તાલુકા કક્ષાના વિજ્ઞાન મેળાનું કંબોલી પ્રાથમિક શાળામાં ભવ્ય આયોજન………
એમ.એ.એમ. પ્રાયમરી અંગ્રેજી માધ્યમ એન્ડ એમ.એ.એમ. અંગ્રેજી માધ્યમ હાઈસ્કુલ, ટંકારીઆ દ્વારા બાળ વૈજ્ઞાનિક પ્રદર્શન : ૨૦૨૫-૨૬ વિભાગ નં.:૪ માં વિકસીત નવીન ટેકનોલોજી માં હોમઓટોમેશન કૃતિ રજુ કરી અત્રેના શાળાના ભૂલકાઓનો ભવ્ય વિજય……
આજ રોજ તારીખ : ૨૫/૦૯/૨૦૨૫ ને ગુરૂવારના રોજ કંબોલી પ્રાથમિક મિશ્ર શાળામાં ક્લસ્ટર કક્ષાનો બાળ વૈજ્ઞાનિક પ્રદર્શન : ૨૦૨૫-૨૬ તાલુકા કક્ષાના વિજ્ઞાન મેળાનું ખૂબજ સરસ અને સુંદર રીતે ઉજવાય ગયો. કંબોલી પ્રાથમિક શાળા પરિવાર અને SMC એ ખુબ સરસ આયોજન કર્યું હતું. જેમાં ક્લસ્ટર કક્ષાની કુલ બાર શાળાઓ ભાગ લીધી હતો. જેમાં વિવિધ વિષયને અનુરૂપ અલગ અલગ પાંચ વિભાગો હતા. જેમાં એમ.એ.એમ. પ્રાયમરી અંગ્રેજી માધ્યમ સ્કુલ. ટંકારીઆના બાળકો ધ્વારા બાળ વૈજ્ઞાનિક પ્રદર્શનમાં વિભાગ નં.:૪ માં વિકસીત નવીન ટેકનોલોજી માં હોમઓટોમેશન કૃતિ સુંદર કૃતિ રજુ કરી હતી. જે તમામ કૃતિમાં ધ્યાન આકર્ષિત હતી. આમંત્રિત મહેમાનોએ હોમઓટોમેશન કૃતિ પ્રત્યે પોતાના સચોટ અભિપ્રાય આપ્યો હતો. આ કૃતિ જોઈ મહેમાનો પણ આશ્ચર્ય ચકિત થઇ ગયા હતા. અત્રેની શાળાના બાળકો તાલુકા લેવલ પર બાળ વૈજ્ઞાનિક પ્રદર્શનમાં વિભાગ નં.:૪ માં વિકસીત નવીન ટેકનોલોજી માં હોમઓટોમેશન કૃતિમાં ઓટલાવાલા ફાતેમા ફૈઝલ અને સાસરીયા તાલ્હા મીન્હાજ પ્રથમ ક્રમાંક મેળવી શાળા તથા ગામનું નામ રોશન કર્યું. બાળકોને પ્રમાણપત્ર અને ટ્રોફી આપી સંન્માનિત કર્યા હતા. નાના વૈજ્ઞાનિકોને મહેમાનોએ ખૂબ ખૂબ અભિનંદન પાઠવ્યા હતા. તે એટલા નાના બાળકો પાસેથી આવો પ્રયોગ જોઈ મંત્રમુગ્ધ રહી ગયા હતા. શાળાના આચાર્યશ્રી અને શાળા પરિવાર તેમજ શાળાના પ્રમુખશ્રી ઇશાક મહમદ અશરફી, ટ્રસ્ટી મંડળ અને હિતેચ્છુઓએ ખૂબજ અભિનંદન પાઠવ્યા. વધુમાં માર્ગદર્શક શિક્ષિકા બહેન શેઠ સીમા આઈ. ને વિશેષ અભિનંદન પાઠવ્યા. કારણ કે તેમણે બે દિવસમાં ખંત પૂર્વક વિદ્યાર્થીઓ તૈયારી કરાવી હતી.
વિજેતા વિદ્યાર્થીઓ,માર્ગદર્શક શિક્ષકશ્રી તેમજ MAM અંગ્રેજી માધ્યમ શાળાને ખૂબ ખૂબ અભિનંદન….