એમ.એ.એમ. હાઈસ્કુલ, ટંકારીઆમાં સ્વતંત્ર દિવસ ઉજવાયો
આથી જણાવતા આનંદ થાય છે કે આજ રોજ તા. ૧૫/૦૮/૨૦૨૬ ને શનિવારના રોજ એમ.એ.એમ. પ્રાયમરી અંગ્રેજી માધ્યમ એન્ડ એમ.એ.એમ. અંગ્રેજી માધ્યમ હાઈસ્કૂલ, ટંકારીઆમાં સ્વાતંત્ર્યદિન (રાષ્ટ્રીય પર્વ) ની ધામધૂમથી ઉજવણી કરવામાં આવી. સવારે ૯:૦૦ કલાકે બાળકો શાળાના પટાંગણમાં ધ્વજવંદન કાર્યક્રમને આગળ વધાર્યો હતો જેમાં મુખ્ય મહેમાન તરીકે તાલુકા પંચાયત સદસ્ય અસ્માબેન પટેલ અને જિલ્લા પંચાયત સદસ્ય ભાવનાબેન વસાવાએ સ્થાન ગ્રહણ કરી તેમના વરદ હસ્તે ધ્વજ ફરકાવવામાં આવ્યો હતો. આ ઉપરાંત શાળાના વિદ્યાર્થીઓ વચ્ચે દેશ ભક્તિ ગીતોની સ્પર્ધા રાખવામાં આવી હતી. જેમાં બાળકોઓએ આજ રોજ ઉપસ્થિત મહેમાનો સમક્ષ પોતાની કૃતિ રજુ કરી. આ ઉપરાંત હાજર રહેલ મહેમાનોમાં જિલ્લા પંચાયત સદસ્ય, તાલુકા પંચાયત સદસ્ય, ઓલ ઇન્ડિયા મોહસિને આઝમ મિશનના જનરલ સેક્રેટરી મુનીરભાઈ વોરા, ટંકારીઆ ગ્રામ પંચાયતના સરપંચશ્રી મંગુભાઈ વસાવા, ડેપ્યુટી સરપંચ સફવાનભાઈ ભૂતા, તલાટી કમ મંત્રી ઘનશ્યામ વસાવા, ઇકબાલભાઈ માલાતગાર યુ.કે., મેહબુબભાઈ ગોચા ઝિમ્બામ્બે, સિદ્દીક ટીચુક યુ.કે., નાસીરભાઈ લોટીયા (સોશીયલ વર્કર), ઝાકીરભાઈ ઉમટા (માજી સરપંચ), મુસ્તાકભાઇ રખડા, યાકુબભાઈ બોડાં તેમજ આમંત્રિત મહેમાનો શાળાના પ્રમુખશ્રી ઈશાકભાઈ પટેલ ટ્રસ્ટી મંડળના અન્ય સભ્યો, શાળાના આચાર્યશ્રી, શાળાના શિક્ષકો હાજર રહયા હતા. હાજર રહેલ મહેમાનોમાં શાળાના પ્રમુખશ્રી હાજી ઇશાક મહંમદ પટેલ સાહેબે પ્રસંગને અનુંરૂપ બોધવચનો આપી આઝાદીની જંગમાં પોતાના કિંમતી જીવનની આહૂતિ આપનાર શહીદોને યાદ કરી શ્રધાજંલિ આપી હતી. ત્યારબાદ ઉપસ્થિત થયેલ તમામ મહાનુભાવો ધ્વારા શાળા પટાંગણમાં વૃક્ષારોપણ કરવામાં આવ્યું હતું. તેમજ ટંકારીઆ ગામમાં ભડ્ભાગ કબ્રસ્તાનમાં મહેમાનો ધ્વારા વૃક્ષારોપણ કરવામાં આવ્યું. આમ ૮૦માં સ્વાતંત્ર્ય પર્વની ઉજવણીમાં આમંત્રિત શાળાના ટ્રસ્ટીમંડળ, શાળા પરિવાર તેમજ બાળકો મહેમાનોએ હાજર રહી ધામધૂમથી આઝાદીના રંગે-રંગાઈને ઉજવણી કરી દેશભક્તિનું વાતાવરણ પૂરું પાડ્યું હતું, અંતે મો મીઠું કરી સૌ વિદાય થયા.
Discussion
No comments yet.