ટંકારીઆમાં વિદ્યાર્થીઓ માટે પ્રતિભાશાળી પરીક્ષા યોજાઈ

આજે તા.૬/૭/૨૪ ના રોજ દારુલ ઉલુમ કોમ્યુનિટી હોલમાં દિલ્હી પબ્લિક સ્કૂલ ભરૂચ તથા મદ્રસા એ મુસ્તુફાઈય્યા ટંકારીઆના સહયોગથી ટંકારીઆ તથા આજુબાજુના ગામના વિદ્યાર્થીઓ માટે નર્સરીથી લઈને ધોરણ ૯ તથા ધોરણ ૧૧ ના વિદ્યાર્થીઓ માટે એક પ્રતિભાશાળી પરીક્ષા યોજાઈ હતી. જેમાં ઉત્તીર્ણ થનાર વિદ્યાર્થીઓને વિશેષ શિષ્યવૃત્તિ તેમજ ફી માફી યોજનામાં સમાવેશ કરવામાં આવશે તેમ દિલ્હી પબ્લિક સ્કૂલના કર્તાહર્તાઓએ જણાવ્યું હતું. જેમાં આશરે ૨૬૫ વિદ્યાર્થીઓએ પરીક્ષા આપી હતી. દિલ્હી પબ્લિક સ્કૂલ તરફથી પરીક્ષામાં ભાગ લેનાર વિદ્યાર્થીઓને પાણીની બોટલ, કૂલ ડ્રિન્ક તથા હળવો નાસ્તો આપવામાં આવ્યો હતો.