી કરવામાં આવી હતી. કોવિદ ૧૯ ના હાહાકાર વચ્ચે સમગ્ર પંથકે આ તહેવાર પોતાના ઘરોમાં રહી ફરઝ નમાજો ઉપરાંત નફિલ નમાજો, ઝિક્ર, કુરાને પાકની તિલાવત તથા દિગર ઈબાદતો પોતાના ઘરોમાં રહીને અદા કરી હતી. આ પ્રસંગે રાત્રે દરગાહો તથા કબ્રસ્તાનમાં જવાનો રિવાજ હોય છે પરંતુ કલેક્ટર સાહેબ ના જાહેર ફરમાન મુજબ તથા કલમ ૧૪૪ અંતર્ગત તેમજ અગમચેતીના ભાગ રૂપે તમામ દરગાહો તથા કબ્રસ્તાનોને બહારથી સીલ કરી દેવામાં આવ્યા હતા. અને તમામનો પ્રવેશ પ્રતિબંધ કરવામાં આવ્યો હતો જેના સંદર્ભે લોકોએ પણ કબ્રસ્તાનો તરફ જવાનું તારીને પોતપોતાના ઘરોમાં રહી સરકારના લોકડાઉનના આદેશ નું સમર્થન કર્યું હતું. જામે મસ્જિદ ટંકારીઆ ના ખતીબ ઇમામ મૌલાના અબ્દુર્રઝાક અશરફી સાહેબે સમગ્ર માનવજાત ને આ મહામારીમાંથી મુક્ત કરવાની તથા ભારત દેશના તમામ દેશવાસીઓ ને અલ્લાહ તઆલા આ ભયંકર મહામારી માંથી મુક્તિ આપે એવી બારગાહે ખુદાવંદીમાં કાકલુદી સાથે દુઆ ગુજારી હતી.
રિપોર્ટ તૈયાર કરનાર
મુસ્તાક દૌલા
પ્રેસ રિપોર્ટર
ગુજરાત ટુડે [દૈનિક]
