ટંકારીઆમાં વીજ ચેકીંગ હાથ ધરાયુ

ભરૂચ તાલુકાના ટંકારીઆ ગામે ગ્રામજનો ગાઢ નિંદ્રા માણી રહ્યા હતા ત્યારે આજરોજ વીજ કંપની દ્વારા વીજ ચેકીંગ હાથ ધરાયુ હતું. વહેલી સવારથીજ સઘન વીજ ચેકીંગ હાથ ધરાતા ગામમાંથી આશરે ૩૪ કનેક્શનો પકડાયા હતા એટલેકે અંદાજિત ૨૭ લાખની વીજ ચોરી પકડાતા ગામમાં સોપો પડી ગયો છે. આ પકડાયેલા વિસ્તારોમાં ખાસ કરીને બોંબે પાર્ક તથા અલીફ પાર્કમાં વીજ કનેક્શનો વધારે પ્રમાણમાં ઝડપાયાના અહેવાલ સાંપડ્યા છે.