Month: August 2020
મોડો મોડો પણ ધીમીધારે રહેમના વરસાદે ટંકારીઆ ની ધરાને ભીંજવી નાખી
શ્રાવણ માસ ચાલુ છે અને આજે કાળાભમ્મર વાદળોની ભરમાર વચ્ચે સવારની શરૂઆત થઇ અને વાદળાં ધીમીધારે રહેમતભર્યો વરસાદ વરસાવવાનું ચાલુ કર્યું હતું. વૃક્ષની બખોલે સચવાયેલા મેઘબુન્દ દડતા રેલાતા રવાલ ચાલે વહી રહ્યો છે, ડાળી સહારે લસરે, લચેલા લીલાછમ પાંદડેથી લચકીને ટોચેથી ટપકી રહ્યો છે, તે ટપ…ટપ સ્વર અને સુરના ધ્વનિગુંજનો સંભરાય છે. અસહ્ય ગરમી અને ઉકરાત વચ્ચે વરસાદ નું આગમન લોકોના મુખે સ્મિત રેલાતું કરી દીધું છે. આવા માહોલમાં અલ્લાહ ની રહેમત થઇ રહી છે.
સરાહનીય કાર્ય
આપણા ગામ ટંકારીઆ માં કોરોના વાઇરસની મહામારીને ધ્યાનમાં રાખી પ્રાથમિક સ્ટેજ પર જે વ્યક્તિને ઓક્સિજન લેવાં ૯૫ કરતા ઓછું જણાય તો ડોક્ટરની સલાહ લઇ ઘેરબેઠા ઓક્સિજન ની જરૂર હોય તો ઓક્સિજન બોટલ પહોંચાડવાનું કામ મેડિકલ ને લગતા આપણા ગામના બી.એસ.સી. નર્સિંગ તથા જી.એન.એમ. નર્સિંગ અને ડોક્ટર ની ટીમ તૈયાર કરી ઓક્સિજન બોટલ લગાડવાનું કામ ચાલુ કરવામાં આવ્યું છે. તો કોઈપણ વ્યક્તિને ઓક્સિજન લેવલ ઓછું જણાય અને પ્રાથમિક સારવારની જરૂર જણાય તો નીચે આપેલ માહિતી મુજબ સારવાર લઇ શકે છે.
ટંકારીઆ તથા પંથકમાં બકરી ઈદ ની ઉજવણી થઇ
ભરૂચ તાલુકાના ટંકારીઆ તથા પંથકમાં બકરી ઈદ ની ઉજવણી પરંપરાગત રીતે કરવામાં આવી હતી. સવાર ઈદ ની નમાજ વિવિધ મસ્જિદોમાં અદા કરવામાં આવી હતી. ઈદ ના ખુંતબા બાદ ઇમામ સાહેબોએ સમગ્ર વિશ્વ ને આ કોરોના ની મહામારીમાંથી મુક્તિની વિશિષ્ટ દુઆ ગુજારવામાં આવી હતી. કોરોના ની મહામારી ને લઈને લોકોએ સોસીઅલ ડિસ્ટન્સ જાળવી દરેકને ઈદ ની શુભકામનાઓ પાઠવી હતી. તમામ દર્શકોને ઈદ મુબારક પાઠવીએ છીએ.
