Author: Mustak Daula

આજરોજ તારીખ ૦૪/૧૦/૨૦૨૨ ને મંગળવારના રોજ ટંકારીઆ ગ્રામ પંચાયતના ઉપક્રમે નશાબંધી સપ્તાહની ઉજવણી ના ભાગરૂપે ભરૂચ જિલ્લા નશાબંધી અને આબકારી વિભાગના અધિકારીઓ દ્વારા ટંકારીઆ એમ.એ.એમ. હાઈસ્કૂલના વિશાળ હોલમાં અવેરનેસ પ્રોગ્રામ રાખવામાં આવ્યો હતો. આ કાર્યક્રમ નશાબંધી વિભાગ ભરૂચ ના એસ.પી. એચ. એમ. માંગરોલીયા, એસ.પી. ડી.જે. વનાડી તથા જિલ્લા નિયામકશ્રી દોલતસિંહ રાણા, પી.આઈ. બી. એસ. તડવી તથા નાટ્યકાર પ્રકાશભાઈ બારોટ તેમજ વિનોદભાઈ બારોટે હાજરી આપી હતી. આ ઉપરાંત આ કાર્યક્રમમાં ટંકારીઆ ગામના સરપંચ ઝાકીરહુસેન ઇસ્માઇલ ઉમતા, એમ.એ.એમ. હાઈસ્કૂલ શાળાના આચાર્ય, શિક્ષણગણ તેમજ શાળાના વિદ્યાર્થીઓએ ભાગ લીધો હતો. નશાબંધી વિભાગના અધિકારીઓએ શાળાના બાળકોને નશાની ગંભીરતા તથા વ્યસન મુક્તિ માટે વિવિધ નાટ્ય પ્રવૃત્તિ દ્વારા સંદેશો આપ્યો હતો.
ગામના સરપંચ ઝાકીરહુસેન ઇસ્માઇલ ઉમતા દ્વારા કાર્યક્રમના આયોજન માટે એમ.એ.એમ. હાઈસ્કૂલના મેનેજમેન્ટનો તેમજ નશાબંધી અને આબકારી વિભાગના તમામ અધિકારીઓનો ટંકારીઆ ગામ વતી આભાર વ્યક્ત કર્યો હતો.

આજ રોજ તારીખ ૦૧/૧૦/૨૨ ને શનિવારના રોજ પ્રાથમિક કન્યાશાળા ટંકારીઆ (મુખ્ય) જે SOE [School of Excellency] હેઠળ મંજુર થયેલ છે. જેની પાયાવિધિનો કાર્યક્રમ આજરોજ રાખવામાં આવ્યો હતો. પાયાવિધીનું ઉદ્ઘાટન ગામના સરપંચ ઝાકીરહુસેન ઇસ્માઇલ ઉમતા દ્વારા કરવામાં આવ્યું હતું. આ કાર્યક્રમમાં પ્રાથમિક કન્યાશાળાના આચાર્ય ઐયુબભાઈ ખીલજી, શિક્ષકગણ, તેમજ એસ.એમ.સી. ના સભ્યો એ તથા ગામના લોકોએ હાજરી આપી હતી. આશરે ૧.૫ કરોડ ના ખર્ચે સરકાર તરફથી કન્યાશાળાનું નવી બિલ્ડીંગ આધુનિક સુવિધાઓથી સજ્જ બનાવવામાં આવશે. જેવી કે, ત્રણ માળાની બિલ્ડીંગ, સ્માર્ટ ક્લાસીસ, ડિજિટલ લાયબ્રેરી, સ્પોર્ટ્સ કોમ્પ્લેક્ષ, પ્રાર્થના હોલ, સુંદર બગીચો, અદ્યતન શૌચાલય જેવી સંપૂર્ણ સુવિધાઓ સાથે કન્યાશાળાના નવા બિલ્ડીંગ નું કામ આજથી આરંભાયું છે. આ નવી બિલ્ડીંગ બનાવવાની મંજૂરી મેળવવા ના કામમાં જે લોકો સહભાગી થયા છે એ તમામ લોકોનો ગ્રામ પંચાયત પરિવાર આભાર વ્યક્ત કરે છે. અને શાળા પરિવારને ખુબખુબ શુભકામનાઓ પાઠવે છે.

Haji Yakubbhai Kapadia [Father of  Inayatullah & Salim Kapadia] passed away…………… Inna Lillahe Wainna Ilayhe Rajeun. May ALLA [SWT] grant him the best place in Jannatul firdaush. Ameen. 

આજે સાંજે માંહે રબીઉલ અવ્વલ નો ચાંદ નજરે પડ્યો છે. એટલેકે ૧૨ રબીઉલ અવ્વલ [ઈદ એ મિલાદુન્નબી] તારીખ ૦૯/૧૦/૨૦૨૨ ને રવિવારના રોજ મનાવવામાં આવશે. આજે રાત્રે ઈશાની નમાજ બાદથી ૧૨ માં ચાંદ સુધી જામા મસ્જિદ અને મસ્જિદ એ મુસ્તુફાઈય્યાહ માં બયાનો નો દૌર શરુ થશે. ગામના પાદર, બઝાર, મસ્જિદો તથા ઘેરે ઘેર રંગબેરંગી લાઈટ ડેકોરેશન કરી રોશનીથી શણગારવામાં આવશે.

આથી જાહેર જનતાને જાણ કરવામાં આવે છે કે, વેલ્ફેર હોસ્પિટલ ભરૂચ અને રિસર્ચ સેન્ટર અને શૈખુલ ઇસ્લામ ટ્રસ્ટ સંચાલિત “મદની શિફાખાના” ના સહયોગથી “મદની શિફાખાના” ટંકારિયામાં સ્ત્રી રોગો અને બાળ રોગો માટે મફત કેમ્પનું આયોજન તારીખ ૨૯.૯.૨૦૨૨ ને ગુરુવારના રોજ કરવામાં આવ્યું છે. આ કેમ્પ નો સમય સવારે ૧૦ વાગ્યાથી બપોરે ૧ વાગ્યા સુધીનો રહેશે.
આ કેમ્પમાં દરેક પ્રકારના સ્ત્રી રોગોથી પીડાતી બહેનો તથા બાળ રોગોથી પીડાતા બાળકોને મફત તપાસવામાં આવશે, એટલુંજ નહિ પણ તેમને પ્રાથમિક દવાઓ પણ મફત માં આપવામાં આવશે.
સ્ત્રી રોગથી પીડાતી બહેનો તથા બાળ દર્દીઓ આ કેમ્પમાં આવી પોતાની સારવાર કરાવી આરોગ્યપ્રદ સ્વાસ્થ્ય મેળવવા અનુરોધ કરવામાં આવે છે.

અસ્સલામુ અલયકુમ
આથી ટંકારીઆ ગામના તમે ભાઈ બહેનોને જણાવવાનું કે હાલ નાના બાળકો ને ઉઠાવવાની ગેંગ સક્રિય હોવાથી દરેક વાલીએ પોતપોતાના નાના બાળકોને મદ્રસ્સા તથા સ્કૂલમાં જાતે લેવા તથા મુકવા જાતે જવાની વિનંતી કરીએ છીએ. તેમજ ગામમાં કોઈ પણ વ્યક્તિ શંકાસ્પદ લાગે તો તેના વિશે ગ્રામ પંચાયતને તાત્કાલિક જાણ કરવા વિનંતી છે. પરિસ્થિતિને દયાન માં રાખીને દરેક ગામવાસીએ જાગૃત રહી ગામમાં સલામતી રહે એનું ધ્યાન રાખવું જરૂરી છે. આ ઉપરાંત હાલની પરિસ્થિતિ જોતા બહારથી આવનાર ભિખારીઓ ઉપર ગામ પંચાયત દ્વારા પ્રતિબંધ મુકવામાં આવે છે એટલે મહેરબાની કરી હાલમાં ટંકારીઆ ગામમાં કોઈ પણ ભિખારીએ પ્રવેશ કરવો નહિ. ગામ ની સલામતીને ધ્યાનમાં રાખીને ગામના તમામ લોકોને સહકાર આપવા નમ્ર વિનંતી છે.
ઝાકીરહુસેન ઇસ્માઇલ ઉમતા
સરપંચ
ગ્રામ પંચાયત ટંકારીઆ 

આજ રોજ વેલ્ફેર હોસ્પિટલ ભરૂચ એન્ડ રિસર્ચ સેન્ટર અને શૈખુલ ઇસ્લામ ટ્રસ્ટના સહયોગથી ટંકારીઆ ગામમાં સ્ત્રી રોગો અને બાળ રોગો માટે મફત નિદાન કેમ્પનું આયોજન કરવામાં આવ્યું હતું.

આ કેમ્પમાં વેલ્ફેર હોસ્પિટલ ભરૂચના ગાયનેકોલોજિસ્ટ (સ્ત્રી રોગોના નિષ્ણાંત) ડો. શબાના પટેલ અને પીડિયાટ્રિશ્યન (બાળ રોગોના નિષ્ણાંત) ડો. મોહસીન પટેલ ઉપસ્થિત રહ્યા હતા.

આ કેમ્પમાં ટંકારિયા તેમજ અન્ય નજીક નાં ગ્રામ્યજનો એ લાભ લીધો હતો.. આરોગ્ય લક્ષી આ કેમ્પ માં દરેક પ્રકારના સ્ત્રી રોગોથી પીડાતી બહેનો તથા બાળ રોગોથી પીડાતા બાળકોની નિશુલ્ક તપાસ કરવામાં આવી હતી તેમજ દવાઓ પણ મફત આપવામાં આવી…