ટંકારીઆ માં ટ્રક ની ચોરી થતા ચકચાર

ભરૂચ તાલુકાના ટંકારીઆ ગામે ભરૂચ પાલેજ રોડ પર અમન કોલોની પાસે રાત્રી ના સમયે ઉભી કરેલી ટ્રક નંબર જીજે ૦૧ બીટી ૮૮૫૦ ને તારીખ ૨૧/૧૨/૨૦૧૭ ના રોજ રાત્રે કોઈ અજાણ્યા તસ્કરો ચોરી કરી લઇ ગયા હતા.
પ્રાપ્ત માહિતી અનુસાર ભરૂચ તાલુકાના ટંકારીઆ ગામે ભરૂચ પાલેજ ના મુખ્ય માર્ગ પર આવેલ અમન કોલોની પાસે રાત્રીના સમયે પાર્ક કરેલી ટ્રક નંબર જીજે ૦૧ બીટી ૮૮૫૦ કે જેના માલિક કાદરી સાકીર અલી અહેમદ અલી છે તેઓની ટ્રક રાત્રીના આશરે સાડા ત્રણ વાગ્યાના સુમારે કોઈ અજાણ્યા હરામખોરો ચોરો કરી લઇ જતા ચકચાર મચી જવા પામી છે. આ ચોરી થઇ ગયેલી ટ્રક માં જીપીઆરએસ સિસ્ટમ પણ લગાડેલ હતી પરંતુ વડોદરા જિલ્લાના સાવલી સુધી આ ટ્રક નું લોકેશન બતાવે છે ત્યાર બાદ ની કોઈ વિગત મળતી નથી. જે બાબત ની પોલીસ ફરિયાદ પાલેજ પોલીસ સ્ટેશન માં થતા પાલેજ ના પોલીસ ઇન્સ્પેક્ટર એલ. સોલંકી એ વધુ તપાસ ના ચક્રો ગતિમાન કર્યા છે.

Leave a Reply

Your email address will not be published.

*