Author: Mustak Daula

વાંસદા તાલુકાના શ્રેષ્ઠ શિક્ષક સમારોહ કાર્યક્રમ તારીખ ૫મી સપ્ટેમ્બરના રોજ વાંસદા ખાતે યોજાયો હતો. વાંસદા તાલુકા વિકાસ અધિકારીની હાજરીમાં યોજાયેલ આ શ્રેષ્ઠ શિક્ષક સમારોહમાં આપણા ગામના મોઈનુદ્દીન ઇસ્માઇલ [મુસ્તાકમાસ્ટર] રખડાને વિજ્ઞાનના શ્રેષ્ઠ શિક્ષક તરીકે પસંદગી કરી ટંકારીઆ ગામનું નામ રોશન કર્યું છે. તેમને ટી.ડી.ઓ. દ્વારા શાલ ઓઢાડી તેમજ ટ્રોફી અર્પણ કરી બહુમાન કરવામાં આવ્યું હતું.

આપણાં દેશમાં દર વર્ષ પાંચમી સપ્ટેમ્બરના દિવસે ભારતના પૂર્વ રાષ્ટ્રપતિ ડૉ. સર્વપલ્લી રાધાકૃષ્ણનની જન્મ જયંતિને શિક્ષકદિન તરીકે ઉજવવામાં આવે છે. જેઓ માત્ર એક રાષ્ટ્રપતિ જ ન હતા પરંતુ એક મહાન શિક્ષક પણ હતા. જેમને શિક્ષણ પ્રત્યે ગાઢ નિષ્ઠા અને ઊંડો વિશ્વાસ હતો. જેના ભાગ રૂપે એમ.એ.એમ. પ્રાયમરી એન્ડ એમ.એ.એમ. હાઈસ્કુલ અંગ્રેજી માધ્યમ, ટંકારીઆ. દ્વારા તા. ૦૫/૦૯/૨૦૨૩ ને મંગળના રોજ શિક્ષક દિનની શાનદાર ઊજવણી કરવામા આવી હતી. એ દિવસે શાળાનું સમગ્ર સંચાલન અત્રેની શાળાના ધોરણ ૬ થી ૧૦ ના ખાસ પસંદ કરાયેલા ૩૪ વિદ્યાર્થીઓએ સંભાર્યું હતું. કાર્યક્રમની શરૂઆત પ્રાર્થનાથી કરવામાં આવી હતી. પ્રાર્થના બાદ તમામ વિદ્યાર્થી પ્રતિનિધિઓએ શાળાના સૌ શિક્ષકોનું ગુલાબના ફૂલોથી સ્વાગત કર્યું હતું. શાળાના વિદ્યાર્થીઓએ સવારથી ખુબ જ ઉમંગ અને ઉત્સાહમાં રંગબેરંગી પરિધાનમાં જઈને આત્મવિશ્વાસ સાથે શિક્ષણકાર્ય કરાવ્યુ હતું. અંતે બધાજ વિદ્યાર્થીઓ અને શિક્ષકો શાળાના મદની હોલમાં એકત્ર થઇ પોતપોતાના અનુભવોનું વર્ણન કર્યું હતું અને તારવ્યુ હતું. કે એક સાચા શિક્ષક તરીકે શિક્ષણકાર્ય કરાવવું કેટલું કઠિન છે. શાળાના આચાર્યશ્રીએ વિદ્યાર્થીઓને તેમની શિક્ષક તરીકે ફરજ સુંદર રીતે બજાવવા બદલ અભિનંદન આપી શિક્ષકોનું જીવનમાં શું મહત્વ છે તેમજ શિક્ષક વિના જીવનરૂપી નાવ કેવી હાલક ડોલક થઈ જાય છે. તેના પર વિદ્યાર્થીઓને ઊંડી સમજ આપી હતી. શાળા પરિવાર તેમજ બાળકોઓએ ધામધૂમથી રંગે-રંગાઈને ઉજવણી કરી. આ સ્પર્ધામાં જે બાળકોએ ભાગ લીધો હતો તેમને બે ભાગમાં નિર્ણાયકો ધ્વારા નીરક્ષણ કર્યા બાદ કેજી વિભાગમાંથી હીરાવાલા ફાતેમા અને પટેલ હુમેરા પ્રથમ ક્રમાંકે તથા પઠાણ મહેનુર દ્રિતીય ક્રમાંકે અને પટેલ અશેફા તૃતીય ક્રમાંકે ઉતીર્ણ થયા હતા. જયારે પ્રાયમરી અને સેકન્ડરી વિભાગમાંથી બાપુ સાયમાં ઈકબાલ પ્રથમ ક્રમાંકે ઓટલાવાળા દ્રિતીય ક્રમાંકે જાંગીડ કૈલાસ તથા કડુજી મેહરાજ તૃતીય ક્રમાંકે રહ્યા હતા. અંતે પટાવાળાની ફરજ બજાવનાર વિદ્યાર્થીઓને તેમને વિશેષ અભિનંદન આપી સમૂહ ઉપહાર લઇ સૌએ વિદાય લીધી હતી.

આ વર્ષે ઓગસ્ટ મહિનામાં નહિવત વરસાદ થવાથી કપાસ, તુવર જેવા પાકો પર અસર જોવા મળી રહી છે. આ વર્ષે ઓગસ્ટ માસમાં દાયકાનો સૌથી ઓછો વરસાદ નોંધાયો છે. આવા સંજોગોમાં ખેડૂતો આકાશ તરફ મીટ માંડીને બેઠા છે. સાથે સાથે વાતાવરણ ઉનાળા જેવું થઇ જતા લોકો ભારે ગરમીનો સામનો કરી રહ્યા છે. ભર ચોમાસે વરસાદ ઊંચે ચઢી જતા ટંકારીઆ તથા પંથકમાં ઉનાળાનો ભાસ થઇ રહ્યો છે અને ભારે બફાળાથી લોકો ત્રાહિમામ પોકારી રહ્યા છે. વરસાદ આધારિત ખેતી કરતા ખેડૂત ભાઈઓ સતત ચિંતિત અવસ્થામાં દેખાઈ રહ્યા છે. પોતાના ખેતરોમાં કરેલ વાવણી બાદ છેલ્લા એક મહિનાથી નહિવત વરસાદ પડતા અને વરસાદ ખેંચાતા વાવણી ખરાબ થવાની ભીતિ સેવાઈ રહી છે. વળી હવામાનખાતાએ જાણ કરી છે કે હાલમાં ચોમાસાને સક્રિય કરી શકે તેવી કોઈ સ્ટ્રોંગ સિસ્ટમ નથી એટલે સપ્ટેમ્બરના મધ્ય સુધી કોઈ નોંધપાત્ર વરસાદ થવાની શક્યતાઓ ધૂંધળી છે.
અલ્લાહ ખેર કરે, અને તેની રહેમતનો વરસાદ વરસાવી ખેત – ખલીયાનોને તૃપ્ત કરી ખેતીમાં બરકતો આપે. આમીન…..

HANIFBHAI ISMAIL GHODIWALA [RETIRED S.T. BUS DRIVER] passed away……….. Inna Lillahe Wainna Ilayhe Rajeun. May ALLAH [SWT] grant the best place in jannatul firdaush…………. Ameen.

આપણા ગામના ઝુબેર સડથલાવાલા કે જેઓ ઝડબાના કેન્સરથી પીડિત હતા, તેમની સારવાર માટે ડોનેશનની અપીલ આપ તમામ લોકોને કરી હતી. તેમનું ઓપરેશન અલ્લાહના ફઝલો કરમથી સફળતાપૂર્વક થઇ ગયું છે. તેમના પરિવારજનો આપ તમામ સખીદાતાઓનો હૃદયપૂર્વક આભાર વ્યક્ત કરે છે. તેમના પત્ની અને તેમના બાળકો સજળ આંખોએ તમામનો આભાર વ્યક્ત કરી તમામ સખીદાતાઓને દિલની ગહેરાઈઓથી દુઆઓ ગુજારી હતી. સખી ભાઈ બહેનોએ તો મદદ કરી જ હતી સાથે સાથે ટંકારીઆ ગામની સંસ્થાઓ જેવી કે મોહસીને આઝમ મિશન ટંકારીઆ તરફથી રૂપિયા એક લાખ અને અંજુમન સાર્વજનિક હોસ્પિટલ ટંકારીઆ તરફથી રૂપિયા પચાસ હજારની પણ મદદ કરવામાં આવી હતી.
આ કામમાં મદદ કરનાર તમામ સખીદાતાઓનો અમો આ માધ્યમ થકી શુક્રગુજાર કરીએ છીએ. અલ્લાહપાક તમામને તેનો બદલો બંને જહાંનોમાં અતા ફરમાવી મગફિરતનો જરીયો બનાવે. તમની રોજીઓ માં બરકતો અતા ફરમાવે અને તેમને તંદુરસ્તી સાથે દીર્ધાયુ બક્ષે. આમીન.

We appealed to all of you to donate for the treatment of Zubair Sadthalawala of our village who was suffering from jaw cancer. His operation has been successfully done by the grace of ALLAH [SWT]. His family expresses their heartfelt gratitude to all the donors. His wife and children with cried eyes expressed their thanks to all and offered prayers to all the supporters from the depths of their hearts. Donor  brothers and sisters have already helped along with organisations of Tankaria village like Mohsin e Azam Mission Tankaria with Rs one lakh and Anjuman Public Hospital Tankaria with Rs fifty thousand.

HAJIYANI HAMIDABEN HAJI ABDULLAH BHAD [MOTHER OF IMTIYAZ BHAD] passed away……….. Inna Lillahe Wainna Ilayhe Rajeun. Namaj e janaja will held at Bhadbhag graveyard after Asr prayer. today. May ALLAH [SWT] grant her highest place in Jannatul firdaush Ameen. 

“કહાં ગયે વો લોગ”  વિભાગમાં મરહૂમ આદમ અહમદ દાઢીમુંડા સાહેબ અંગેના લેખનો સમાવેશ કરવામાં આવ્યો છે.

મરહૂમ આદમ અહમદ દાઢીમુંડા   (અહીં ક્લિક કરો)

ફકત ટંકારીઆના નહીં પરંતુ આખા ભરૂચી વહોરા પટેલ સમાજના સાચા હમદર્દ અને નિસ્વાર્થ સેવક એવા હાજી આદમસાહેબ દાઢીમુંડા આજે આ ફાની દુનિયાને અલવિદા કહી ગયા.
મુન્શી મનુબરવાલા મેમોરિયલ ચેરીટેબલ ટ્રસ્ટ દ્વારા વર્ષ 1996માં વિજ્ઞાન પ્રવાહ માટેની હાયર સેકન્ડરી સ્કૂલ અને છોકરાઓને રહેવા માટે હોસ્ટેલની સુવિધા ઊભી કરવામાં આવી.ભરૂચ જિલ્લામાં ભરૂચી વહોરા પટેલોની એ વખતે પહેલી વિજ્ઞાન પ્રવાહની શાળા હતી.મે અહી વર્ષ 1997માં પ્રવેશ મેળવ્યો અને હોસ્ટેલમાં રહીને અભ્યાસ કર્યો.આદમ સાહેબ હોસ્ટેલમાં રેકટરની સેવા આપતા હતા.તેઓ સ્વભાવે ખુબ જ કડક અને સિદ્ધાંતવાદી નિવૃત્ત પ્રાથમિક શિક્ષક હતા.લગભગ પંદર વર્ષ સુધી પોતાની રેકટર તરીકેની ફરજને ખુબ જ નિષ્ઠાપૂર્વક નિભાવી.તેઓ પોતાની આ ફરજને ખુબ જ વફાદાર રહ્યા.11-12માં અભ્યાસ કરતા અમે સૌ ખુબ જ તોફાની અને પોતાની મરજીના માલિક હોઈએ એ સ્વાભાવિક છે.પરંતુ સાહેબે પોતાની આગવી સુજબુજથી અમને ખુબ જ કાબૂમાં રાખી સતત અભ્યાસ કરાવ્યો.એ વખતે ભરૂચમાં વાતો ચાલેલી કે ખારીસીંગ વેચવાવાળા વિજ્ઞાન પ્રવાહની શાળા નહીં ચલાવી શકે.આ વાતે તેઓના અંતરાત્માને અંદરથી હચમચાવી દીધેલ.અને તેઓએ આવી વાતોને ખોટી સાબિત કરવા માટે ખુબ મહેનત કરી ત્યારે અમને તેઓનું કડકપણું અભિશાપ લાગતું.પરંતુ આજે ખબર પડી કે આ અભિશાપ એ જ અમારા માટે આશીર્વાદ હતો.મુન્શી સંકુલની સ્થાપના થયા પછી ભરૂચ વહોરા પટેલોમાં શિક્ષણ પ્રત્યે ખુબ જ જાગૃતિ આવી.આજે વહોરા પટેલ સમાજ પાસે અનેક ડોક્ટરો,એન્જિનિયરો,ફાર્માસિસ્ટ અને ગણિત વિજ્ઞાનના શિક્ષકો છે.આ સફળતા માટેના પાયાના પથ્થરોમાંના એક એટલે આદમ સાહેબ.તેઓએ ક્યારેય પોતે કરેલ સત્કર્યોની નુમાઇસ નથી કરી.એટલે જ તેઓ આજ દિન સુધી સમાજના હિદન હિરો જ રહ્યા.
ટંકારીઆ જ્યારે શિક્ષણ માટે સજ્જ થવા થનગની રહ્યું હતું ત્યારે ધી ટંકારીઆ વેલ્ફેર સર્કલના તેઓ ખુબ જ સક્રિય કાર્યકર હતા.કન્યા શાળાના જૂના મકાન અને હાઈસ્કૂલના જૂના મકાનના બાંધકામની અને હિસાબ નિભાવવાની જવાબદારી તેઓના શિરે હતી.ત્યારથી લઈ વર્ષો સુધી ટંકારીઆની આ રીતે એકદમ ચૂપચાપ રહીને સેવા કરતા રહ્યા.ક્યારેય પોતે કરેલી સેવાની વાતો જાહેરમાં કરતા નહિ.આવા નિસ્વાર્થ કોમ અને ગામના હમદર્દ હંમેશા માટે આ દુનિયાની માયાને છોડી ગયા છે.અલ્લાહ તેઓની મગફિરત ફરમાવે અને તેઓએ કરેલા સેવાના નેક કાર્યોને કબૂલ કરી બેહતરીન બદલો આપે એવી દિલી દુઆ છે.

HAJI AADAMBHAI DADHIMUNDA passed away……….. Inna Lillahe Wainna Ilayhe Rajeun. Namaj e janaja will held at Hashamshah [RA] graveyard at 10 am today. May ALLAH [SWT] grant him highest place in Jannatul firdaush Ameen.