પંચાયતની ચૂંટાયેલી નવી બોડી દ્વારા સાફસફાઈ અભિયાન યોજાયું

ગ્રામ પંચાયતની નવી બોડી કાર્યરત થઇ ગઈ છે, “સફાઈ ત્યાં ખુદાઈ” સંદર્ભે આજે મોટા પાદરથી લઇ ટંકારીઆ પ્રવેશ દ્વાર સુધીનું સાફસફાઈ અભિયાન ચલાવવામાં આવ્યું હતું. આજ પ્રમાણે સાફસફાઈ થતી રહેશે તો ગંદકીનું પ્રમાણ ઓછું થઇ જશે અને રોગચારો પણ ફેલાતો ઓછો થઇ જશે.

સરપંચ અને ડેપ્યુટી સરપંચે એક ડેલિગેશન સાથે પાલેજ જી.ઈ.બી. માં જઈ ટંકારીઆ ગામમાં એક સબસ્ટેશન સ્થાપવાની તથા રાત્રી દરમ્યાન કર્મચારીઓને ટંકારિયામાં મુકવાની દરખાસ્ત કરવામાં આવી હતી, જેમાં પાલેજના ડેપ્યુટી એન્જીનીયરે આ બંને કામગીરી ટૂંક સમયમાં કરી આપવાની બાહેંધરી આપી હતી.