News

1 … 128 129 130 131 132 … 526

HAJIYANI JAIBUNBEN ABDURRAZAQ BARIWALA (MOTHER OF SAEED / ZUBER BARIWALA) passes away …… Inna Lillahe Wainna Ilayhe Rajeun. May ALLAH (SWT) grant her the best place in Jannatul Firdaush. Ameen.

ABDULGAFUR ISMAIL SANCHAWALA [LAUNDRYWALA] passed away………… Inna Lillahe Wainna Ilayhe Rajeun. Namaj E Janaja will held at Hashamshah [RA] graveyard after Jumma Prayer. May ALLAH [SWT] grant superior place in Jannatul firdaush. Ameen. 

ભરૂચ તાલુકાના શિક્ષણ, મેડિકલ અને સાહિત્યક્ષેત્રે અગ્રેસર એવા ટંકારીઆ ગામે જનાબ નાસીરહુસેન લોટીયા સંપાદિત “ટંકારીઆ : ઇતિહાસની રોશનીમાં” પુસ્તકના વિમોચનનો પ્રોગ્રામ મહાનુભાવોની હાજરીમાં ગતરોજ રવિવારે રાત્રે દારુલ ઉલુમ કૉમ્યુનિટી હોલમાં યોજવામાં આવ્યો હતો.
કાર્યક્રમની શરૂઆત હાફેઝ સલીમસાહબ વાંતરસવાલાએ તિલાવતે કુરાને પાકથી કરી હતી. ત્યાર બાદ ટંકારીઆ વેલ્ફેર સોસાયટી યુ.કે. ના આદ્યંસ્થાપક અને હાલમાંજ અવસાન પામેલ મર્હુમ અબ્દુલ્લાહ કમાલ બાદશાહ ઉર્ફે “કદમ ટંકારવી” માટે દુઆએ મગફિરત ફરમાવી હતી. બાદમાં મહેમાનોનું શાબ્દિક સ્વાગત ગામના સરપંચ ઝાકીરહુસેન ઇસ્માઇલ ઉમતા દ્વારા કરવામાં આવ્યું હતું. એમના સવિસ્તાર પ્રવચનમાં ઘી ટંકારીઆ વેલ્ફેર સોસાયટી યુ.કે. દ્વારા ટંકારીઆ ગામના વિકાસના કામોમાં યોગદાનની સરાહના કરી આભાર વ્યક્ત કર્યો હતો. આ ઉપરાંત તેમણે ગામના સાહિત્યકારો અંગે વિસ્તૃત પરિચય સાથે માહિતી આપી હતી. ત્યાર પછી સમારંભના પ્રમુખ તરીકે “અદમ ટંકારવી” સાહેબની વરણી કરવામાં આવી હતી. બાદમાં ગામના આગેવાનો દ્વારા પધારેલા મહાનુભાવોનું પુષ્પગુચ્છ થી સ્વાગત કરવામાં આવ્યું હતું.

બાદમાં પ્રાસંગિક ઉદબોધન જનાબ ઇસ્માઇલભાઈ ખૂણાવાલા [યુ.કે], ઈમ્તિયાઝ વરેડીયાવાળા ઉર્ફે ટંકારવી, સાહિત્યકાર અઝીઝ ટંકારવી, ઇકબાલ ધોરીવાલા, ડો. અદમ ટંકારવી અને સંપાદક નાસીરહુસેન લોટીયાએ પુસ્તક અંગે વિસ્તૃત માહિતી આપી હતી. બાદમાં સમારંભના પ્રમુખ, ધી ટંકારીઆ વેલ્ફેર સોસાયટી યુ.કે. ના હાજર સભ્યો, અતિથિઓ, સંપાદક નાસીરહુસેન લોટીયા તેમજ ભાગ ૨ મૌખિક ઇતિહાસના સહસંપાદકો પૈકી મુસ્તાક સુલેમાન દૌલા, સરપંચ ઝાકીર ઉમતા, સામાજિક આગેવાન અબ્દુલ્લાહ કામથી, અહમદભાઈ લોટીયાના હસ્તે પુસ્તકનું વિમોચન કરવામાં આવ્યું હતું. બાદમાં ઘી ટંકારીઆ વેલ્ફેર સોસાયટી યુ.કે., શૈખુલ ઇસ્લામ ટ્રસ્ટ ટંકારીઆ, મોહસીને આઝમ મિશન દ્વારા સંપાદક નાસીરહુસેન લોટીયા, ભાગ ૨ મૌખિક ઇતિહાસના સહસંપાદકો મુસ્તાક સુલેમાન દૌલા, શકીલ અબ્દુલ્લાહ ભા ને સ્મૃતિ ચિન્હો અર્પણ કરવામાં આવ્યા હતા. યાકુબમાસ્તર ફરત તથા અમદાવાદથી આ કાર્યક્રમના આમંત્રણને માન આપી પધારેલા અમદાવાદથી ઈમ્તિયાઝ પટેલ દ્વારા સંપાદક નાસીરહુસેન લોટીયાનું શાલ ઓઢાડી સન્માનિત કર્યા હતા. બાદમાં ટંકારીઆ ગામપંચાયતના સરપંચ તથા પંચાયતના સભ્યો દ્વારા ગામના તમામ સાહિત્યકારોને તથા ટંકારીઆ વેલ્ફેર સોસાયટી યુ.કે. ને પ્રશસ્તિપત્ર એનાયત કરવામાં આવ્યા હતા. એમ.એ.એમ. ઈંગ્લીશ મીડીયમ સ્કૂલના પ્રમુખ દ્વારા પુસ્તકના સંપાદકને, ટંકારીઆ વેલ્ફેર સોસાયટી યુ.કે. ને સ્મૃતિચિન્હ એનાયત કરવામાં આવ્યું હતું. કોવિડ મહામારીના સમયગાળા દરમ્યાન ટંકારીઆ વેલ્ફેર સોસાયટી યુ.કે. અને તેના સભ્યો દ્વારા કરવામાં આવેલ સરાહનીય કામગીરી બદલ કોવિડ કેર સેન્ટર કમિટી ટંકારીઆ દ્વારા પ્રશસ્તિપત્ર એનાયત કરવામાં આવ્યું હતું.

ત્યાર બાદ એક યાદગાર મુશાયરાનું સંચાલન ડો. અદમ ટંકારવી દ્વારા કરવામાં આવ્યું હતું. આ મુશાયરામાં અદમ ટંકારવી, અઝીઝ ટંકારવી, સુરતથી પધારેલ કવિ સંદીપભાઈ પુજારા તથા મયુર કોલડિયા અને ભાવનગરથી પધારેલા નિકુંજ ભટ્ટ, ‘દર્દ ટંકારવી’, નાસીરહુસેન લોટીયા, ‘યકીન ટંકારવી’, ઇકબાલ ઉઘરાતદાર, બાબર બમ્બુસરી જેવા કવિઓએ સુંદર કૃતિઓ દ્વારા સાહિત્યરસિક ટંકારીઆ ગામના લોકોને ડોલાવી તાળીઓ અને વાહ વાહ ના નાદોથી વાતાવરણને કવિમય કરી દીધું હતું. ઈમ્તિયાઝ વરેડીયાવાલાએ એમના આગવા અંદાજ અને સુમધુર આવાઝમાં કૃતિઓ રજુ કરી શ્રોતાગણોની દાદ મેળવી હતી. સાહિત્યરસિક કરણ ટેલરે પોતાના આગવા અંદાઝમાં કૃતિઓ રજુ કરી શ્રોતાજનોને ખડખડાટ હસાવ્યા હતા. શફીક ખાંધિયાએ પોતાના સુમધુર આવાઝમાં ઉર્દુ કૃતિ રજુ કરી મુશાયરો સંપન્ન થયો હતો. કવિ કલાપી એવોર્ડ વિજેતા ડો. અદમ ટંકારવીએ સમગ્ર મુશાયરાનું પોતાની આગવી શૈલીમાં સંચાલન કરી આ મુશાયરાને યાદગાર બનાવી એક આગવી છાપ ના દર્શન કરાવ્યા હતા.

આ કાર્યક્રમમાં ઘી ટંકારીઆ વેલ્ફેર સોસાયટીના ઉપપ્રમુખ હબીબ ભુતા, સભ્યો ઇકબાલ ધોરીવાલા, અય્યુબ ઉઘરાતદાર, અફરોઝ ખાંધિયા તથા એન.આર.આઈ. ઇસ્માઇલ ખૂણાવાલા, અયુબ મીયાંજી, મુબારક મીયાંજી, યુસુફ બાપુજી, સોયેબ ખોડા, ઇકબાલ ખોડા, ફૈઝલ બચ્ચા, અયુબ પોપટ, મહેબૂબ કડુજી, આણંદ પ્રેસના નિલેશભાઈ મેકવાન તથા તેમના ધર્મપત્ની, અમદાવાદથી પધારેલા મુસ્તાકભાઈ ઘોડીવાલા, સામાજિક આગેવાન ટંકારીઆ પુત્ર અબ્દુલ્લાહ કામઠી, દિલાવરભાઈ બચ્ચા, સરપંચ ઝાકીર ઉમતા, ઉપસરપંચ મુમતાઝબેન લાલન, તાલુકા સદસ્ય અબ્દુલ્લાહ ટેલર, માજી જિલ્લા સદસ્ય મકબુલ અભલી, ગુજરાત રાજ્ય હજ કમિટીના સભ્ય મુસ્તુફા ખોડા, સામાજિક આગેવાન ઉસ્માન લાલન, ફારૂક વોરાસમનીવાળા, વલીભાઈ બાબરીયા વરેડિયાવાલા તેમજ આજુબાજુના ગામના સરપંચો, આગેવાનો, નવયુવાનો, વૃધ્ધો હાજર રહ્યા હતા.
આ પુસ્તકની ૭૦૦ કોપીનો ખર્ચ ધી ટંકારીઆ વેલ્ફેર સોસાયટી યુ.કે. દ્વારા કરવામાં આવ્યો હતો તથા બીજી ૯૨૦ કોપીઓ સમાજના દાનવીરોએ પોતાના સ્વખર્ચે છપાવી નિઃશુલ્ક વિતરણ કરવાની જાહેરાત કરી હતી.
સમગ્ર પુસ્તક વિમોચનના કાર્યક્રમ નું સંચાલન ઈમ્તિયાઝ વરેડીયાવાલાએ તથા મુશાયરાનું સંચાલન ડો. અદમ ટંકારવીએ કર્યું હતું.

સમગ્ર કાર્યક્રમનું જીવંત પ્રસારણ સદ્દામ દયાદરાવાળા, સાબિર લાલન, નઇમ બાબરીયાએ કર્યું હતું. 

કસ્બા મુસ્તફાબાદ (ટંકારીઆ) માં આરામ ફરમાવી રહેલા હાસમપીર (રહ.) નો સંદલવિધિનો કાર્યક્રમ ૨૭ RAJJAB ના રોજ દરવર્ષે યોજવામાં આવે છે. ગતરોજ શનિવારે ઈશાની નમાજ બાદ હાસમપીર (રહ.) નો સંદલવિધિનો કાર્યક્રમ પાટણવાળા બાવાના સાનિધ્યમાં યોજવામાં આવ્યો હતો. આ કાર્યક્રમમાં અલ્લાહના ઝિક્ર સાથે શરૂઆત થઇ હતી ત્યારબાદ નાતશરીફના ગુલદસ્તાઓ પેશ કરવામાં આવ્યા હતા. મોટી સંખ્યામાં અકીદતમંદોએ હાજરી આપી હતી.
ડેલાવાલા સ્ટ્રીટના નવયુવાનોએ સાંજે મોટા પાયા પર ન્યાઝ બનાવી ગામજનોને ન્યાઝનું વિતરણ કરવામાં આવ્યું હતું.

મારા ભણતરના દહાડાઓમાં ધોરણ-૪ માં ‘સાદ કરે છે’ નામની પ્રહલાદ પારેખની કવિતા આવતી હતી. આજે એ કવિતાનું પઠન કરીએ તો આપણને આપણા એ દિવસો યાદ આવ્યા વગર ન રહે.
ગામડાંગામનું પાદર હોઈ ત્યા વડ કે આમળી કે પીંપર જેવા તોતિંત ઝાડ હોઈ જ, અથવા તો આજુબાજુ વિશાળ વડ હોય જ. આપણે રજાના દિવસે બધા ભાઈબંધો ભેગા થતા અને ત્યા બેસીએ. વિવિધ રમતો રમતા અને ખુબ આનંદ કરતાં. મને યાદ છે કે વડ હોઈ એટલે વાંદરા માફક આપણે વડવાઈએ ટીંગાતા. એમાય આંબલી-પીપળી નામની એક રમત ખુબ મશહૂર હતી. ઝાડ નીચે ધૂળમાં એક વર્તુળ દોરવાનું અને જેના ઉપર દાવ આવે એ ત્યાં વર્તુળ પાસે ઉભો રહે. દાવ લેનાર એક ખેલાડી સિવાય તમામ ઝાડ ઉપર ચડી જાય. ઝાડ ઉપર ચડવાનાં જે ચપળ હોઈ તે નીચે રહે. હવે બે ખેલાડી જ નીચે રહ્યા એક જેના ઉપર દાવ આવ્યો તે અને બીજો દાવ લેનાર. દાવ લેનાર એક મોટુ બે ફુટ જેટલુ લાકડાનુ ડંડીકુ એક પગ ઉંચો કરી નીચેથી ફેંકી ઝાડ ઉપર ચડવા તૈયાર રહે. જેના પર દાવ હોઈ તે એ ડંડીકું લઈને તે વર્તુળમા મુકી ઝાડ ઉપરના કોઈપણ ખેલાડીને પકડવા દોડે. હવે એને ધ્યાન એ રાખવાનું કે દાવ લેનાર ઝાડ ઉપરના કોઈપણ ખેલાડી વર્તુળમાં મૂકેલ ડંડીકું પકડી લે એ પહેલાં જ ખેલાડીને અડી જવાનુ તો જ એનો દાવ પુરો થાય. એટલે એમને એ વર્તુળમાં મૂકેલ ડંડીકાવાળી જગ્યાનું રક્ષણ કરીને ખેલાડીને પકડવાનો. જો તે કોઈ એક ખેલાડીને ટાર્ગેટ કરીને પકડવા ઝાડ ઉપર વધુ ઊંચાઈએ પહોંચે તો બીજો ખેલાડી ડંડીકુ પકડી લે એટલે દાવ ફરી ચાલુ થતો. આ રમત ખુબ અઘરી હતી. ક્યારેક ઝાડ ઉપરથી પડી જઈએ તો હાથ-પગ તુટી પણ જાય. તમે વિચારો કે એ સમયે આપણી કેટલી હિંમત હતી. અરે ઝાડ ઉપરથી પડ્યાં હોઈએ અને પગમા લાગ્યું હોઈ તો આઠ આઠ દિવસ લંગડાતા ચાલતા પણ ઘરે ખબર ન પડવા દેતા. મિત્રોને સમ (કસમ/સોગંધ) આપતા અને કહેતા કે ઘરે કોઈને કહેતા નહિ.
શું એ સમય હતો. શું એ મજા હતી. સામાન્ય ચામડી છોલાય જતી તો ભાઈબંધ ફૂંક મારે ત્યાં સારૂ થઈ જતું અને ઘા રૂઝાઈ જતાં. આવી રમતો આજનાં બાળકોમાં ન જોવા મળે. તમે હમણા સોશ્યલ મીડીયા ઉપર જોયુ હશે કે ૧૫ વરસનાં છોકરાને તેમનાં માતા-પિતાને મોબાઈલ ફોન ન આપ્યો તો ઘરમાં તોડફોડ કરી લાખોનું નુકશાન પહોંચાડ્યું અને આપણે! આપણે ભૂલથી ચંપલથી ડટ્ટી તોડી હોઈ તો બાપુજી એક થપ્પડ મારી દેતા તો આપણે આઠ દિવસ કોઈ જીદ ન કરતાં. ખેર! સમય છે અને હમેંશા વહેતો રહે છે પણ આવી વાતો લખીએ અને વાંચીએ, આપણા સંતાનોને પણ વંચાવીએ જેથી આપણી સ્થિતિ શું હતી? આપણે કેવા દિવસોમાં જીવ્યા! આ બધો એમને ખ્યાલ આવે અને પ્રેરણા મળે. મારી વાતો ગમે, ઉપયોગી લાગે અને જીવનમાં વણવા જેવી લાગે તો જરા અમથી કોમેન્ટ કરજો. મારો હેતુ અને પ્રયાસ આપણી પરંપરાને જાળવવાનો છે, એનુ રક્ષણ કરવાનો છે.

ટંકારીઆ ગામે રવિવારના રોજ ગત વર્ષની મર્યાદિત ૩૦ ઓવરની નોકઆઉટ ટુર્નામેન્ટની ફાઇનલ મેચ મુસ્તફાબાદ ક્રિકેટ ગ્રાઉન્ડ [ખરી] પર વોરાસમની ઇલેવન અને પરીએજ ઇલેવન વચ્ચે પ્રેક્ષકોની ભરચક ઉપસ્થિતિમાં રમાઈ હતી. જેમાં જબરજસ્ત રસાકસી વચ્ચે વોરાસમની ઇલેવનનો ભવ્ય વિજય નીવડ્યો હતો.
મેચ ની શરૂઆતમાં પરીએજ ઇલેવનની ટીમે ટોસ જીતી પ્રથમ બોલિંગ કરવાનો ફેંસલો લીધો હતો. જેમાં વોરાસમની ઈલેવને પ્રથમ દાવમાં નિર્ધારિત ૩૦ ઓવરમાં ૨૬૦ રન ફટકાર્યા હતા જેમાં કેપ્ટાન મકબુલ પટેલના ૪૫ બોલમાં ૭૪ રન અગત્યના હતા. જેના જવાબમાં પરીએજ ઇલેવન નિર્ધારિત ૩૦ ઓવરમાં ફક્ત ૨૨૬ રન ફટકારતા વોરાસમની ઇલેવનનો ભવ્ય વિજય થયો હતો.
ટ્રોફી વિતરણ સમારંભમાં મુબારકભાઈ ડેરોલવાળા, કે.પી. ગ્રુપ ઓફ કંપનીના સહયોગી મુસ્તાકભાઈ કોઠીવાલા, સલીમ ઘડિયાળી, મુબારક ભાણીયા, યુ.કે.થી પધારેલા ઇસ્માઇલભાઈ ખૂણાવાલા, યુસુફ બાપુજી તેમજ સુલેમાન પટેલ જોલવા, ઇસ્માઇલ મતાદાર, અબ્દુલ્લાહ ટેલર, મકબુલ અભલી, કરણભાઇ ટેલર, બાબુભાઇ પરફેક્ટવાળા, ટંકારીઆ ગામના સરપંચ ઝાકીરહુસેન ઉમતા, સામાજિક કાર્યકર ઉસ્માન લાલન, મુસ્તુફા ખોડા, નાસીર લોટીયા તેમજ આજુબાજુના ગામના સરપંચો ઉપરાંત ગામ તથા પરગામના ક્રિકેટપ્રેમીઓ, આગેવાનો ઉપસ્થિ રહ્યા હતા. સમગ્ર સમારંભનું સંચાલન ઝાકીર ઉમતા તથા સામાજિક કાર્યકર અબ્દુલ્લાહ કામઠી એ સફળતાપૂર્વક કર્યું હતું.

1 … 128 129 130 131 132 … 526