ટંકારીઆ હાઈસ્કૂલમાં યુ.કે.ના એમ.પી.નું ભવ્ય સ્વાગત

ટંકારીઆ એજ્યુકેશન એન્ડ વેલફેર સોસાયટી (માઈનૉરિટી ટ્રસ્ટ) સંચાલિત ધ ટંકારીઆ હાઈસ્કૂલ ખાતે યુ.કે.ના માનનીય એમ.પી. શ્રી ઇકબાલહુસેન મહંમદનું ભવ્ય અને ઉષ્માભેર સ્વાગત કરવામાં આવ્યું હતું.

આ પ્રસંગે શાળા પરિવાર, ટ્રસ્ટના હોદ્દેદારો, શિક્ષકો તથા સ્થાનિક આગેવાનો દ્વારા માનનીય મહેમાનનું આત્મીય સ્વાગત કરવામાં આવ્યું હતું. શાળાની શૈક્ષણિક પ્રવૃત્તિઓ, વિકાસકાર્યો તેમજ વિદ્યાર્થીઓના ઉજ્જવળ ભવિષ્ય માટે કરવામાં આવતી વિવિધ કામગીરી અંગે પણ ચર્ચા કરવામાં આવી હતી.

ટંકારીઆ હાઈસ્કૂલ સાથે જોડાયેલા શિક્ષણપ્રેમીઓ અને સમાજના આગેવાનોએ યુ.કે.માં જાહેર જીવનમાં સેવા આપી રહેલા માનનીય એમ.પી. શ્રી ઇકબાલહુસેન મહંમદની મુલાકાતને ગૌરવપૂર્ણ પ્રસંગ ગણાવી હતી.

આ સમગ્ર કાર્યક્રમ દરમિયાન સૌમાં ઉત્સાહ અને આનંદનો માહોલ જોવા મળ્યો હતો. શાળા પરિવાર દ્વારા માનનીય મહેમાનને હાર્દિક શુભેચ્છાઓ પાઠવી તેમના આગમન બદલ આભાર વ્યક્ત કરવામાં આવ્યો હતો.