Author: Mustak Daula

Marriage function of Sumaiyyah D/O Abdullah Malji held at Tankaria today.

ભરૂચ તાલુકાના ટંકારીયા ગામના નાના પાદર ખાતે નજીવી બાબતના ઝઘડામાં ભાઇના હાથે ભાઇનું કરૂણ મોત નિપજતા ચકચાર મચી જવા પામી હતી. પોલીસ સુત્રોમાંથી મળતી વિગતો અનુસાર ભરૂચના પાલેજ પોલીસ મથકની હદમાં આવેલા ટંકારીયા ગામના નાના પાદર ખાતે ગતરાત્રીના વિક્રમ ગુલાબભાઇ વસાવા રહે. ટંકારીયા તથા કલ્પેશ ઉર્ફે લાલા રમણ વસાવા રહે. ટંકારીયા નાઓ વચ્ચે કોઇ બાબતે ઝઘડો થયો હતો. ઝઘડાએ ઉગ્ર સ્વરૂપ ધારણ કરતા વિક્રમના મોટાભાઇ રાજુ ગુલાબ વસાવા રહે. ટંકારીયા નાઓએ વિક્રમનું ઉપરામણું લઇ કલ્પેશને રાજુએ પોતાના હાથમાં રહેલા લાકડાના ડંડા વડે એક સપાટો બરડાના ભાગે માર્યો હતો.  ત્યારબાદ રાજુ કલ્પેશને બીજો સપાટો મારવા જતા કલ્પેશ ખસી જતા રાજુનો ભાઇ વિક્રમ જે બાજુમાં ઉભો હતો તેના માથાના ભાગે લાકડાનો ડંડો વાગી જતા વિક્રમને માથાના ભાગે ગંભીર ઇજાઓ થતા વિક્રમનું કરૂણ મોત નિપજ્યું હતું. ઘટનાની જાણ પાલેજ પોલીસને થતા પોલીસ કાફલાએ ઘટના સ્થળે દોડી જઇ કાયદેસરની કાર્યવાહી કરી મરણ જનાર વિક્રમના મૃતદેહનો કબ્જો મેળવી પી એમ અર્થે પાલેજ સામુહિક આરોગ્ય કેન્દ્ર ખાતે ખસેડયો હતો. ઘટના સંદર્ભે પોલીસે રાજુની ધરપકડ કરી હતી. બનાવ સંદર્ભે ગુલાબભાઇ ચીમનભાઇ વસાવાએ ફરિયાદ નોંધાવતા પોલીસે ગુનો નોંધી વધુ તપાસ હાથ ધરી છે. ભાઇના ઝઘડામાં ભાઇનું ઉપરામણું લેવા ગયેલા ભાઇના હાથે જ ભાઇનું મોત થતા ટંકારીઆ પંથકમાં ઘટના ટોક ઓફ ધ ટાઉન બનવા પામી છે…

નીચે જણાવેલ છોકરી નામે નાઝનીન કે જે બટલી મહયુદ્દિન ઇબ્રાહિમ ની ભાણકી થાય છે અને સદર છોકરી અસ્થિર મગજની છે જે ટંકારીઆ ગામે થી બે દિવસથી કોઈને કહ્યા વગર ઘરેથી ચાલી ગઈ છે. જે કોઈ ભાઈ ને ઉક્ત છોકરી નજર આવે તો તાત્કાલિક નીચે જણાવેલ નંબર પર સંપર્ક કરવા મહેરબાની કરશો.
મહયુદ્દિન બટલી
૯૭૧૪૭ ૨૦૨૫૩.

છેલ્લા બે દિવસથી ગરમી નો પારો આસમાને પહોંચી જવા પામ્યો છે. અને આજે તો ગરમીએ મઝા મૂકી દીધી હતી. લગભગ ૪૨ ડિગ્રી સેલ્સિયસ જેટલું તાપમાન આજે પહોંચી ગયું હતું અને વળી પાછું ઇલેક્ટ્રિક બોર્ડ તરફથી સવારે ૯ વાગ્યાથી સાંજે ૪.૩૦ સુધી ઇલેક્ટ્રિક પ્રવાહ પણ બંધ કરી દેવાતા આજે ટંકારીઆ તથા સમગ્ર પંથક ગરમીથી તૌબા પોકારી ઉઠ્યો હતો. આ દરમિયાન જેમને ત્યાં ઇન્વર્ટરો હોય તેઓતો ગરમીથી રાહત મેળવી રહ્યા હતા પરંતુ જેમની પાસે આ વ્યવસ્થા ના હોય તેમના હાલ બુરા થઇ જવા પામ્યા હતા. જોકે બપોરે મંદમંદ પવન ફૂકાતો હતો પણ તે પણ ગરમ લૂ ફેંકતો હોય તેવો અહેસાસ થઇ રહ્યો હતો અને જેમતેમ કરીને હાથપંખા તથા અન્ય હાથવગી વસ્તુઓનો ઉપયોગ કરી ઠંડક મેળવતા નજરે પડ્યા હતા.

Mariyamben Ahmed Bangli passed away……. inna lillahe wainna ilayhe rajeun. Namaj e janaja will held at Hashamshah [RA] gaveyard after Isha prayer. May ALLAH [SWT] grant her the best place in jannatul firdaush. Ameen.

પવિત્ર રમઝાન માસ ની પુર્ણાહુતી એટલે કે ઈદ ઉલ ફિત્ર ની ઉજવણી ટંકારીઆ તથા પંથકમાં ધામધૂમથી કરવામાં આવી હતી.
રમઝાન માસ માં મુસ્લિમ સમુદાય રોઝા, ઝકાત, ખૈરાત તેમજ અલ્લાહ ને રાજી કરવા માટે ઈબાદતો માં મશગુલ થઇ જાય છે અને ચાલુ વર્ષે ધોમધખતા તાપ અને ગરમીમાં પણ અડગ રીતે મુસ્લિમ સમુદાયે રોઝા રાખી અલ્લાહ ને રાજી કરવાના પ્રયત્નો કર્યા હતા અને રમઝાન માસ ની પુર્ણાહુતી એટલેકે ઈદ ઉલ ફિત્ર ની ઉજવણી મુસ્લિમ બિરાદરો એ વિશિષ્ટ નમાજ ની અદાયગી સાથે કરી હતી.
આમ તો આ ઈદ ને મીઠી ઈદ પણ કહેવામાં આવે છે. વહેલી સવારે મુસ્લિમ બિરાદરો મીઠી સેવિયાં નો ઉપહાર કરીને ઈદગાહ માં વિશિષ્ટ નમાજ ની અદાયગી માટે ભેગા થઇ ગયા હતા અને વિશાળ સંખ્યામાં ઈદ ની નમાજ ઈદગાહમાં અદા કરી હતી. અને ત્યાર બાદ ઇમામ મૌલાના અબ્દુલરઝાક અશરફી સાહેબે સમસ્ત વિશ્વમાં તથા આપણા પ્યારા દેશમાં શાંતિ, ભાઈચારો તથા અમન અને ખુશહાલી ની દુઆઓ ગુજારી હતી. અને ત્યાર બાદ મુસ્લિમ બિરાદરોએ એકબીજાને ભેટી ઈદ ની મુબારક્બાદીઓ આપી હતી. તમામના ચહેરાઓ પર ઈદ ની ખુશીઓ છલકાઈ ગઈ હતી. આ પ્રસંગે સરપંચ આરીફ પટેલ, ડેપ્યુટી સરપંચ ઉસ્માન લાલન તથા જિલ્લા પંચાયત ના સદસ્ય મકબુલ અભલી તથા તાલુકા પંચાયત ના સદસ્ય અબ્દુલ્લાહમાંમાં ટેલર તથા ગુજરાત ટુડે ના તંત્રી અને ટંકારીઆપુત્ર જનાબ અઝીઝભાઈ ટંકારવી સાહેબ તમામને ઈદ ની મુબારકબાદ આપતા નજરે પડ્યા હતા. આમ ટંકારીઆ માં ઈદ ઉલ ફિત્ર ની ઉજવણી ભારે હર્ષોલ્લા સાથે ઉજવવામાં આવી હતી.