News

1 … 118 119 120 121 122 … 526

ભરૂચ તાલુકાના ટંકારીઆ ગામે ચાલુ વર્ષે હજ્જે બૈતુલ્લાહ જનાર ખુશનસીબ હાજી ભાઈ-બહેનો હજના અરકાનો સારી રીતે કરી શકે તે માટે હજનો તરબીયત [હજ ટ્રેનિંગ] કેમ્પનું આયોજન દારુલ ઉલુમ અશરફિયાઃ દ્વારા આજરોજ દારુલ ઉલુમના કેમ્પસમાં રાખવામાં આવ્યો હતો. જેમાં મોટી સંખ્યામાં હુંજ્જાજ ભાઈ બહેનો હાજર રહ્યા હતા. અનુભવી આલીમો દ્વારા તમામ અરકાનોનું પ્રેક્ટિકલ રીતે સમજણ આપી હતી. કેમ્પની પુર્ણાહુતી બાદ તમામ હુજજાજ ભાઈ બહેનોની જમવાની વ્યવસ્થા આયોજકો દ્વારા કરવામાં આવી હતી.

Reprint- May 2023:
લોકલાગણીને માન આપી, લોકમાંગને ધ્યાનમાં રાખી ગામના સેવાભાવી, હિતેચ્છુ, દાનવીરોની નાણાકીય સહાયથી, મે-૨૦૨૩માં ટંકારીઆના ઇતિહાસના પુસ્તકની બીજી ૧૧૦૦ કોપીનું છાપકામ કરવામાં આવ્યું છે. આ અગાઉ ફેબ્રુઆરી ૨૦૨૩માં પુસ્તકની ૭૦૦ કોપીનું છાપકામ ઘી ટંકારીઆ વેલ્ફેર સોસાયટી યુ.કે. ના સૌજન્યથી થયું હતું.

પુસ્તકની Reprint કોપીમાં કરવામાં આવેલા કેટલાક અગત્યના ફેરફારો: (અગાઉ ડાઉનલોડ કરેલ .pdf ફાઈલ ડીલીટ કરવા આપ સૌને નમ્ર વિનંતી છે.)
(૧) પુસ્તકના કવરપેજના ફોટા બદલવામાં આવ્યા છે જેમાં વધુ સારા કેમેરાથી લેવામાં આવેલા ગામના પ્રવેશદ્વાર તથા ગામની મધ્યમાં આવેલ ઐતિહાસિક જામે મસ્જિદના સુંદર ફોટાઓનો સમાવેશ કરવામાં આવ્યો છે. પુસ્તકની આ Reprint માં બધા જ ફોટા (Total 20) કલર ફોટા છે તેની ગુણવત્તા પહેલાં કરતાં વધુ સારી છે. આશા છે વાચકોને તે ગમશે.

(૨) Reprint આવૃત્તિમાં કેટલાક ખૂબ જરૂરી અને અગત્યના સુધારા વધારા કરવામાં આવ્યા છે. My Tankaria વેબસાઈટના જુદા જુદા પેજ તથા બીજી વેબસાઈટની લિંક અને QR Codes પુસ્તકના જે તે સંલગ્ન પેજ પર આપવામાં આવ્યા છે. વિવિધ ક્ષેત્રોમાં નોંધપાત્ર યોગદાન આપનાર ગામની અનેક નામાંકિત વ્યક્તિઓ અને તેજસ્વી તારલાઓ વિષેની, આપણને ગૌરવની અનુભૂતિ કરાવે એવી માહિતી હવે એક જ ક્લિકથી અથવા QR Code સ્કેન કરવાથી સરળતાથી વાંચી શકાશે.

નીચે આપેલ પેજ પરની પ્રથમ લિંક પર ક્લિક કરવાથી 14 MB ની .pdf ફાઈલ ડાઉનલોડ થશે તેની ગુણવત્તા પ્રમાણમાં વધુ સારી છે. બીજી લિંક 2.7 MB ની .pdf ફાઈલની છે તેની ગુણવત્તા પ્રમાણમાં ઓછી સારી છે. લેપટોપ, ડેસ્કટોપ અને મોબાઈલ ફોનમાં આપની જરૂરિયાત મુજબની ફાઈલ ડાઉનલોડ કરી શકાશે. અગાઉ ડાઉનલોડ કરેલ .pdf ફાઈલ ડીલીટ કરવા આપ સૌને નમ્ર વિનંતી છે.

https://www.mytankaria.com/history-of-tankaria-gujarati (Gujarati & English)
.pdf ફાઈલ ડાઉનલોડ કરવા આ લિંક પર ક્લિક કરો. 

સિરાજ ઇબ્રાહિમ શંભુ [શંભુ યાસીનના બનેવી] નું મુંબઈ મુકામે અવસાન થયું છે. ઇન્ના લીલ્લાહે વઇન્ના ઈલય્હે રાજેઉન. તેમની દફનવિધિ મુંબઈ મુકામે મગરીબની નમાજ બાદ થશે. અલ્લાહ એમને જન્નતમાં ઉચ્ચ મુકામ અતા કરે. ટંકારીઆ ગામમાં બેસણું સુથાર સ્ટ્રીટમાં હાજી ઇબ્રાહીમભાઇ શંભુના ઘરે રાખવામાં આવેલ છે.

ભરૂચ તાલુકાના ટંકારીઆ ગામે મસ્જીદે મુસ્તુફાઈય્યાહમાં તારીખ ૨૯/૫/૨૩ ને સોમવારના રોજ સવારે ૯ કલાકે ચાલુ વર્ષે હજ્જે બૈતુલ્લાહની સફર કરનાર ખુશનસીબ હાજી ભાઈ બહેનો માટે હજ ટ્રેનિંગ કેમ્પ નું આયોજન કરવામાં આવ્યું છે. તો ચાલુ વર્ષે હજ્જે બૈતુલ્લાહ જનાર હુજ્જાજ ભાઈ બહેનોને હાજર રહેવા મસ્જીદે મુસ્તુફાઈય્યાહના પ્રમુખ હાજી ઈબ્રાહિમમાસ્ટર મનમન એક નિવેદનમાં જણાવે છે. કેમ્પની પુર્ણાહુતી બાદ તમામ હાજી ભાઈ બહેનો માટે જમવાની વ્યવસ્થા પણ કરવામાં આવી છે.

ભરૂચ તાલુકાના ટંકારીઆ ગામે આજરોજ પંચાયત ભવનમાં પાલેજ પી. આઈ. શિલ્પા દેસાઈની અધ્યક્ષતામાં જનજાગૃતિનો સેમિનાર યોજવામાં આવ્યો હતો.
હાલમાં ઘરફોડ ચોરીના બનાવો છાશવારે બનતા હોય જેની જાગૃતિ માટે આ સેમિનાર યોજવામાં આવ્યો હતો. પાલેજ પી. આઈ. શિલ્પા દેસાઈએ હાજર ગ્રામજનોને ભારપૂર્વક જણાવ્યું હતું કે, પોલીસ ડિપાર્ટમેન્ટ તો સાવધાન છે જ, છતાં તમામ નાગરિકોએ સતર્ક રહેવાની જરૂર છે. આ ઉપરાંત એમને બહારથી આવી વસેલા ભાડુઆતોની વિસ્તૃત માહિતી પણ પંચાયતમાં તથા પાલેજ પોલીસ સ્ટેશનમાં આપવા ભારપૂર્વક જણાવ્યું હતું. આ ઉપરાંત તેમને સાયબર ક્રાઇમ ને લગતા જે બનાવો બને છે તેનાથી પણ સાવધાન રહેવા જણાવ્યું હતું. તેમને એમ પણ જણાવ્યું હતું કે તમારા વિસ્તારમાં કોઈ પણ સંદિગ્ધ વ્યક્તિ દેખાય તો એના વિશે પાલેજ પોલીસ સ્ટેશનમાં જાણ કરવા આહવાન કર્યું હતું.
આ કાર્યક્રમમાં માજી સરપંચ ઝાકીરહુસેન ઉમતા તથા તાલુકા સદસ્ય અબ્દુલ્લાહભાઈ ટેલર, તલાટી ઉમેશભાઈ પટેલ તથા મોટી સંખ્યામાં ગ્રામજનો હાજર રહ્યા હતા.

1 … 118 119 120 121 122 … 526