Author: Mustak Daula

ગતરોજ બારીવાલા સ્પોર્ટ્સ ક્લબ આયોજિત શિયાળુ ૩૦ ઓવર નોકઆઉટ ટુર્નામેન્ટ ની ફાઇનલ ભજજુવાળા ઇલેવન ભરૂચ અને કડુજી ઇલેવન ટંકારીઆ વચ્ચે રમાતા ભારે રસાકસીના અંતે ભજજુવાળા ઇલેવન નો મેચના છેલ્લા બોલે વિજય થયો હતો.
આ ટુર્નામેન્ટના અંતમાં ઇનામ વિતરણ વિધિમાં મોટી સંખ્યામાં દેશ વિદેશથી પધારેલા ક્રિકેટપ્રેમીઓ હાજર રહ્યા હતા. જેમાં મુખ્યત્વે કુવૈત નેશનલ ક્રિકેટ ટીમના સુકાની યાસીન પટેલ ઉપરાંત એજ ટીમના સભ્ય મીટ ભાવસાર, બરોડા રણજી પ્લેયર સાફાવાન ઘોઘા તથા ગુજરાત રણજી પ્લેયર શેહજો મુખ્ય આકર્ષણનું કેન્દ્ર હતા. ઉપરાંત ટાઇગર ફાઉન્ડેશનના ઓવનર હનીફભાઇ પાંચભાયા, તૌસીફ વાગરાવાલા તથા મોટીસંખ્યામાં ક્રિકેટ પ્રેમીઓ હાજર રહ્યા હતા. સમગ્ર ટુર્નામેન્ટ માં રમાયેલી મેચોની ટ્રોફીઓ બાબુભાઇ પરફેક્ટ કુરિયરવાળા દ્વારા આપવામાં આવી હતી.
આ સમગ્ર ટુર્નામેન્ટનું સફળ આયોજન જુનેદ ટીચચુક, આરીફ બાપુજી અને વસીમ પાટીદારે કર્યું હતું.
આ ફાઇનલ મેચના સમગ્ર કાર્યક્રમનું સંચાલન ઝાકીરહુસૈન ઉમતા દ્વારા કરવામાં આવ્યું હતું.

Kandhiya Fiza Ilyas Ismail has earned her B.Sc. in Nursing and received the prestigious award for exemplary performance in academic excellence for the 2021–2025 batch at P.P. Savani University.

 

 

ભરૂચ તાલુકાના ટંકારીઆ ગામ સ્થિત એમ.એ.એમ. ઇંગ્લિશ મીડીયમ સ્કૂલ દ્વારા શિયાળુ રમતોત્સવના ભાગરૂપે આયોજિત સ્પોર્ટ્સ ડે–૨ ગતરોજ ગામના વિશાળ ખળી મેદાનમાં આનંદ, ઉત્સાહ અને શિસ્તભર્યા માહોલમાં સંપન્ન થયો.

કાર્યક્રમની શરૂઆત મૌલાના અબ્દુલરઝ્ઝાક અશરફી દ્વારા પવિત્ર કુરાન શરીફની તિલાવતથી કરવામાં આવી. આખી દુનિયામાં કાર્યરત કુલ ૧૨૫ બ્રાન્ચ ધરાવતા મોહસીને આઝમ મિશનના વર્લ્ડ પ્રમુખ અને આજના યાદગાર કાર્યક્રમના અધ્યક્ષ હઝરત પીરે તરિકત સૈયદ હસન અસ્કરીમીયા અશરફીયુલ જીલાની કિછોછવી સાહેબે ધ્વજારોહણ કર્યું અને સાબરી એજ્યુકેશન ટ્રસ્ટ કરજણના પ્રમુખ સૈયદ શૌકતઅલી બાવા દ્વારા મશાલ પ્રગટાવી રમતોત્સવનું ઉદ્ઘાટન કરવામાં આવ્યું. વિદ્યાર્થી સૈફાન પટેલ દ્વારા મશાલ સાથે મેદાનની પરિક્રમા કરવામાં આવતા સમગ્ર વાતાવરણ ઉત્સાહથી ગુંજી ઊઠ્યું.

ખુબ જ મોટી સંખ્યામાં હાજર રહેલા ગામ-પરગામના એન.આર.આઈ. ભાઈઓ તથા વિશિષ્ટ મહેમાનોનું પુષ્પગુચ્છ અને ફુલહારથી ભવ્ય સ્વાગત કરવામાં આવ્યું. વિદ્યાર્થી-વિદ્યાર્થીનીઓએ મનમોહક પ્રાર્થના અને સ્વાગત ગીત રજૂ કરીને કાર્યક્રમને આકર્ષક બનાવ્યો હતો.

શાળાના વિદ્યાર્થી-વિદ્યાર્થીનીઓને તેઓની વિશિષ્ટ ઉપલબ્ધિઓ માટે ઉપસ્થિત મહનુભાવો દ્વારા મેડલ, સર્ટીફીકેટ અને ટ્રોફીઓ આપી સન્માનિત કરવામાં આવ્યા.

શિક્ષણ, સાહિત્ય, આરોગ્ય, ડીજીટલ મીડિયા, પ્રિન્ટ મીડિયા અને સમાજસેવા જેવા વિવિધ ક્ષેત્રોમાં યોગદાન આપનાર વ્યક્તિઓને , એમ.એ.એમ. ટ્રસ્ટને વિશિષ્ટ દાન આપી તેના પાયાને મજબૂત કરનાર દેશ-વિદેશમાં રહેતા પ્રતિષ્ઠિત નાગરિકોને,  સુંદર ચેરીટી મેચનું આયોજન કરીને મહત્વપૂર્ણ દાન એકત્રિત કરવા બદલ ‘બારીવાલા ક્રિકેટ ક્લબ’ને સુંદર અને ધ્યાનાકર્ષિત મોમેન્ટો હઝરત પીરે તરિકત સૈયદ હસન અસ્કરીમીયા અશરફીયુલ જીલાની કિછોછવી સાહેબના મુબારક હસ્તે આપી સન્માનિત કરવામાં આવ્યા.

મુખ્ય અતિથિ હઝરત સય્યદ હસન અસ્કરી સાહેબે પોતાના પ્રેરણાદાયી સંબોધનમાં “ઈલ્મ” પર ભાર મૂકતાં જણાવ્યું કે જ્ઞાન જીવનની સફળતાનું મૂળ છે. વિદ્યાર્થીઓએ સ્પષ્ટ લક્ષ્ય નક્કી કરી મહેનતથી આગળ વધવું જોઈએ અને વિજ્ઞાન-તકનીકમાં નિપુણ બની દેશના વિકાસમાં યોગદાન આપવું જોઈએ.

ત્યારબાદ વિદ્યાર્થીઓએ વિવિધ રમતગમત સ્પર્ધાઓમાં ભાગ લઈને પોતાની પ્રતિભા અને શારીરિક ક્ષમતાનું સુંદર પ્રદર્શન કર્યું. મેદાન તાળીઓના ગડગડાટથી ગુંજી ઉઠ્યું.

કાર્યક્રમમાં સય્યદ શૌકતઅલી બાવા, અશરફી બાપુ, અનેક આલીમો તથા એન.આર.આઈ. ભાઈઓ સલીમ વરુ, મહેબૂબ ઝિમ્બાબ્વે, બસીર હલાલત, અય્યુબ માસ્ટર વહોરાસમનીવાળા સહિત ગામ-પરગામના મહેમાનો ઉપસ્થિત રહ્યા. સ્પોર્ટ્સ ડે–૨ ના છેલ્લા ૨-૩ અઠવાડિયાથી ચાલતા આયોજનમાં ટ્રસ્ટના પ્રમુખ ઇશાકભાઇ પટેલ, ટ્રસ્ટી મંડળના બધા જ સભ્યો , શાળાના આચાર્યા મેહ્તાબખાન, શૈક્ષણિક અને નોન શૈક્ષણિક સ્ટાફના દરેક સભ્ય અને એમની સાથે ગામના નાસીરહુસૈન લોટીયા અને ઝાકીરહુસૈન ઉમતા દ્વારા સતત પ્રયત્નો કરી આ કાર્યક્રમને યાદગાર બનાવ્યો હતો. સવારથી સાંજના ૭:૩૦ કલાક સુધી ચાલેલા ખુબ લાંબા કાર્યક્રમનું સંચાલન વલણ ગામના વતની અને જાહેર કાર્યક્રમોના સફળ સંચાલક તરીકે  ખ્યાતિપ્રાપ્ત મહંમદ ભોપા (WBVF), શાળાના આચાર્યા મેહ્તાબખાન, સામાજિક અગ્રણી અબ્દુલ્લાહ કામથી અને માજી સરપંચ ઝાકીરહુસૈન ઉમતાએ ખુબજ સુંદર રીતે નિભાવી હાજરજનોને કાર્યકમ સાથે સતત જોડી રાખ્યા હતા. કાર્યક્રમના સુંદર પ્રદર્શનની સાથે, કરાટે ચેમ્પિયનોએ તેમની કુશળતા દર્શાવી હાજરજનોને મંત્રમુગ્ધ કરી દીધા હતા. અંતમાં, બાળકોના વાલીઓ અને ગામના વડીલોની રસ્સીખેંચની રમત (tug-of-war) માં ભાગીદારીએ ખુબ આનંદદાયક મનોરંજન પૂરું પાડ્યું, જેણે કાર્યક્રમની સફળતાનો સંકેત આપ્યો.

Print Media, social media ઉપરાંત Digital Media ના માધ્યમથી કાર્યક્રમના પ્રચાર અને પ્રસારણની સંપૂર્ણ જવાબદારી હંમેશની જેમ માય ટંકારીઆ વેબસાઈટના સંચાલકો  મુસ્તાક સુલેમાન દૌલા અને નાસીરહુસેન લોટીયાએ સંભાળી. (આખા દિવસના પ્રોગ્રામના બધા વિડીયો ૪-૫ દિવસમાં “Tankaria Channel” પર અપલોડ કરવામાં આવશે.)

હાજરજનો અને વડીલોએ ટંકારીઆ ગામના ઇતિહાસના  યાદગાર રમતોત્સવ તરીકે જેની ગણના કરી રોકડ રકમના રૂપમાં ઇનામોનો ધોધ પણ વરસાવ્યો તે આજના ” M.A. M. 2nd Annual SPORTS MEET- 2026  દ્વારા વિદ્યાર્થીઓમાં રમતગમત પ્રત્યે ઉત્સાહ વધારવાની સાથે શિક્ષણ સાથે કસરત અને પોતાના સ્વાસ્થ્યના સંતુલિત વિકાસનો સુંદર સંદેશ પણ આપ્યો.

(* tug-of-war: a contest in which two teams pull at opposite ends of a rope until one drags the other over a central line.)

 

કાર્યક્રમની શરૂઆત મૌલાના અબ્દુલરઝ્ઝાક અશરફી દ્વારા પવિત્ર કુરાન શરીફની તિલાવતથી કરવામાં આવી.

મોહસીને આઝમ મિશનની આખી દુનિયામાં કાર્યરત કુલ ૧૨૫ બ્રાન્ચના વર્લ્ડ પ્રમુખ અને આજના યાદગાર કાર્યક્રમના અધ્યક્ષ હઝરત પીરે તરિકત સૈયદ હસન અસ્કરીમીયા અશરફીયુલ જીલાની કિછોછવી સાહેબ. હાલમાં કુલ ૨૨ બ્રાન્ચોમાં અશ્કરી ટીફીન સેવાઓ ચાલે છે.

સાબરી એજ્યુકેશન ટ્રસ્ટ કરજણના  પ્રમુખ સૈયદ શૌકતઅલી બાવા સાથે અફરોજભાઈ ખાન્ધીયા

આવકાર સંબોધન  – જાકીરભાઇ ઉમતા

ગામના સરપંચશ્રી મંગાભાઈ અને ઉપસરપંચશ્રી સફ્વાનભાઇ ભુતા

WBVF ના મેનેજર મહંમદભાઇ ભોપા અને યુવા કોંગેસ પ્રમુખ ઈમ્તિયાઝભાઈ

અબ્દુલભાઈ કામઠી ચેરીટી ક્રિકેટ મેચ દરમિયાન મળેલ મદદ અને  એમ.એ.એમ. શાળાના બાળકોને મળેલ માતબર રકમના ઇનામોની જાહેરાત કરી રહ્યા છે.

 

“બારીવાલા ક્રિકેટ ક્લબ” ટંકારીઆ વતી આરીફ્ભાઈ બાપુજી અને જુનેદ ભાઈ ટીચ્ચુક મોમેન્ટો સ્વીકારી રહ્યા છે. બારીવાલા ક્રિકેટ ક્લબ દ્વારા આયોજિત ચેરીટી મેચના માધ્મથી ધોરણ ૧૧ અને ૧૨ ના વર્ગો શરુ કરવા મોટી માતબર રકમનું દાન, ધોરણ ૧૦ માં અભ્યાસ કરતા ૦૩ બાળકોના આખા વર્ષની ખર્ચની રકમનું દાન એક દાનવીર દ્વારા આપવામાં આવ્યું  છે;  ઉપરાંત આ ચેરીટી મેચના દિવસે ઉપસ્થિત એક દાનવીરે ટંકારીઆ માં ચાલતી  “અશ્કરી  ટીફીન સર્વિસ”ના એક આખા વર્ષની ખર્ચની સંપૂર્ણ માતબર રકમ પણ દાન પેટે આપી છે.

   

       

IQBALBHAI IBRAHIM BASERI [Uncle of Inayat Baseri urfe Shahrukh] passed away…………. Inna Lillahe Wainna Ilayhe Rajeun. Namaj e janaja will held at Bhadbhag graveyard after Magrib prayer. May ALLAH [SWT] grant superior place in Jannatul firdaush. Ameen…..

નાના બાળકોના આ ટેલેન્ટ જોઈને હું ભાવવિભોર થઇ ગયો : હાજી આદમ લાલી 

ગતરોજ ૨૬મી જાન્યુઆરીના રાષ્ટ્રપર્વ નિમિતે ગ્રામ પંચાયત ટંકારીઆ આયોજિત ગામના ખરી મેદાનમાં સાંજથી રંગારંગ સાંસ્કૃતિક કાર્યક્રમોનું આયોજન કરવામાં આવ્યું હતું. ટંકારીઆ ગામની કુલ ૬ પ્રાથમિક શાળાઓએ આ કાર્યક્રમમાં ભાગ લીધો હતો. તમામ શાળાના વિદ્યાર્થી-વિદ્યાર્થીનીઓએ ખુબ સુંદર કૃતિઓ રજુ કરી હાજરજનોને મંત્રમુગ્ધ કરી દીધા હતા. દેશ-વિદેશથી પધારેલા મહેમાનોએ વિદ્યાર્થીઓને રોકડ રકમ પારિતોષિક તરીકે આપી વિદ્યાર્થીઓને બિરદાવ્યા હતા. આ પ્રસંગે ટંકારીઆ ગામની ડોક્ટર ઝૈબા સિરાજ ખાંધિયા તથા ડોક્ટર રોઝમીનાબાનું મોહમદરફીક અભલી ને સન્માનપત્ર આપી સન્માનિત કર્યા હતા. 

આ કાર્યક્રમમાં મુખ્ય અતિથિ તરીકે ટંકારીઆ ગામના વતની અને સાઉથ આફ્રિકા ખાતે સ્થાયી થયેલા દાનવીર હાજી આદમભાઇ લાલી ઉપરાંત કેનેડા નિવાસી અય્યુબભાઇ મીયાંજી તથા સરપંચ મંગાભાઇ વસાવા, ડેપ્યુટી સરપંચ સફ્વાન ભુતા , ગુજરાત ટુડેના તંત્રી અઝીઝ ટંકારવી, માજી જિલ્લા સદસ્ય મકબુલ અભલી, તાલુકા સદસ્ય અબ્દુલ્લાહ ટેલર, માજી સરપંચ ઝાકીર ઉમતા તથા આરીફ પટેલ, સામાજિક અગ્રણી નાસીરહુસૈન લોટીયા, સામાજિક કાર્યકર ઉસ્માન લાલન, બિલાલ લાલન , ટંકારીઆ પુત્ર અને સામાજિક અગ્રણી અબ્દુલ્લાહ કામઠી, મુબારક ભાણીયા, તેમજ પંચાયત સભ્ય ઈકબાલ સાપા  તથા મોટી સંખ્યામાં ગ્રામજનો હાજર રહ્યા હતા. તમામ મહેમાનોએ વિદ્યાર્થીઓ દ્વારા રજુ થયેલ કૃતિઓની પ્રસંશા કરી હતી અને તમામ શિક્ષકોને અભિનંદન પાઠવ્યા હતા.

સમગ્ર કાર્યક્રમનું સંચાલન ગુલામસાહેબ ઇપલી દ્વારા કરવામાં આવ્યું હતું.

 

 

 

ભારતભરમાં તા.૨૬ જાન્યુઆરીના રોજ રાષ્ટ્રીયપર્વ પ્રજાસત્તાકદિનની ઉજવણી કરવામાં આવે છે. જે અંતર્ગત એમ.એ.એમ. અંગ્રેજી માધ્યમ સ્કૂલ ટંકારીઆમાં સવારે ૮:૩૦ કલાકે બાળકો શાળાના પટાંગણમાં ધ્વજવંદન કાર્યક્રમને આગળ વધાર્યો હતો. જેમાં મુખ્ય મહેમાન તરીકે મૌલાના અબ્દુર્રઝાક અશરફીએ સ્થાન ગ્રહણ કરી તેમના હસ્તે ધ્વજ ફરકાવવામાં આવ્યો હતો. ત્યારબાદ શાળામાં મનોરંજનના કાર્યક્રમો યોજવામાં આવ્યા હતા. જેમાં શાળાના વિદ્યાર્થીઓએ પ્રાસંગિક સ્પીચ, દેશભક્તિના ગીતો રજુ કાર્ય હતા. અંતમાં તમામ દેશવાસીઓ માટે ભલાઈ અને પ્રગતિની દુઆઓ કરવામાં આવી હતી. આ કાર્યક્રમમાં શાળા પ્રમુખ ઇશાકભાઈ પટેલ તથા ટ્રસ્ટીમંડળના અન્ય સભ્યો હાજર રહ્યા હતા. અંતમાં મોં મીઠું કરી સૌ વિદાય થયા હતા.

ગત રવિવારે ટંકારીઆ સ્થિત બારીવાલા ગ્રાઉન્ડ ખાતે એમ.એ.એમ. ઇંગ્લિશ મીડીયમ હાઈસ્કૂલમાં ધોરણ ૧૧ અને ૧૨ ના ઇંગ્લિશ મીડીયમના નવા વર્ગો શરૂ કરવા માટે જરૂરી ફંડ એકત્ર કરવાના શુભ હેતુથી ભવ્ય ચેરિટી ક્રિકેટ મેચનું આયોજન કરવામાં આવ્યું હતું. આ મેચ ભરૂચ સીટી લિજન્ડ અને ભરૂચ રૂરલ લિજન્ડ વચ્ચે રમાઈ હતી, જેમાં ભરૂચ રૂરલ લિજન્ડ ટીમે રોમાંચક મુકાબલામાં વિજય હાંસલ કર્યો હતો.

મેચનો ટૉસ કોંગી અગ્રણી સુલેમાનભાઈ પટેલના હસ્તે કરવામાં આવ્યો હતો. ત્યારબાદ એક સમયના ધુરંધર ક્રિકેટરો અને અંગત મિત્રો એવા માજી ધારાસભ્ય અને ગુજરાત વિધાનસભાના ભૂતપૂર્વ દંડક તેમજ ભરૂચ જિલ્લા ક્રિકેટ એસોસિએશનના પ્રમુખ દુષ્યંતભાઈ પટેલ અને સેક્રેટરી ઇસ્તિયાક પઠાણે પ્રથમ દાવમાં ઓપનિંગ કરી આક્રમક શરૂઆત કરી હતી. દુષ્યંત પટેલે માત્ર ૨૪ બોલમાં ૩૯ રનની ઝળહળતી ઇનિંગ રમી વર્ષો પહેલાંની એમની રમતની યાદ અપાવી  હતી. તેઓની આ સુંદર રમત બદલ તેમને  “બેસ્ટ બેટ્સમેન” ની ટ્રોફી એનાયત કરવામાં આવી હતી. અત્યંત રોમાંચક બનેલી આ મેચમાં  ભરૂચ સીટી લિજન્ડ ટીમે ૨૦ ઓવરમાં ૧૪૨ રન બનાવ્યા હતા, જેના જવાબમાં ભરૂચ રૂરલ લિજન્ડે છેલ્લી ઓવરના ફક્ત બે બોલ બાકી હતા ત્યારે ચાર વિકેટે લક્ષ્યાંક પાર કરી ભવ્ય વિજય નોંધાવ્યો હતો.

ભરૂચ સીટી લિજન્ડ તરફથી કેપ્ટન દુષ્યંતભાઈ પટેલ, ઇસ્તિયાકભાઈ  પઠાણ, મનીષ નાયક, બાબુભાઈ મોદી, વિપુલ ઠક્કર, કિશોર પટેલ, હનીફ ભજ્જુવાલા, આરીફ મિન્હાઝ, સુધીરભાઇ, હારુન હેન્ડી, રીચી દેસાઈ, હન્નુ તથા સરફરાઝ તેજખાન પઠાણ જેવા એક વખતના હોનહાર લિજન્ડ ખેલાડીઓએ રમતમાં ભાગ લઈ પોતાની રમતો દ્વારા યુવા ક્રિકેટરોને પ્રેરણા આપી હતી. જ્યારે ભરૂચ રૂરલ લિજન્ડ તરફથી હારુન ઘોડીવાલા, મુસ્તાક ટટ્ટુ ઉર્ફે ટાઈગર, રહેમત માસ્ટર, ફારૂક માતર, આસિફ પઠાણ, સઈદ કંથારીયા, રહેમત ધોરીવાલા, મુસ્તાક લાંગીયા, તૌસીફભાઈ વાગરા, ઈકરામ માલજી, મુનાફ દિવાળી, મુબારક સાપા તથા મુસ્તાક દૌલા સહિતના ખેલાડીઓની રમતે પ્રેક્ષકોને આનંદિત કરી દીધા હતા.

કાર્યક્રમની શરૂઆતમાં તમામ મહેમાનોનું પુષ્પગુચ્છથી ઉષ્માભર્યું સ્વાગત કરવામાં આવ્યું હતું. ત્યારબાદ એમ.એ.એમ. ઇંગ્લિશ મીડીયમ શાળાના પ્રમુખ ઇશાક માસ્ટર પટેલે ટૂંકા વક્તવ્યમાં જણાવ્યું હતું કે ટંકારીઆ તેમજ આજુબાજુના ૧૬ ગામોના વિદ્યાર્થી-વિદ્યાર્થીનીઓ અહીં અભ્યાસ કરે છે અને આ પ્રયાસ શિક્ષણક્ષેત્રે મહત્વપૂર્ણ સાબિત થશે.

દુષ્યંત પટેલે પોતાના ભાવુક પ્રવચનમાં જણાવ્યું હતું કે આજની મેચ માત્ર રમત નહીં પરંતુ ફ્રેન્ડશિપ અને ફેલોશીપનું ઉત્તમ ઉદાહરણ છે. તેમણે બારીવાલા ગ્રાઉન્ડના ભારોભાર વખાણ કર્યા અને જણાવ્યું કે ભરૂચ જિલ્લામાં ક્રિકેટનું ભરપૂર ટેલેન્ટ છે, જે રાજ્ય અને રાષ્ટ્રીય કક્ષાએ પહોંચે તે માટે પ્રયત્ન જરૂરી છે. ભરૂચ જિલ્લા ક્રિકેટ એસોસિએશનના પ્રમુખ તરીકે જિલ્લાના ખેલાડીઓને હંમેશા પ્રાધાન્ય આપવાનો તેમણે સંકલ્પ વ્યક્ત કર્યો હતો. સાથે જ ક્રિકેટ દ્વારા વિકસેલો ભાઈચારો સતત જળવાઈ રહે તે માટે ખાસ આગ્રહ  કર્યો હતો.

૨૪ ગામ પાટીદાર સમાજના પ્રમુખ શૈલેષ પટેલ ચાવજવાળાએ ટંકારીઆ ગામના વખાણ કરતા કહ્યું હતું કે અહીં કોઈ ભૂખ્યો આવે તો ભૂખ્યો પાછો નથી જતો. શિક્ષણ માટે રમાતી ચેરિટી મેચનું મહત્વ અનેકગણું વધી જાય છે એમ તેમણે ઉમેર્યું હતું. સામાજિક અગ્રણી અબ્દુલ્લાહ કામઠીએ પોતાના પ્રવચનમાં ટંકારીઆ અને આસપાસના ગામોમાં પરસ્પર સહકારની પ્રશંસા કરી તથા અગાઉ યોજાયેલી ત્રણ ચેરિટી મેચોનો ઉલ્લેખ કરી માહિતી આપી હતી. 

આ કાર્યક્રમમાં હાજર રહેલા વરિષ્ઠ મહેમાનોમાં સુલેમાન પટેલ જોલ્વાવાળા, આસિફ ખોજબલ, બાબુભાઇ પરફેક્ટ, અઝહર ભીખા, અય્યુબમાસ્ટર વોરાસમનીવાળા, મુસ્તાકભાઈ સાપા, સાદિક લવલી, રણજી ક્રિકેટર લુકમાન મેરીવાળા, રતિલાલ પરમાર, સાજીદ સાઈદા, ગામ ટંકારીઆના ડેપ્યુટી સરપંચ સફવાન ભુતા, અલ્તાફ ચટક, તાલુકા સદસ્ય અબ્દુલ્લાહ ટેલર તથા દાઉદ હવેલીવાળા ઉપરાંત સઇદ બાપુજી, યુસુફ ઇસ્માઇલ ઘોડીવાલા, ઇશાકમાસ્ટર પટેલ, યાકુબ બોડા, નાસીરહુસેન લોટીયા, માજી સરપંચ આરીફ પટેલ, ઉસ્માન લાલન, ગુલામ સાહેબ ઇપલી, બિલાલ લાલન, યુસુફ ઢીલ્યા, ઇકબાલ સાપા,સઈદભાઈ બાબરીયા, યાસીન શંભુ તેમજ વિદેશથી પધારેલા સલીમ વરુ, અલ્તાફ બાપુજી, ફારૂક ડેલાવાળા, અફરોઝ અશરફી, સોયેબ ગોદર તથા ભરૂચ જિલ્લાની સોસીયલ મીડિયાની આખી ટીમ તથા મોટી સંખ્યામાં ક્રિકેટપ્રેમીઓ સહિત અનેક મહેમાનો, સામાજિક આગેવાનો, વિદેશથી આવેલા મહેમાનો તથા મોટી સંખ્યામાં ક્રિકેટપ્રેમીઓ હાજર રહ્યા હતા.

સમગ્ર કાર્યક્રમનું સુંદર સંચાલન અબ્દુલ્લાહ કામઠી અને માજી સરપંચ ઝાકીર ઉમતા દ્વારા એમના આગવા અંદાજમાં કરવામાં આવ્યું હતું. આજની મેચનું જીવંત પ્રસારણ કરવામાં આવ્યું હતું જેને દેશ વિદેશમાં અનેલ લોકોએ નિહાળ્યું હતું. રમત દરમિયાન લાઈવ કોમેન્ટ્રી સફ્વાનભાઈ ભૂટા, આરીફભાઈ બાપુજી અને અલ્તાફભાઇ પરીયેજવાલા દ્વારા કરી રમતની સાથે સાથે સુંદર મનોરંજન પૂરું પાડ્યું હતું. આ ચેરિટી મેચનું સફળ આયોજન જુનેદ ટીચચુક, આરીફ બાપુજી, વસીમ પાટીદાર, સઈદભાઈ બારીવાલા, ઝુબેર બારીવાલા, શફીક પટેલ અને સાદિક ટીચચુક દ્વારા કરવામાં આવ્યું હતું. મેચ જે હેતુ માટે યોજાઈ હતી તે હેતુ માટે દેશ-વિદેશથી ઉત્તમ પ્રતિસાદ મળ્યો હતો.

 

ટંકારીઆ ગામના  મોટા પાદરમાં એક અતિ સુંદર સર્કલનું નિર્માણ થયું છે.
Video જોવા માટે ઉપરની લિંક પર ક્લિક કરો.

ટંકારીઆ ગામના દાનવીર હાજી આદમભાઇ લાલી સાહેબના દાનથી ટંકારીઆ ગામના  મોટા પાદરમાં એક અતિ સુંદર સર્કલનું નિર્માણ થયું છે. તા. ૨૬/૦૧/૨૦૨૬ ના રોજ આ સર્કલનું ઉદ્ઘાટન હાજી આદમભાઇ લાલી સાહેબના હસ્તે કરવામાં આવ્યું હતું. ઝળહળતી રોશનીમાં રંગબેરંગી કલર સાથેના આ ધ્યાનાકર્ષક સર્કલે ટંકારીઆ ગામના પાદરના મધ્યમાં એક આગવી છાપ ઊભી કરી ગામની રોનકમાં ચાર ચાંદ લગાવી દીધા છે. ગામના નાયબ સરપંચ સફવાન યાકુબ ભૂટાના પ્રયાસો અને નેતૃત્વને કારણે આ સર્કલ ખૂબ જ ટૂંકા ગાળામાં તૈયાર  થયું હતું. ડો. ઇકરામ બચ્ચાનો પણ આ કામમાં સાથ સહકાર મળ્યો હતો. ઉદ્ઘાટન દરમિયાન, મોટી સંખ્યામાં ગ્રામજનોએ હાજરી આપી હાજી આદમભાઈ લાલી સાહેબનો આભાર  માન્યો હતો.

With the donation of Haji Adambhai Lali Saheb, a philanthropist of Tankaria village, an iconic circle has been built in the padar of Tankaria village. On 26/01/2026, this circle was inaugurated by Haji Adambhai Lali Saheb. This eye-catching circle with colourful and dazzling lights has created a unique impression in the middle of the padar of Tankaria village and has added four moons to the charm of the village. Due to the efforts and leadership of the village deputy sarpanch, Safwan Bhuta, this circle was ready in a very short period of time. Dr Ikram Bachcha also got cooperation in this work. During the inauguration, a large number of villagers attended and thanked Haji Adambhai Lali Saheb.