તા.૧૨.૫.૨૦૨૬ ને મંગળવાર સાંજે ૬.૩૦ કલાકે ટંકારીઆ ઘોડી રોડ સ્થિત નવી નગરી માં એક ઘર માં ગેસ બોટલ સરગવાથી આગ 🔥 લાગી હતી કોઇ જાનહાનિ કે માલી નુકસાન થયું નથી શૈખુલ ઇસ્લામ ટ્રસ્ટ ના કાર્યકર્તાઓ તાત્કાલિક ફાયર સેફટી બોટલ લઇ સ્થળ પર પહોંચી ગયા હતા અને તેના દ્વારા ફાયર સેફટી બોટલ દ્વારા તાત્કાલિક આગ 🔥 પર કાબુ મેળવી ધર ને તેમજ આજુબાજુના વિસ્તાર ના લોકો ને નુકસાન થતું બચાવવા માં આવ્યું હતું.
અલ્લાહ તઆલા તમામ ની હીફાજત કરે. આમીન…

મે માસની અસહ્ય ગરમી વચ્ચે ટંકારીઆ સહીત જિલ્લામાં ભારે ઉકળાટ, ગરમી અને લૂ નો સામનો લોકો કરી રહ્યા છે. બપોર દરમ્યાન ગરમીનો પારો ૪૩-૪૪ ડિગ્રી સેલ્સિયસ સુધી પહોંચી જાય છે. જાણે આકાશમાંથી અગનગોળા વરસી રહ્યા હોય તેવી સ્થિતિ સર્જાય છે. સવારના પહોર થી જ ગરમીનો પ્રકોપ શરુ થઇ જાય છે જે બપોર થતા અસહ્ય થઇ જાય છે. લોકો ઘરોની બહાર નીકળવાનું ટાળે છે અને બપોરે જાણે કર્ફ્યુ જેવો માહોલ થઇ જાય છે. અંગ દઝાડતી ગરમીના પગલે જનજીવન પર વ્યાપક અસર જોવા મળી રહી છે. આગામી દિવસોમાં પણ ગરમોનો પારો ઊંચો રહેવાની શક્યતાઓ સેવાઈ રહી છે.

Walima function of FAIZAN S/O ABDULLAH IBRAHIM AGGAR [EX. S.T. DRIVER] held at Tankaria today. 

ADAM MOHMED DAHYA passed away…. Inna Lillahe Wainna Ilayhe Rajeun. Namaj e janaja will held at Hashamshah [RA] graveyard at 9am tomorrow. May ALLAH [SWT] grant superior place in Jannatul firdaush. 

આજ રોજ ટંકારીઆ ગામ માટે ખુબ જ ખુશી નો મોકો હતો. ટંકારીઆ નાના પાદર ખાતે આવેલ નવનિર્માણ આંગણવાડી નું ઉદ્ઘાટન કરવામાં આવ્યું. જેમાં ખાસ મેહમાન તરીકે પૂજા બેન. C. D. P. O. સંગીતા બેન, દિનેશ ભાઈ. આશિસ ભાઈ, જીગનીશા બેન, જિલ્લા પંચાયત સદસ્ય. ભાવના બેન. તાલુકા પંચાયત સદસ્ય. અસ્મા બેન, માજી તાલુકા સદસ્ય અબ્દુલ મામાં, ભરૂચ તાલુકા કોંગ્રેસ સમિતિના પ્રમુખ મકબુલ ભાઈ અભલી, સામાજિક અગ્રણી નાસિર સાહેબ લોટીયા, સરપંચ મંગા ભાઈ, ડેપ્યુટી સરપંચ સફ્વાન ભુતા, ગામ પંચાયત ના તમામ સભ્યો. તથા વાલી મિત્રો ની હાજરી માં આ સુંદર મકાન નાના ભૂલકાઓ માટે ખુલ્લું મુકવામાં આવ્યું હતું. અત્યાર સુધી 15 વર્ષ થી ભાડા ના મકાન માં આ કેન્દ્ર ચલાવતા હતા.

આ આંગણવાડીની ફરતે બનાવેલી દીવાલ સ્ટેટ બેન્ક ઓફ ઇન્ડિયા ટંકારીઆ બ્રાન્ચના સહયોગથી બનાવવામાં આવેલી છે.

 ગુસલ વાન સંબંધિત વિડીયો જોવા નીચે આપેલ links પર ક્લિક કરો
(1) ગુસલ વાનમાં મય્યતને ગુસલ આપવાની સરળ રીત
(2) મય્યતને કફન પહેરાવવાની સરળ રીત: ભાગ ૦૧ 
(3) મય્યતને કફન પહેરાવવાની સરળ રીત: ભાગ ૦૨
(4) મય્યતને ગુસલ આપવા અને કબ્રસ્તાન સુધી લઈ જવા માટેની મય્યત વાન. ટંકારીઆ, તાલુકા જિલ્લા- ભરૂચ. 

ટંકારીઆ ઇદગાહ ટ્રસ્ટ સંચાલિત આધુનિક અને સંપૂર્ણ સુવિધાસભર મય્યત વાનનું લોકાર્પણ તા. ૦૮ મે ૨૦૨૬, શુક્રવારના રોજ ગામની મસ્જિદોમાં જાહેરાત અને મોટા પાદરમાં દુઆ સાથે કરવામાં આવ્યું હતું. મોટા પાદરમાં યોજાયેલા ખાસ દુઆના કાર્યક્રમની શરૂઆત હાફેઝ સલીમ સાહેબે તીલાવતે કુરઆનથી કરી હતી. સૈયદ પાટણવાલા બાવા સાહેબે વાનનો દરવાજો ખોલી વાનનું લોકાર્પણ કર્યું હતું. હઝરત મવલાના અબ્દુલરઝ્ઝાક અશરફી સાહેબે ખાસ દુઆઓ કરી હતી.

મય્યતને ગુસલ આપવા અને કબ્રસ્તાન સુધી સન્માનપૂર્વક લઈ જવાની બન્ને સુવિધાઓ ધરાવતી આ પહેલી વાન છે. બધી સુવિધાઓ સાથેની આ સંપૂર્ણ એર-કન્ડિશન્ડ વાન ટંકારીઆ ગામ અને સમાજ માટે એક અનમોલ સેવા સાબિત થશે, ઇન્શાઅલ્લાહ.

આ આધુનિક વાનમાં નીચે મુજબની સુવિધાઓ ઉપલબ્ધ કરવામાં આવી છે:

• હાયડ્રોલિક સિસ્ટમવાળું ઉપર-નીચે કરી શકાય એવું પ્લેટફોર્મ
• સ્વચ્છ પાણીની ટાંકી તથા વેસ્ટ પાણી માટે અલગ ટાંકી
• ગેસ ગીઝર અને ઠંડા-ગરમ પાણીની સુવિધા
• હેન્ડ શાવર અને વોશ બેસિન
• બેટરી સંચાલિત પંખા અને લાઈટ
• સ્લાયડિંગ વિન્ડો તથા પરદાની સુવિધા
• જનાજો મૂકવાની સંપૂર્ણ વ્યવસ્થા
• વાનમાં ફોલ્ડ કરી શકાય એવી બેઠક વ્યવસ્થા
• વાનની અંદરની બાજુએ કાટ પ્રતિરોધક એસ.એસ. બોડી

આ ઉપરાંત, વાનમાં ભાઈઓ અને બહેનો માટે કફનના તૈયાર સેટ, ખુશ્બૂ, અત્તર, સાબુ સહિતની કિટ, કબરમાં ઉપયોગમાં લેવાતી સાદડી વગેરે જરૂરી સામગ્રી ખૂબ જ કિફાયતી ભાવે વાનમાં ઉપલબ્ધ રહેશે. ભોજા સ્વીટ વોટરના માલિક સલીમભાઈ ઈસ્માઈલ ભોજા તરફથી દરેક મય્યતના ગુસલ માટે ફિલ્ટર પાણી (RO Water) નિઃશુલ્ક આપવામાં આવશે.

મય્યત વાન માટે સંપર્ક કરવાના જિમ્મેદારોના ફોન નંબરો:

મય્યતને ગુસલ આપવા અને કબ્રસ્તાન સુધી લઈ જવાની જરૂરિયાત માટે નીચે આપેલા જિમ્મેદારોમાંથી ક્રમ મુજબ કોઈપણ એક જ જિમ્મેદારનો સંપર્ક કરવો.

1. બિલાલભાઈ મેલા – ૯૮૨૪૭૯૦૧૬૪
2. મુબારકભાઈ સંચાવાલા – ૭૬૯૮૨૦૭૩૮૮
3. ઈસ્માઈલભાઈ મન્સુરી – ૯૯૦૪૦૭૩૦૨૪
4. ઇમામશાહ દિવાન – ૯૮૯૮૦૦૩૧૭૬

જિમ્મેદારોના મોબાઈલ નંબર મય્યત વાન ઉપર પણ સ્પષ્ટ રીતે લખવામાં આવ્યા છે.

ટંકારીઆ વેલ્ફેર સોસાયટી સહિત ગામ-પરગામના તમામ ભાઈઓ-બહેનો, સહયોગીઓ અને દાતાઓનો ટંકારીઆ ઇદગાહ ટ્રસ્ટ હૃદયપૂર્વક આભાર વ્યક્ત કરે છે. અલ્લાહ તઆલા તમામની ખિદમત, મહેનત અને સહકારને કબૂલ ફરમાવી બન્ને જહાનમાં બેહતરીન બદલો અતા ફરમાવે એવી દિલી દુઆ છે.

ઇન્શાઅલ્લાહ, મય્યત વાન માટે અલગ શેડ બનાવવાનું કામ પણ ટૂંક સમયમાં શરૂ કરવામાં આવશે અને કામ પૂર્ણ થયા બાદ સંપૂર્ણ હિસાબ જાહેર કરવામાં આવશે.

ખાસ તાકીદ

માં-બહેનોના મય્યત દરમિયાન ઘરેથી લઈને દફનવિધિ સુધી શરીયત મુજબ જે રીતે પરદાનો સંપૂર્ણ ખ્યાલ રાખવામાં આવે છે, એ જ રીતે ગુસલ આપવાની પ્રક્રિયાના દરેક તબક્કે પણ પરદાનો સંપૂર્ણ એહતેમામ રાખવો અત્યંત જરૂરી છે. આ હેતુસર, ઓરતોની દફનવિધિ દરમિયાન કબ્રસ્તાનમાં ઉપયોગમાં લેવાતા મોટા પરદા ઉપરાંત એક નાની સાઇઝનો પરદો પણ વાનમાં ઉપલબ્ધ રહેશે, જેથી જ્યાં જરૂર પડે ત્યાં તેનો ફરજીયાત ઉપયોગ કરી શકાય.

આ દીની અને સામાજિક ખિદમતને સફળ બનાવવા માટે સમગ્ર ગામજનોનો સંપૂર્ણ સહકાર અત્યંત આવશ્યક છે.

અલ્લાહ તઆલા આ ખિદમતને બધાના માટે સદકએ  જારિયા બનાવે અને સમગ્ર સમાજ માટે લાભદાયક સાબિત કરે. આમીન.

ઇદગાહ ટ્રસ્ટ ટંકારીઆ સંચાલિત મય્યતને ગુસલ આપવા અને કબ્રસ્તાન સુધી લઈ જવા માટેની બન્ને સુવિધાઓ માટેની વાન માટે દુઆનો પ્રોગ્રામ આજે અસરની નમાજ બાદ મોટા પાદરમાં રાખવામાં આવ્યો છે. તો તમામ ભાઈઓ સમયસર મોટા પાદરમાં હાજર રહી દુઆમાં શરીક થશો.
ઇદગાહ ટંકારીઆના ટ્રસ્ટીઓ.

આજે ગુજરાત રાજ્ય સેકન્ડરી અને હાયર સેકન્ડરી બોર્ડનું એસ.એસ.સી. નું પરિણામ જાહેર થયું છે. ટંકારીઆ હાઈસ્કૂલનું ૮૩% પરિણામ મેળવી સફળતા હાસિલ કરી છે. શાળાના કુલ ૨૧૪ વિદ્યાર્થીઓએ પરીક્ષા આપી હતી જેમાંથી ૧૭૭ વિદ્યાર્થીઓએ સફળતા હાસિલ કરી શાળાનું ગૌરવ વધાર્યું છે.
શાળામાં પ્રથમ ક્રમે ભુતા મારીયાહ ઉસ્માનગની ૯૨.૩૩% દ્વિતીય ક્રમે ખાંધિયા આયશા અન્વરભાઈ ૯૧.૮૩% તથા તૃતીય ક્રમે પટેલ સારા સાજીદ ૯૧.૫૦% સાથે ઉત્તીર્ણ થયા છે.
શાળાના માનદ ચેરમેન અબ્દુલ્લાહ ભુતા તથા આચાર્ય ગુલામ પટેલ અને શાળાના શિક્ષકગણે તમામ વિદ્યાર્થીઓને શુભેચ્છા પાઠવી છે.

આજે ૧૨ વિજ્ઞાન પ્રવાહનું પરિણામ જાહેર થયું છે. ઘી ટંકારીઆ હાઈસ્કૂલ ટંકારિયાનું પરિણામ ૯૩.૪૪% જાહેર થયું છે. કુલ ૬૧ વિદ્યાર્થીઓમાંથી ૫૭ વિદ્યાર્થીઓએ સફળતા પ્રાપ્ત કરી છે. 

ટંકારીયા હાઈસ્કૂલ, ટંકારીયાના ધોરણ ૧૨ સામાન્ય પ્રવાહનું ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા માર્ચ-૨૦૨૬માં જાહેર કરાયેલ પરિણામ સરાહનીય રહ્યું છે. શાળાએ ૮૮.૦૦% પરિણામ મેળવ્યું છે, જ્યારે ગુજરાત બોર્ડનું સરેરાશ પરિણામ ૯૨.૭૧% રહ્યું છે. કુલ ૧૩૩ વિદ્યાર્થીઓમાંથી ૧૧૭ વિદ્યાર્થીઓ સફળ જાહેર થયા છે. શાળામાં શેહજાદ જાકીર સાયડુ એ ૬૫૬ ગુણ સાથે ૮૭.૪૬% અને ૯૬.૪૩ પર્સેન્ટાઈલ મેળવી પ્રથમ સ્થાન મેળવ્યું છે. ફયાઝહુશેન સાદિક સાયડુ એ ૬૪૩ ગુણ સાથે ૮૫.૭૩% અને ૯૪.૯૪ પર્સેન્ટાઈલ મેળવી દ્વિતીય સ્થાન પ્રાપ્ત કર્યું છે, જ્યારે રહાના મુજાહિદ્દીન પઠાણ એ ૬૧૯ ગુણ સાથે ૮૨.૫૩% અને ૯૧.૬૯ પર્સેન્ટાઈલ મેળવી તૃતીય સ્થાન મેળવ્યું છે.