એમ.એ.એમ. અંગ્રેજી માધ્યમ સ્કૂલ ટંકારીઆમાં પ્રજાસત્તાક દિનની ઉજવણી થઇ

ભારતભરમાં તા.૨૬ જાન્યુઆરીના રોજ રાષ્ટ્રીયપર્વ પ્રજાસત્તાકદિનની ઉજવણી કરવામાં આવે છે. જે અંતર્ગત એમ.એ.એમ. અંગ્રેજી માધ્યમ સ્કૂલ ટંકારીઆમાં સવારે ૮:૩૦ કલાકે બાળકો શાળાના પટાંગણમાં ધ્વજવંદન કાર્યક્રમને આગળ વધાર્યો હતો. જેમાં મુખ્ય મહેમાન તરીકે મૌલાના અબ્દુર્રઝાક અશરફીએ સ્થાન ગ્રહણ કરી તેમના હસ્તે ધ્વજ ફરકાવવામાં આવ્યો હતો. ત્યારબાદ શાળામાં મનોરંજનના કાર્યક્રમો યોજવામાં આવ્યા હતા. જેમાં શાળાના વિદ્યાર્થીઓએ પ્રાસંગિક સ્પીચ, દેશભક્તિના ગીતો રજુ કાર્ય હતા. અંતમાં તમામ દેશવાસીઓ માટે ભલાઈ અને પ્રગતિની દુઆઓ કરવામાં આવી હતી. આ કાર્યક્રમમાં શાળા પ્રમુખ ઇશાકભાઈ પટેલ તથા ટ્રસ્ટીમંડળના અન્ય સભ્યો હાજર રહ્યા હતા. અંતમાં મોં મીઠું કરી સૌ વિદાય થયા હતા.