TANKARIA WEATHER
કોરોના વાઇરસની મહામારી સાથે ગરમીનો આંક પણ ઉચ્ચ સપાટીએ પહોંચી ગયો છે. સવારના પહોરથીજ ગરમી નો કહેર ચાલુ થઇ જાય છે. અને રમઝાન નો બા બરકત મહિનો પણ સાથે સાથે ચાલુ છે. વહેલી સવારેજ લોકો જરૂરિયાત પૂરતા આવશ્યક ચીજવસ્તુઓ લેવા માટે બહાર નીકળે છે અને ત્યારબાદ પોતાના ઘરોમાં કેદ થઇ જાય છે. અને બપોરના પહોરે માણસતો માણસ પણ જાનવરો પણ સલામત જગ્યાએ આશરો લઇ લે છે. લોક ડાઉન ના પગલે લોકો નમાજના સમયે પોતાની નમાજ ઘરોમાંજ અદા કરી લે છે. અને ઈબાદતો પોતાના ઘરોમાં જ કરે છે. અજબ જેવી પરિસ્થિતિનું નિર્માણ થયું છે. અલ્લાહ સુબ્હાન વ તઆલા આસાની ફરમાવે અને આ કોરોના મહામારીથી સમગ્ર વિશ્વને મુક્તિ આપે અને રમઝાન શરીફમાં તમામને સબ્રે જમીલ અતા ફરમાવે.
ઘરે રહો……………… સલામત રહો.
إِنَّا لِلّهِ وَإِنَّـا إِلَيْهِ رَاجِعونَ
May اللَّه سُبْحَانَهُ وَتَعَالَى grant all the Marhooms complete forgiveness and elevate their stages in the Hereafter.
May اللَّه سُبْحَانَهُ وَتَعَالَى grant the family Sabroon Jameel.
آمِيْن يَارَبَّ الْعَالَمِي
મુંબઈમાં સ્થાયી થયેલા ચેતનભાઈ ફ્રેમવાલા વર્ષોથી મુંબઈ ખાતે સાહિત્યિક સેવા કરી રહ્યા છે. તેઓ દ્વારા આયોજિત “ધબકાર ગઝલ સ્પર્ધા – ૨૦૨૦” માં સુંદર શે’ર ની શ્રેણીમાં આપણા ગામના મુબારકસાહેબ ઘોડીવાળા નો શે’ર પ્રથમ સ્થાને રહ્યો હતો. જે બદલ મુબારકસાહેબને અભિનંદન પાઠવીએ છીએ.
કોરોના ની વૈશ્વિક મહામારી વચ્ચે રમઝાન શરીફનો મુબારક મહિનાને ગણતરીના કલાકો બાકી હોય જામે મસ્જિદ ટંકારીઆ ના ખતીબ વ ઇમામ મૌલાના અબ્દુલરરઝાક અશરફી (ખલીફા એ શૈખુલ ઇસ્લામ) સાહેબનો ટંકારીયાના લોકોને એક સંદેશ આપ સમક્ષ રજુ કરીએ છીએ. જેમાં તમામે તમામ લોકોને પોતાના ઘરોમાં રહી ઈબાદત કરવાનો અનુરોધ કરવામાં આવ્યો છે. અને સમગ્ર વિશ્વમાંથી આ ભયાનક મહામારી ખત્મ થઇ જાય તેવી બારગાહે રબ્બુલ ઈઝ્ઝતમાં દુઆ કરવાની અપીલ કરવામાં આવી છે.
આજરોજ સાઉથ આફ્રિકામાં રહેતા ટંકારીઆ ગામના નવયુવાનો દ્વારા જરૂરતમંદ કુટુંબોને રમઝાનની કીટ વહેંચવા માટે રોકડ સહાય શૈખુલ ઇસ્લામ ટ્રસ્ટ ને કરવામાં આવી હતી જે ટંકારીઆ ગામની શૈખુલ ઇસ્લામ ટ્રસ્ટ સંસ્થા થકી આજરોજ રમઝાન કીટનું વિતરણ કરવામાં આવ્યું હતું.
આજરોજ તારીખ ૨૨ એપ્રિલ ના બુધવારના રોજ સમગ્ર ગામમાં ગામના નવયુવાનો દ્વારા સેનિટાઇઝિંગ નો પ્રોગ્રામ રાખવામાં આવેલો હતો. જેનું સંપૂર્ણ આયોજન અફઝલ યુસુફ ઘોડીવાળા તથા ઝાકીર ઇસ્માઇલ ઉમતા દ્વારા કરવામાં આવેલ હતું. સેનિટાઇઝિંગ માટેના મટેરિઅલની વ્યવસ્થા વટારીયા સુગર મિલ ના ચેરમેન અને કોંગ્રેસી આગેવાન સંદીપ માંગરોલા થકી કરવામાં આવેલ હતું અને ટ્રેક્ટર અને મશીનની વ્યવસ્થા નવયુવાનો દ્વારા કરવામાં આવેલ હતી. આ પ્રોગ્રામમાં માજી જિલ્લા સદસ્ય મકબુલ અભલી તથા તાલુકા સદસ્ય અબ્દુલ્લાહમાંમાં ટેલરે હાજર રહી નવયુવાનોનો ઉત્સાહ વધાર્યો હતો. આ પ્રોગ્રામ ને સફળ બનાવવામાં ગામના નવયુવાનોમાં મુખ્યત્વે ફારૂક સાપા ઉર્ફે ગોલી, રેહાન કાજિબુ તથા હારુન ઘોડીવાળા, સરફરાઝ ચાંડીયા, ઝફર ભૂટા તથા ઘોડીવાળા યંગસ્ટરો એ મુખ્ય ભાગ ભજવ્યો હતો.
