TANKARIA WEATHER
હાલમાં સમગ્ર દેશમાં ચાલી રહેલા કોરોના મહામારીમાં કોરોના યોદ્ધા બની દિવસરાત પોતાના સ્વાસ્થ્ય ની લગીરે ચિંતા કર્યાં વગર ઇન્સાનિયતની સેવા માટે ખડે પગે રહી કોરોના દર્દીઓની સારવાર કરી તેમને સ્વસ્થ કરી પોતાના પરિવારો પાસે હેમખેમ પહોચાંડી માનવતાનું સેવા કર્યું તે બદલ “ઇખર કોવિદ કેર સેન્ટર’ ના મેનેજમેન્ટ કમિટી દ્વારા તમામ મેડિકલ સ્ટાફ નું સન્માન કર્યું હતું. જેમાં આપણા ગામના પણ ઘણા બધા યોદ્ધોએ સેવા બજાવી હતી જેમાં મુખ્યત્વે મેડિકલ ઓફિસર તરીકે ડો. ઉમમેહાની ઉસ્માન લાલન ને પણ સન્માનિત કરવામાં આવ્યા હતા.
ટંકારીઆ ગામના વિશાળ ક્રિકેટ ગ્રાઉન્ડ મુસ્તુફાબાદ ક્રિકેટ ગ્રાઉન્ડ પર આજથીસ્પોર્ટ્સ ક્લબ સંચાલિત વિન્ટર ગ્રામ્ય નોકઆઉટ ટુર્નામેન્ટ નો ધમાકેદાર પ્રારંભ થઇ ગયો છે. આજના આ ટુર્નામેન્ટના ઉદ્ઘાટન પ્રસંગે મોટા મહાનુભાવોની હાજરી ઉડીને આંખે વળગી હતી.
ઉદ્ઘાટન સમારંભની શરૂઆત કુરાન શરીફના પઠનથી કરવામાં આવી હતી અને ત્યારબાદ ગામના સામાજિક કાર્યકર અબ્દુલ્લાહ કામઠીએ મુસ્તુફાબાદ ક્રિકેટ ગ્રાઉન્ડ ની સવિસ્તાર માહિતી આપી અને હવે પછી ભવિષ્ય માં મેદાનના કયા કામો ને પ્રાધાન્ય આપવાનું છે તેનો ચિતાર રજુ કર્યો હતો. અને ત્યાર બાદ ક્લબના સંચાલક ઝાકીર ઉમતાએ પોતાના ટૂંકા વ્યક્તવ્ય માં ગ્રાઉન્ડ ના વિકાસના કામોની લિસ્ટ રજુ કરી હતી. અને ત્યારબાદ મુખ્ય મહેમાન તરીકે પધારેલા ખાલીદભાઈ ફાંસીવાળાએ પોતાના વક્તવ્યમાં ગ્રાઉન્ડના વિકાસના કામોમાં યથાશક્તિ થી મદદ કરવાની બાહેંધરી આપી હતી. અને ત્યારબાદ રાષ્ટ્રગીત સાથે પ્રોગ્રામની સમાપનવિધિ થઇ હતી.
આ પ્રસંગે ગામ અને પરગામના અતિથિવિશેષો તથા ક્રિકેટ પ્રેમીઓએ મોટી સંખ્યામાં હાજરી આપી હતી. જેમાં મુખ્યત્વે ખાલીદભાઈ ફાંસીવાળા, કોંગ્રેસ અગ્રણી સુલેમાનભાઈ પટેલ જોળવાવાળા, મિન્હાઝ ડેરોલવાળા, મકબુલ અભલી, તાલુકા પંચાયત સદસ્ય અબ્દુલ્લાહમાંમાં ટેલર, સઈદસાહેબ બાપુજી, ઉસ્માન લાલન, પૂર્વ સરપંચ આરીફ પટેલ, અબ્દુલકાદર ડેલાવાળા, મુહમ્મદ કામથી, રતિલાલભાઈ પરમાર, આસિફ ખોજબલવાળા, ઝાકીર સરપંચ વોરા સમની, જાબિર સરપંચ સીતપોણ, સિરાજ સેગવાવાળા, સલીમ અમદાવાદી, ફારૂક ડુંગરીવાળા, કરણ ટેલર, હારુન કોલવના, મુનાફ પઠાણ, દાઉદ કહાનવાળા, ઐય્યુબ કેપટન સરપંચ હિંગલ્લા, વલીભાઈ સરપંચ ઘોડી તથા ગામના પંચાયતના સદસ્યો, ક્રિકેટ પ્રેમીઓએ હાજરી આપી શોભામાં અભિવૃત્તિ કરી હતી. સમગ્ર પ્રોગ્રામનું સંચાલન ગામના સામાજિક કાર્યકર અબ્દુલ્લાહ કામઠીએ કર્યું હતું.
ટંકારીઆ માં ભૂકંપના આંચકા અનુભવાયા
આજે બપોરે ૩.૩૯ કલાકે ટંકારીઆ તથા પંથકમાં ભૂકંપના આંચકાઓનો અનુભવ થયો હતો. ધરા ધ્રૂજવાથી લોકોમાં ભયનો માહોલ છવાઈ ગયો હતો. આ આંચકાઓ ૨ થી ૩ સેકન્ડ સુધી અનુભવાયા હતા. આ લખાય છે ત્યારે ઠેરઠેર આ આંચકાઓની કુતુહલવશ ચર્ચાઓ જોવા મળે છે. રિક્ટર સ્કેલ પર આ ભકંપની તીવ્રતા ૪.૨ બતાવી રહ્યા છે અને તેનું કેન્દ્ર બિંદુ નેત્રંગ તાલુકાના મોટામાલપોર ગામ ખાતે નોંધાયું હતું.
Earthquake shakes Tankaria
Earthquake shakes Tankaria and Surrounding villages. The tremors had created an atmosphere of fear among the people. The tremors were felt for 3 to 4 seconds. At the time of writing, there are curious discussions of these shocks. The epicenter was reported at 4.2 on the Richter scale, with the epicenter at Motamalpore village in Netrang taluka.
ભરૂચ તાલુકાના ટંકારીઆ ગામે આજરોજ શૈખુલ ઇસ્લામ ટ્રસ્ટ ટંકારીઆ સંચાલિત મદની શિફાખાના નો ઉદ્ઘાટન સમારંભ રાખવામાં આવ્યો હતો. સદર દવાખાનું તમામ તબક્કાના લોકો માટે નાતજાત ના ભેદભાવ વગર રાહતદરે દર્દીઓની સારવાર કરશે. હાલના મોંઘવારીના યુગમાં મેડિકલ સ્ટોર પર મળતી દવાઓ મધ્યમ તેમજ ગરીબ વર્ગના લોકોને મોંઘી પડી રહી હોય એ લોકો માટે સિફા દવાખાના માં ઉપલબ્ધ દવાઓ રાહતરૂપ પૂરવાર થશે.
આજરોજ શૈખુલ ઇસ્લામ ટ્રસ્ટ ટંકારીઆ સંચાલિત મદની શિફાખાના નો ઉદ્ઘાટન સમારંભ સોશિયલ ડિસ્ટન્સ ને ધ્યાનમાં રાખીને યોજાયો હતો જેમાં શરૂઆત કુરાન શરીફના પઠનથી કરવામાં આવી હતી. અને ત્યાર બાદ આ દવાખાના નો ઉદ્દેશ અને હેતુ ની સવિસ્તાર માહિતી ટંકારીઆ ગામના સામાજિક કાર્યકર અબ્દુલ્લાહ કામઠી દ્વારા આપવામાં આવી હતી. આ સમારંભમાં ગામ તથા પરગામથી મહેમાનોએ હાજરી આપી હતી. જેમાં ટંકારીઆ જામે મસ્જિદના પેશ ઇમામ અબ્દુલરઝાક અશરફી, પાટણવાળા બાવાસાહેબ, વડોદરાથી ઓલ ગૂજરાત ટ્રસ્ટ નિગરા સય્યદ મુઝફ્ફરહુસેન, સલીમ હાફેઝી વાંતરસાવાળા તથા અબ્દુલ્લાહ કામથી, રતિલાલભાઈ પરમાર, શબ્બીર હાજી વાઝા વ્હાલુવાળા તથા હશનભાઈ તેમજ ગામના તાલુકા પંચાયત ના સદસ્ય અબ્દુલ્લાહ ટેલર , ઉસ્માન લાલન, મુસ્તુફા ખોડા, ઉમતા ઝાકીર, યાસીન શંભુ, શનાભાઈ વસાવા તથા ગામના નવયુવાનો અને વડીલોએ હાજરી આપી હતી. અંતમાં સય્યદ મુઝફ્ફરહુસેન અને પાટણવાળા બાવાસાહેબના હસ્તે રીબીન કાપી વિધિવત ઉદ્ઘાટન કરવામાં આવ્યું હતું. સમગ્ર સમારંભનું સંચાલન ઈદ્રીશભાઈ કબીર સાહેબ ઉર્ફે “દર્દ ટંકારવી” એ કર્યું હતું. શૈખુલ ઇસ્લામ ટ્રસ્ટના તમામ સભ્યોએ ખડે પગે રહી સમારંભને સફળ બનાવ્યો હતો.
ટંકારીઆ ગામે મુસ્તુફાબાદ ક્રિકેટ ગ્રાઉન્ડ [ખરી] પર વિન્ટર ક્રિકેટ ટુર્નામેન્ટ નો પ્રારંભ આવતા રવિવારથી થઇ જશે. જે માટે સ્પોર્ટ્સ ક્લબના તમામ મેમ્બરો દિવસ રાત મહેનત કરી રહ્યા છે. જેમાં પીચ અને આઉટફિલ્ડ નું વ્યવસ્થિત સમારકામ અને નવી બંનાવવાની પ્રક્રિયા તથા કાર્પેટ ને સજાવવાનું કામ લગભગ પૂરું થવા આવ્યું છે.
ટંકારીઆ ગામ ના વતની અને ઝિમ્બાબ્વે સ્થાયી થયેલા સૈદુલ્લાહ ઘોડીવાળા ના સુપુત્ર ડો. તૌસીફે ન્યુરોસર્જન ની ડિગ્રી સંપૂર્ણ કરી લીધી છે. આ સાથે ડો. તૌસીફ ઝિમ્બાબ્વે દેશના ત્રીજા ન્યુરોસર્જન બનવાની સિદ્ધિ પ્રાપ્ત કરી છે. સમગ્ર ટંકારીઆ તેમની આ સિદ્ધિને લઈને ગૌરવ અનુભવે છે. ટંકારીઆ ગામ વતી અમો ડો. તૌસીફ અને તેમના પિતા સૈદુલ્લાહ ઘોડીવાળા તથા તેમના કુટુંબીજનોને મુબારકબાદ પેશ કરીએ છીએ. ડો. તૌસીફ તમો કૌમ અને ગરીબોની ખાસ સેવા કરશો એવી અભ્યર્થના.
Pride of Tankaria :::: Saidullah Ghodiwala, a native of Tankaria village and settled in Zimbabwe his son Dr. Tausif has completed a degree in neurosurgeon. With this Dr. Tausif has achieved the feat of becoming the third neurosurgeon in the Zimbabwe country. The whole Tankaria is proud of his achievement. We congratulate Dr. Tausif on behalf of Tankaria village and Tankarvies from abroad, Congratulations to Tousif and his father Saidullah Ghodiwala and his entire family. Dr. Tousif, We request you to do special service to the community and the poor persons.
