આપણા ગામ ની પારખેત તરફ ના ભાગોળે નવનિર્મિત મક્કા મસ્જિદ નું બાંધકામ નું કામ પૂર્ણ થઇ ગયું છે. અને આ મસ્જિદ નું વિધિવત ઉદ્ઘાટન આવતા શુક્રવારે અસર ની નમાજ પઢી કરવામાં આવશે. આ પ્રસંગે તમામ ને હાજર રહેવા વિનંતી કરવામાં આવે છે.
ભરૂચ તાલુકાના ટંકારીઆ તથા સીતપોણ ગામમાં દક્ષિણ ગુજરાત વીજ કંપની દ્વારા વીજ ચેકીંગ યોજાઈ હતી. આ બંને ગામમાં ચેકીંગ નું કામ એકદમ શાંતિ પૂર્વક પાર પડતા વીજ અધિકારીઓ એ હાશકારો અનુભવ્યો હતો. પ્રાપ્ત માહિતી અનુસાર આજરોજ સવારથી જ વીજ કંપની ના અધિકારી પોતાના સ્ટાફ અને પૂરતા પોલીસ બંદોબસ્ત સાથે આ બંને ગામો પર ત્રાટક્યા હતા. અને સઘન બંદોબસ્ત વચ્ચે ઘેર ઘેર ફરી મીટર ચેકીંગ હાથ ધર્યું હતું. જેમાં મળતી માહિતી અનુસાર લગભગ ૪ થી ૫ મીટરો ને ડિટેઇન કર્યા હતા. ગામ લોકો એ સાથ સહકાર આપી વીજ ચેકીંગ ને પરિપૂર્ણ કરી હતી જે બદલ વીજ કંપની ના અધિકારી ઓ એ ગામલોકોનો આભાર માન્યો હતો.
