Month: November 2025

આજે રવિવારના રોજ ટંકારીઆમાં દારુલ ઉલુમ કોમ્યુનિટી હોલમાં લોકોના એક મહત્વના કામ એસ.આઈ.આર. ના ફોર્મ ભરવા તથા જમા કરાવવાનો પ્રોગ્રામ ગ્રામ પંચાયતના ઉપક્રમે યોજાયો હતો. આ કાર્યક્રમમાં જે લોકોને ફોર્મ ભરવાની સમજણ ના પડી હોય, ફોર્મ વિતરણ ના થયા હોય તેવા ભાઈ-બહેનોને ગામના તમામ બી.એલ.ઓ. હાજર રહી ઊંડાણપૂર્વકની સમજણ સાથે ફોર્મ ભરી આપ્યા હતા આ કામમાં ગામના નવયુવાનોએ પણ ખડેપગે હાજર રહી તમામ લોકોને વ્યવસ્થિત રીતે ફોર્મ ભરી આપવામાં મદદ કરી હતી.
ડેપ્યુટી સરપંચ સફવાન ભુતા તથા ગામના નવયુવાનોએ કુનેહપૂર્વક કાર્યક્રમ પૂર્ણ કર્યો હતો.

અલહમ્દુલીલ્લાહ આપણા ગામમાં એક નવી પહેલ બ્લડ ડોનેટ ના રૂપ માં શરૂ કરવા જઈ રહ્યા છે
અચાનક કોઈ વ્યક્તિ બીમાર પડે, કોઈ ગંભીર બાબત હોય.કે અકસ્માત સર્જાયો હોય એવા સંજોગોમાં તાત્કાલિક બ્લડ ની જરૂર પડે ત્યારે ધણી મુશ્કેલીઓનો સામનો કરવો પડે છે, આ વાત ને ધ્યાન માં લઇ ને આપણે ટંકારીઆ ગામમાં બ્લડ ડોનેટ ગ્રુપ બનાવવા જઈ રહ્યા છે જેમાં ગામના દરેક મહોલ્લા દીઠ ઓછામાં ઓછા .૧૦ વ્યક્તિ કે તેથી વધુ થાય તો પણ ધણું સારૂ તેવા વ્યક્તિઓ જરૂર છે.
અમને આશા છે આવાં નેક કામમાં કોઈ પાછું નહીં હટે.
આપણું ગામ હર હંમેશ મદદ કે હેલ્પ ની જરૂર હોય ત્યારે આપણું ગામ સૌથી અગ્રેસર હોય છે. બીજા ગામો આપણાં ગામની મિશાલ આપતા હોય છે, તો આ નેક કામમાં પણ તમે સામેલ થઈને ખીદમત નો મોકો આપશો.

તમારું બ્લડ ગ્રુપ ચેક કરવા માટે.નીચે આપેલ સ્થળો નો સંપર્ક કરો જેમાં તમને ફ્રી માં બ્લડ ટેસ્ટ કરી આપવામાં આવશે.

હમણાં કોઈ ને બ્લડ આપવા નુ નથી, ફક્ત બ્લડ ગ્રુપ ચેક કરવાનુ છે જરૂર પડશે ત્યારે તમને બોલાવવામાં આવશે

૧. શૈખુલ ઈસ્લામ ટ્રસ્ટ ટંકારીઆ સંચાલિત
મદની શીફાખાના દવાખાના
મદની લેબોરેટરી.
બેન્ક ઓફ બરોડા પાસે
ટંકારીઆ

૨. અંજુમન દવાખાના
જામા મસ્જિદ સામે
મેઇન બજાર. ટંકારીઆ

૩. સરકારી દવાખાના
નાના પાદર. ટંકારીઆ

નોંધ.આ બ્લડ ડોનેટ ફક્ત અને ફક્ત ટંકારીઆ ગામના લોકો માટે જ રહેશે જેની ખાસ નોંઘ લેવી.

નોંધ. બ્લડ ડોનેટરો નાં નામ લીસ્ટ આવી ગયા પછી બ્લડ ની જરૂર હોય ત્યારે કોન્ટેક્ટ કરવા માટે કોન્ટેક્ટ નંબર આપવામાં આવશે.

IQBAL MUSA SHETH passed away…………. Inna Lillahe Wainna Ilayhe Rajeun. Namaj e janaja will held at Bhadbhag graveyard after Zuhar prayer. May ALLAH [SWT] grant the best place in Jannatul firdaush. Ameen. ….

તારીખ ૧૯/૧૧/૨૦૨૫ ને બુધવારના રોજ શુક્લતીર્થ પ્રાથમિક કુમારશાળામાં અધ્યક્ષ કાસુદરા સાહેબના પ્રમુખ સ્થાને તાલુકા કક્ષાનું ગણિત વિજ્ઞાન પ્રદર્શન યોજાયું હતું. પાંચ વિભાગની કુલ ૭૦ કૃતિઓ રજુ કરવામાં આવી હતી. ટંકારીઆ કન્યાશાળાની બે કૃતિઓ વિભાગ-૩ અને વિભાગ-૫ માં “લાઈફ સેવર” કૃતિને વિજેતા ઘોષિત કરવામાં આવી હતી. ટંકારીઆ કન્યાશાળાના શિક્ષિકા બહેન ડાહ્યા રિઝવાના ના માર્ગદર્શન હેઠળ આ કૃતિ રજુ કરનાર વિદ્યાર્થીઓ નામે (૧) મોઅઝઝમ ડાહ્યા (૨) આલિયા કાજિબુ ને વિજયી ઘોષિત કાર્ય હતા.
અલ્લાહ પાક તેમને ઉત્તરો ઉત્તર પ્રગતિના પંથે દોરે એવી દિલી દુઆઓ……

MASTER MUHAMMAD ADAM BACHCHA passed away…………. inna Lillahe Wainna Ilayhe Rajeun. Namaj e janaja will held at Hashamshah [RA] eidgah after Zuhar prayer. May ALLAH [SWT] grant the best in Jannatul firdaush. Ameen…..

તારીખ – 19/11/2025 ને બુધવારના રોજ શુકલતીર્થ મુકામે તાલુકા કક્ષાનું ગણિત વિજ્ઞાન પ્રદર્શન યોજાય ગયું.જેમાં સમગ્ર ભરૂચ તાલુકામાંથી ક્લસ્ટર કક્ષાએ વિજેતા થયેલ કૃતિઓ સાથે વિદ્યાર્થીઓ અને માર્ગદર્શક શિક્ષકશ્રીઓ હાજર રહ્યા હતા.

ક્લસ્ટર કક્ષાએ વિભાગ-1 અને વિભાગ-2 માં ટંકારીઆ કુમાર શાળાની કૃતિઓ વિજેતા થયેલ હતી.આ બંને કૃતિઓ સાથે આપણા સૌની પ્યારી શાળાના વિદ્યાર્થીઓ અને માર્ગદર્શક શિક્ષકશ્રીઓ પણ હાજર રહ્યા હતા. અલ્હમદુલિલ્લાહ આપ તમામની દુઆઓ અને વિદ્યાર્થીઓની મહેનત અને જોરદાર રજૂઆતના કારણે વિભાગ -2 (કચરાનું વ્યવસ્થાપન અને પ્લાસ્ટિકના વિકલ્પો) માં ટંકારીઆ કુમાર શાળાની કૃતિ તાલુકા કક્ષાએ પ્રથમ ક્રમાંક મેળવી વિજેતા થયેલ છે.આ ઉપરાંત વિભાગ – ૧ માં મુકવામાં આવેલ કૃતિ બીજા ક્રમાંકે વિજેતા થયેલ છે.જે ખૂબ જ આનંદ અને ગૌરવની બાબત છે.આ માટે વિજેતા કૃતિના બાળવૈજ્ઞાનિકો નામે અહમદ સઈદ ભોલા અને સહલ જુનેદ અમેરિકનને અને વિભાગ -૨ માં દ્વિતીય ક્રમાંક મેળવનાર બળવૈજ્ઞાનિકો નામે રીજવાન સરફરાઝ બળિયા અને મહંમદ એઝાઝ દેડકાને તથા માર્ગદર્શક શિક્ષકશ્રી શબ્બીરસાહેબ પટેલ તથા રફીક સાહેબ અભલીને સમગ્ર શાળા પરિવાર અને સમગ્ર ટંકારીઆ ગામ વતી ખૂબ ખૂબ અભિનંદન આપવામાં આવે છે.

અલ્લાહથી દુઆ છે કે ટંકારીઆ કુમાર શાળા દરેક ક્ષેત્રે આ જ રીતે ઉત્તરોત્તર પ્રગતિ કરે અને ગામનું નામ રોશન કરે એવી દિલી દુઆ છે.

Wedding function of MEHZABIN D/O RAFIQ SULEMAN SAPA held at Darul Ulum Community hall Tankaria today. 

HAJIYANI RUKAIYABAHEN ADAM VALI KAJIBU passed away………….. Inna Lillahe Wainna Ilayhe Rajeun. May ALLAH [SWT] grant the best place in Jannatul firdaush. Ameen…

HAJIYANI FATIMABEN MUSABHAI CHAVDA [MOTHER OF AIYUB / MAHEBUB / ABDUL / YAKUB] chavda at Venda South Africa. Inna Lillahe Wainna Ilayhe Rajeun. May ALLAH [SWT] grant the best place in Jannatul firdaush. Ameen….

Sitting arrangement in Tankaria at Chavda Street, Tankaria. 

હાલમાં ભારતના ૧૨ રાજ્યોમાં એસ.આઈ.આર. ની કામગીરી ચાલી રહી છે. એસ.આઈ.આર. અંતર્ગત ગણતરી ફોર્મ ભરવા માટે લોકો જાગૃત થાય અને જાગૃત નાગરિક તરીકે ભવિષ્યમાં પોતાના મતાધિકારનો ઉપયોગ કરી શકે એ માટે એક માર્ગદર્શન મિટિંગ ટંકારીઆના દારુલ ઉલુમ હોલમાં યોજાઈ હતી. આ માર્ગદર્શન મિટિંગમાં ગામના બી.એલ.ઓ. અને ઉસ્માન સુતરીયાએ હાજર રહેલા ભાઈ બહેનોને ગણતરી  ફોર્મ કેવી રીતે ભરવું તે માટેની વિસ્તૃત સમજ આપી હતી. આ કાર્યક્રમમાં ભરૂચ તાલુકા મામલતદાર મિસ્ત્રી મેડમ, તથા ભરૂચ જિલ્લા પુરવઠા અધિકારી અને ૧૫૧-વાગરા મતવિસ્તારના ચૂંટણી નિરીક્ષક ગામીત સાહેબે ખાસ હાજર રહી ખુબ ઉપયોગી માહિતી હાજરજનોને આપી જાગૃત નાગરિક તરીકે પોતે અને પોતાના કુટુંબીજનો તથા સગા સંબંધીઓને આ ફોર્મ વહેલી તકે ભરવા તાકીદ કરી હતી. ત્યારબાદ બી.એલ.ઓ. અને અન્ય હાજરજનોના પ્રશ્નોના સચોટ જવાબો ઉપસ્થિત અધિકારીઓ દ્વારા આપી મહત્વનું માર્ગદર્શન પૂરું પાડ્યું હતું. તેમણે ગામના સરપંચ, ઉપસરપંચની આગેવાનીમાં જાગૃત આગેવાનો દ્વારા ગામમાં એસ.આઈ.આર. સંબંધિત ચાલી રહેલ જાગૃતિ અભિયાન અને માર્ગદર્શન કાર્યક્રમ અંગે સંતોષ વ્યક્ત કરી ભરપૂર પ્રસંશા કરી હતી. ઉપસ્થિત અધિકારીઓએ  ગામે-ગામ બધાના સહયોગ સાથે આ પ્રમાણેની કાર્યવાહી થાય તેવી હાકલ કરી હતી.

આ પ્રસંગે ડે. સરપંચ સફ્વાન ભુતા, માજી સરપંચ ઝાકીર ઉમતા, એસ.આઈ.આર. અંતર્ગત સેક્ટર ઓફિસર તરીકેની ફરજ બજાવનાર ઉસ્માન સુતરીયા, ઇલ્યાસ દેગમાસ્ટર, સાબિર લાલન, સઈદસાહેબ બાપુજી, નાસીરહુસૈન લોટીયા, પત્રકાર મુસ્તાક દૌલા, ગણપતિ યુનુસ તથા ગામના આગેવાનો અને નવયુવાનોએ હાજર રહી પધારેલા અધિકારીઓ સાથે વિચારવિમર્શ કરી કેટલીક રજૂઆતો કરી હતી, જેનો અધિકારીઓએ સાનુકૂળ પ્રતિભાવ આપ્યો હતો.