ટંકારીઆ ઈંગ્લીશ મીડીયમ સ્કૂલ દ્વારા તિરંગા યાત્રા અને ફેશન શો યોજાયો

આજે સ્વાતંત્ર્ય દિવસની પૂર્વ સંધ્યાએ ટંકારીઆ ઈંગ્લીશ મીડીયમ સ્કૂલના બાળકો દ્વારા તિરંગા યાત્રા કાઢવામાં આવી હતી. આ યાત્રા ગામના મુખ્ય રસ્તાઓ પર નીકળી હતી. જેમાં બાળકોએ આઝાદી અમર રહો, જય જવાન જય કિસાન ના ગગનભેદી નારાઓ મારી વાતાવરણને દેશભક્તિના રંગમાં રંગી દીધું હતું. તેમજ આજે નાના નાના ભૂલકાઓ દ્વારા ફેશન શો નું આયોજન પણ સ્કૂલના પટાંગણમાં કરવામાં આવ્યું હતું. તેમજ દેશભક્તિના સંવાદો પણ યોજવામાં આવ્યા હતા.