Author: Mustak Daula

કસ્બા ટંકારીઆની કન્યાશાળા (મુખ્ય)માં આપણા ગામની સામાજિક સેવા પ્રવૃત્તિ કરતી સંસ્થા શૈખુલ ઇસ્લામ ટ્રસ્ટ દ્વારા આજે વૃક્ષારોપણ કરવામાં આવ્યું હતું. સાથે સાથે એસ.આર.એફ. કંપની તરફથી કન્યાશાળા (મુખ્ય) ને ૨ (બે) સ્માર્ટ ટી.વી. પણ આપવામાં આવ્યા હતા.
આ પ્રસંગે મુખ્ય અતિથિઓમાં ગામના હાલના વહીવટદાર નિલેશભાઈ તથા તલાટી ઘનશ્યામભાઈ ઉપરાંત તાલુકા પંચાયતના સદસ્ય અબ્દુલ્લાહ ટેલર તથા માજી સરપંચ ઝાકીરહુસેન ઉમતા તથા શૈખુલ ઇસ્લામ ટ્રસ્ટના પ્રમુખ મુસ્તાક બાબરીયા, ઇલ્યાસ જંગારીયા, અમીન કડા, અઝીઝ ભા, તેમજ ગામના કોઈ પણ કાર્યમાં અગ્રેસર રહેતા અખ્તર માલજી, ઈરફાન મેલા  ઉપરાંત શાળાના આચાર્ય ખીલજી સાહેબ તથા

શાળાના શિક્ષકો, વિદ્યાર્થીઓ હાજર રહ્યા હતા. શાળા તરફથી શૈખુલ ઇસ્લામ ટ્રસ્ટને સન્માનપત્ર આપી સન્માનિત કરાયા હતા. અત્રે ઉલ્લેખનીય છે કે, કન્યાશાળા (મુખ્ય)માં શૈખુલ ઇસ્લામ ટ્રસ્ટ ટંકારીઆ દ્વારા બાળકોને શુદ્ધ ફિલ્ટર પાણી આખા વર્ષના શૈક્ષણિક કાર્ય દરમ્યાન આપવામાં આવી રહ્યું છે.

Rizwan Saeed Ghodiwala from our village has completed the degree in Aeronautical Engineering from South Wales University [UK] with a first class. This youth from our village is the first Aeronautical engineer of the village. Many many congratulations to Rizwan, his parents Saeedbhai Ghodiwala and his whole family. The whole Tankaria and community is very proud of your achievement!!!

આજે ૧૦ મહોર્રમ યાને યૌમે આશુરા – આપણા પ્યારા નબી સલ્લલ્લાહો અલયહે વસલ્લમના નવાસા હઝરત ઇમામ હુસૈન રદિઅલ્લાહો અન્હો અને તેમના ૭૨ સાથીઓએ સત્યના કાજે પોતાના પ્રાણ બલિદાનમાં આપી શહાદત વહોરી તેમની યાદમાં યૌમે આશુરાની ઉજવણી કરવામાં આવે છે. જે અંતર્ગત ટંકારિયામાં જામે મસ્જિદ તથા પાદર વાળી મસ્જિદ સહીત વિવિધ મસ્જિદોમાં આજે સવારે વિશિષ્ટ નફિલ નમાજોનું આયોજન કરવામાં આવ્યું હતું. મોટી સંખ્યામાં મુસ્લિમ બિરાદરોએ હાજરી આપી શોહદાએ કરબલાના શહીદોને શ્રદ્ધાંજલિ આપી હતી. અને ત્યારબાદ સમગ્ર માનવજાતિ માટે દુઆઓ કરવામાં આવી હતી. બાદમાં ઠેર ઠેર શરબતની સબીલો દ્વારા લોકોને શરબત પીવડાવવામાં આવ્યું હતું. અત્રે ઉલ્લેખનીય છે કે, મોહર્રમના પ્રથમ ચાંદથી ૧૦માં ચાંદ સુધી શોહદાએ કરબલાની શાનમાં બયાનો પણ યોજવામાં આવ્યા હતા.

સવારથીજ ટંકારિયામાં રહમતની વર્ષા થઇ રહી છે. એકદમ ધીમી ધારે વરસાદ વરસી રહ્યો છે.

તા.13/07/2024ને શનિવારના સવારે 8:30 કલાકે મુખ્ય કુમારશાળા ટંકારીઆમાં બાળસંસદ ચૂંટણીનું આયોજન શાળાના આચાર્યશ્રી,શિક્ષકો અને બાળકો ધ્વારા કરવામાં આવ્યું.લોકશાહી કાર્ય પ્રણાલી અંતર્ગત બાળકોએ ચૂંટણીનો પ્રત્યક્ષ અનુભવ મેળવ્યો.
આ બાળસંસદ ચૂંટણીની વિશેષતા એ હતી કે આમાં મતકુટિર,પ્રીસાઇડિંગ ઓફિસર,પોલિંગ ઓફિસર,પોલીસ સ્ટાફ,એજન્ટો તેમજ ચૂંટણીને લગતી કામગીરી બાળકો ધ્વારા જ કરવામાં આવી હતી.
અગાઉ થી જ ઉમેદવારો ધ્વારા પ્રચાર પણ કરવામાં આવ્યો હતો. મોબાઈલ એપ્લિકેશનમાં EVM વોટિંગ મશીનથી બાળકોએ શિસ્તબદ્ધ રીતે લાઈનમાં ઉભા રહી મતદાન કર્યુ. કુલ 189 બાળકોએ મતદાન કર્યુ. આ ચૂંટણીમાં કુલ 10 ઉમેદવારોએ પોતાનું ભાવિ અજમાવ્યુ હતુ.
અંતે મતગણતરી થતા પ્રથમ વિજેતા ઉમેદવાર તરીકે સૈફ વૈરાગી ધોરણ-8 જાહેર થયા હતા. બીજા ક્રમે અફજલ બોખા ધો.-7,ત્રીજા ક્રમે રઇસ ભૂતા ધો-7 વિજેતા જાહેર થયા હતા.
આ તમામ ચૂંટણી કાર્યક્રમ દરમિયાન માજી સરપંચશ્રી જાકીરભાઈ ઉમટાએ સવિશેષ હાજરી આપી બાળકોનો ઉત્સાહ વધાર્યો હતો.એમણે પોતાના વક્તવ્યમાં બાળકોને લોકશાહી અંગેની સમજ તેમજ વિજેતા ઉમેદવારોને શાળા પ્રત્યે પોતાની જવાબદારી અંગેની માહિતી આપી હતી.

અસહ્ય ગરમી, બફારો, ભેજયુક્ત વાતાવરણ ને લઈને ત્રસ્ત થઇ ગયેલા લોકોએ ચાતક નજરે વરસાદ તરફ મીટ માંડી હતી. સતત ત્રણ દિવસથી ગોરંભાયેલા વાદળો આખરે આજે વરસી પડતા લોકોએ ગરમીથી હાશકારો અનુભવ્યો હતો. આશરે સાંજે ૪ વાગ્યાના સુમારે લગભગ એક કલાક વરસાદ પડ્યો હતો. તો આ વરસતા વરસાદમાં બાળકોને નહાવાની તો જાણે મજા પડી ગઈ…. એ બુશકોટ  કાઢી વરસતા વરસાદમાં પલળવા મુખ્ય રસ્તા પર દોડાદોડી કરી રહ્યા હતા.

The people who were affected by the unbearable heat, terrible hot weather, and humid environment, people’s eye turned towards the rain with Rahmat. After three consecutive days cloudy weather, the people finally felt relief from the heat. It rained for about an hour around 4 pm. So it was fun to bathe the children in this pouring rain…. They took off their bushcoats and were running on the main road to get soaked in the pouring rain.

IQBAL ADAM DHORIWALA [KNOWN AS IKKU] reside at Bolton – U.K. [BROTHER OF MASTAN DHORIWALA, BOLTON-U.K.] passed away by heart attack in Tankaria [India] Inna Lillahe Wainna Ilayhe Rajeun. Namaj E Janaja will held at Hashamshah [RA] graveyard at 10am today. May ALLAH [SWT] grant the best place in Jannatul Firdaush. Ameen. 

દર વર્ષની પરંપરા મુજબ આ વર્ષે પણ જામા મસ્જિદમાં તથા મસ્જીદે મુસ્તુફાઈય્યા [પાદર વાળી મસ્જિદમાં] માં મહોર્રમ માસના પ્રથમ દિવસ એટલેકે તા.૭/૭/૨૪ ને રવિવારથી ઈશાની નમાજ બાદ થી લઈને તા.૧૬.૭.૨૪ ને મંગળવારની રાત્રી સુધી આ બંને મસ્જિદોમાં કરબલાના શહીદોની યાદમાં ઈમાન અફરોઝ તકરીરનું આયોજન કરવામાં આવ્યું છે. તો તમામ બિરાદરો આ ૧૦ દિવસના વાયઝના કાર્યક્રમમાં હાજરી આપી સવાબે દારૈન હાસિલ કરશો.

આજે તા.૬/૭/૨૪ ના રોજ દારુલ ઉલુમ કોમ્યુનિટી હોલમાં દિલ્હી પબ્લિક સ્કૂલ ભરૂચ તથા મદ્રસા એ મુસ્તુફાઈય્યા ટંકારીઆના સહયોગથી ટંકારીઆ તથા આજુબાજુના ગામના વિદ્યાર્થીઓ માટે નર્સરીથી લઈને ધોરણ ૯ તથા ધોરણ ૧૧ ના વિદ્યાર્થીઓ માટે એક પ્રતિભાશાળી પરીક્ષા યોજાઈ હતી. જેમાં ઉત્તીર્ણ થનાર વિદ્યાર્થીઓને વિશેષ શિષ્યવૃત્તિ તેમજ ફી માફી યોજનામાં સમાવેશ કરવામાં આવશે તેમ દિલ્હી પબ્લિક સ્કૂલના કર્તાહર્તાઓએ જણાવ્યું હતું. જેમાં આશરે ૨૬૫ વિદ્યાર્થીઓએ પરીક્ષા આપી હતી. દિલ્હી પબ્લિક સ્કૂલ તરફથી પરીક્ષામાં ભાગ લેનાર વિદ્યાર્થીઓને પાણીની બોટલ, કૂલ ડ્રિન્ક તથા હળવો નાસ્તો આપવામાં આવ્યો હતો. 

મૂળ ટંકારીઆના અને અહમદાબાદ સ્થાયી થયેલા કડુજી [રૂપિયાવાળા] ફેમિલીના અને ઇંગ્લેન્ડ ખાતે ડ્યૂસબરીમાં સ્થાયી થયેલા ઇકબાલ મહમ્મદ કડુજી [રૂપિયાવાળા] [મર્હુમ અહમદભાઈ ખોડાના જમાઈ, અય્યુબ કડુંજીના મામાના છોકરા અને બસીર હલાલતના સાળા] હાલમાં યોજાયેલી એમ.પી. ના ઇલેક્શનમાં જંગી બહુમતીથી ચૂંટાઈ આવ્યા છે અને બ્રિટિશ પાર્લામેન્ટમાં પોતાનું સ્થાન ગ્રહણ કર્યું છે. આ થકી આપણે ઈક્બાલભાઈને મુબારકબાદી પાઠવીએ છીએ. અત્રે ઉલ્લેખનીય છે કે, બ્રિટનના ઇતિહાસમાં સૌપ્રથમ ચૂંટાયેલા વહોરા પટેલ એમ.પી. બન્યા છે અને તે પણ અપક્ષ ઉમેદવાર તરીકે. જે વહોરા સમાજ માટે અત્યંત ગૌરવની વાત છે. 

Iqbal Muhammad Kaduji [Rupiyawala] [son-in-law of late Ahmadbhai Khoda, maternal uncle son of Ayubmaster Kaduji and brother-in-law of Basir Halalat] originally from Tankaria [Kaduji – Rupiyawala family] and settled in Ahmedabad and now settled in Dewsbury, has been elected as a M.P. in the British Parliament with the margin of appx. 6000 votes  in the election. 

It is worth mentioning here that the first elected MP of Vahora Patel community in the history of Britain. and that too as an independent candidate. Which is a matter of great pride for the Vahora Patel community.  On behalf of whole Tankaria Villagers, whole Tankarvies of U.K. and Tankarvies of  all around the world  “congratulate Iqbalbhai”.