ભરૂચ તાલુકાના ટંકારીયા સ્થિત સેવાભાવી સેવાકીય પ્રવૃત્તિઓ સાથે સંકળાયેલી શૈખુલ ઇસ્લામ ટ્રસ્ટ સંચાલિત મદની શિફાખાનામાં ટ્રસ્ટ તથા પારુલ યુનિવર્સીટીના ફેકલ્ટી ઓફ આયુર્વેદ હોસ્પિટલ દ્વારા નિઃશુલ્ક સર્વ રોગ આર્યુવેદિક નિદાન શિબિર તેમજ વિદેશથી માદરે વતન પધારેલા NRI મિત્રોનો સન્માન સમારોહ યોજાયો હતો. કાર્યક્રમની શરૂઆત કુરાન શરીફની તિલાવતથી કરવામાં આવી હતી. ત્યારબાદ ઉપસ્થિત અતિથિઓનું તથા આયુર્વેદ હોસ્પિટલના ડોક્ટર અને સ્ટાફનું ટ્રસ્ટીઓ દ્વારા પુષ્પ ગુચ્છ અર્પણ કરી સ્વાગત કરવામાં આવ્યું હતું. ત્યારબાદ સામજિક કાર્યકર અબ્દુલ કામથી, ગુલામભાઇ ઇપલી તેમજ યુ કે સ્થિત ઈમ્તિયાઝ પટેલ, ઇકબાલભાઇ ધોરીવાલાએ તથા ડો. યુસફભાઇ ખોડા સાહેબે સંસ્થા દ્વારા પ્રદાન કરાઈ રહેલી સેવાકીય પ્રવૃત્તિઓ વિશે હાજરજનોને સુંદર ચિતાર આપ્યો હતો.

આયોજિત નિઃશુલ્ક સર્વ રોગ આર્યુવેદિક નિદાન શિબિરનો દર્દીઓએ લાભ લીધો હતો. વડોદરા પારૂલ આર્યુવેદિક હોસ્પિટલની તબીબી ટીમ દ્વારા તબીબી સેવાઓ પ્રદાન કરવામાં આવી હતી. આયોજિત સર્વ રોગ આર્યુવેદિક નિદાન શિબિરમાં 100 જેટલા દર્દીઓએ લાભ લીધો હતો. વિવિધ રોગોના દર્દીઓને તબીબોએ તપાસી જરૂરી માર્ગદર્શન આપી તેઓને દવાઓ આપી હતી.
આ કાર્યક્રમમાં મુખ્ય અતિથિ તરીકે વિદેશથી પધારેલા ઐયુબભાઈ મીયાંજી, ઈકબાલ ધોરીવાળા, ડો.યુસુફ ખોડા, મોહસીનભાઈ લારીયા, મૂળ વરેડીયાના પરંતુ હંમેશા પોતાની ઓળખ ઈમ્તિયાઝ ટંકારવી તરીકે આપતા ઈમ્તિયાઝભાઈ ટંકારવી, હબીબભાઇ ભુતા તેમજ ગુજરાત ટુડેના તંત્રી અઝીઝ ટંકારવી, ડે. સરપંચ સફવાન ભુતા, અબ્દુલ્લાહ ટેલર, સૈયદ સલીમબાવા, રતિલાલભાઈ પરમાર, નાસીરહુસેન લોટીયા, ગુલામભાઇ ઇપલી, મુસ્તાક સાપા [સ્પિનર] તેમજ ગામના વડીલો અને નવયુવાનો હાજર રહ્યા હતા.
અંતમાં આભારવિધિ સાથે કાર્યકમનું સમાપન કરવામાં આવ્યું હતું. સમગ્ર કાર્યક્રમને શૈખુલ ઇસ્લામ ટ્રસ્ટના પ્રમુખ, ઉપપ્રમુખ સહિત કાર્યકરોએ જહેમત ઉઠાવી સફળ બનાવ્યો હતો…
સમગ્ર કાર્યક્રમનું સંચાલન સામાજિક કાર્યકર અબ્દુલ્લાહ કામઠી દ્વારા કરવામાં આવ્યું હતું.

ઈમ્તિયાઝભાઈ ટંકારવીના ખાસ પ્રશંસકનો ફોટો નીચે છે.

દસથી અગિયાર જેટલા ગામોની શાળાઓના છાત્રોએ ઉત્સાહભેર ભાગ લીધો હતો…

ભરૂચના ટંકારીયા સ્થિત મુસ્તુફાબાદ [ખરી] મેદાન પર ગ્રામ પંચાયત ટંકારીયા દ્વારા શિયાળુ રમતોત્સવ 2025  કાર્યકમ યોજાયો હતો. સૌ પ્રથમ ગ્રામ પંચાયતના સરપંચ તથા ડેપ્યુટી સરપંચે રમતોત્સવની મશાલ પ્રગટાવી પ્રોગ્રામનો પ્રારંભ કર્યો હતો. કાર્યક્રમની શરૂઆતમાં આમંત્રિત અતિથિઓનું ટંકારીયા ગ્રામ પંચાયતના સરપંચ ઉપસરપંચ તરફથી પુષ્પ ગુચ્છ અર્પણ કરી સ્વાગત કરવામાં આવ્યું હતું. આયોજિત કાર્યક્રમમાં લગભગ 10 થી 11 જેટલા ગામોની  શાળાઓના છાત્રોએ ઉત્સાહભેર ભાગ લીધો હતો. રમતોત્સવમાં વિવિધ રમતો જેવી કે સિક્કા શોધ, મટકા ફોડ, દેડકા દોડ, ૫૦ મીટર દોડ, ૧૦૦ મીટર દોડ, ૨૦૦ મીટર દોડ, કોથળા દોડ, લીંબુ ચમચી, ક્રિકેટ, કબડ્ડી,ખો ખો, ગોળા ફેંક, બરછી ફેંક, જેવી રમતો યોજાઇ હતી. આયોજિત રમતોમાં શાળાના છાત્રોએ ઉત્સાહભેર ભાગ લઇ પોતાનું કૌશલ્ય બતાવ્યું હતું. છાત્રોમાં અનેરો ઉત્સાહ જોવા મળ્યો હતો. કાર્યક્રમના અંતે વિવિધ રમતોમાં વિજેતા શાળાના છાત્રોને ઇનામ વિતરણ કરી પ્રોત્સાહિત કરવામાં આવ્યા હતા.
ગ્રામ પંચાયતના ઉપસરપંચ સફવાન ભૂતાએ મીડિયા સમક્ષ નિવેદનમાં જણાવ્યું હતું કે શિયાળુ રમતોત્સવ કાર્યકમમાં અલગ અલગ ગામોની દસ થી અગિયાર જેટલી શાળાઓના છાત્રોએ ઉત્સાહભેર ભાગ લીધો હતો. શાળાના છાત્રોમાં એક અલગ જ ઉત્સાહ જોવા મળ્યો હતો. આ એક નવીન પ્રયોગ એટલા માટે કરવામાં આવ્યો છે કે આપણા છાત્રોની ભણતર સાથે ફિટનેસ પર ધ્યાન આપવામાં આવે અને તેમને જણાવ્યું હતું કે આવનાર રાષ્ટ્રીય તહેવાર પ્રજાસત્તાક દિન નિમિતે ગામની તમામ શાળાઓનો ધ્વજ વંદન અને સાંસ્કૃતિક કાર્યક્રમો આજ ગ્રાઉન્ડ પર સામુહિક રીતે યોજવામાં આવશે. આ કાર્યક્રમમાં ગ્રામ પંચાયતના સરપંચ મંગાભાઇ વસાવા તથા ઉપસરપંચ સફવાન ભુતા સહિત NRI મિત્રો તથા ગામ આગેવાનો ઉપસ્થિત રહ્યા હતા.
સમગ્ર કાર્યક્રમનું સંચાલન શાહીદાબેન પટેલ દ્વારા ઉત્સાહભેર કરવામાં આવ્યું હતું. અંતમાં ડેપ્યુટી સરપંચ સફવાન ભુતાએ તમામ હાજરજનોનો આભાર વ્યક્ત કર્યો હતો.

Marriage function of FAIZANASHARAF S/O MOHAMMEDBHAI KAPADIA held at Ismu Hall – Haldarva today….

Marriage function of SHABA D/O USMAN BAGAS LALAN held at Darul Ulum Community Hall – Tankaria today. 

Mariam Ismail Ebrahim [Mother of Shaheen, Adnan, Nazeem, Adam and RoshinAra Ebrahim] passed away at Cape-Town [South Africa] Inna Lillahe Wainna Ilayhe Rajeun. Namaj e janaja will helda t Zeenatul Islam Masjid after Jumma prayer tomorrow. May ALLAH [SWT] grant superior place in Jannatul firdaush. Ameen……… 

Sitting arrangement for Taziyat is at Abdulkaka Abhli house.  

કસ્બા ટંકારીઆમાં નાના પાદર વાંતરસ રોડ ઉપર એકદમ નવી બંધાયેલી મસ્જિદ – મસ્જીદે સિદ્દીકે અકબરનો ઇફ્તેતાહ પ્રોગ્રામ આજરોજ અસર ની નમાજ પઢી કરવામાં આવ્યો હતો જેમાં મોટી સંખ્યામાં ગામલોકોએ હાજરી આપી ફૈઝીયાબ થયા હતા.
આ અઝીમુશ્શાન પ્રસંગે વયોવૃદ્ધ મૌલાના વ મુફ્તી સૈયદ કમરુદ્દીન પીરઝાદા સાહેબ પધારી તેમના તથા ભરૂચ થી પધારેલા આફ્તાબ બાવા સાહેબ તેમજ પાટણવાળા બાવાસાહેબ અને જામા મસ્જિદના ખાતીબો ઇમામ મૌલાના અબ્દુર્રઝાક સાહેબના વરદ હસ્તે રીબીન કાપી ઉદ્ઘાટન કરવામાં આવ્યું હતું. ત્યાર બાદ અસર ની નમાજ જમાત સાથે આ મસ્જિદમાં અદા કરવામાં આવી હતી. બાદમાં મુખ્તસર નાત શરીફ બાદ આ મસ્જિદના ઇમામ સાહેબે ખુસુસન દુઆ ફરમાવી, સલાતો સલામનો ગુલદસ્તો પેશ કરી પ્રોગ્રામની પુર્ણાહુતી થઇ હતી. બાદમાં મસ્જિદ બહાર ગ્રામજનોને ભેગા કરી વક્ફ બોર્ડના “ઉમ્મીદ” પોર્ટલ વિષે વિસ્તૃત ચર્ચા – વિચારણા કરવામાં આવી હતી.
પ્રોગ્રામ બાદ તમામ ગ્રામજનો ના મોઢે ખુશી ની છાલક વર્તાતી નજરે પડી હતી.

આજરોજ ૧૪/૧૨/૨૦૨૫ ને રવિવારના રોજ બારીવાલા સ્પોર્ટ્સ ક્લબના ગ્રીન લોન આચ્છાદિત ક્રિકેટ મેદાન પર સમગ્ર મુસ્લિમ સમાજ માટે મુસ્લિમ ચેમ્પિયન ટ્રોફીનું આયોજન કરવામાં આવ્યું છે. સદર ટુર્નામેન્ટ ની ઉદ્ઘાટન સમારંભ આજરોજ મહાનુભાવોની હાજરીમાં યોજવામાં આવ્યો હતો. આ પ્રસંગે તિલાવતે કુરાનથી શરૂઆત કરવામાં આવી હતી. ત્યારબાદ માજી ઇન્ડિયન ક્રિકેટર રશીદ પટેલે તેમના ઉદ્બોધનમાં ટુર્નામેન્ટના આયોજકોને અભિનંદન પાઠવ્યા હતા અને આ ટુર્નામેન્ટ એખલાસ અને ખેલદિલી સાથે પરિપૂર્ણ થવાની શુભકામના પાઠવી હતી.
અંતમાં માજી ક્રિકેટર રશીદ પટેલ દ્વારા રીબીન કાપી ટુર્નામેન્ટ નું ઉદ્ઘાટન કરવામાં આવ્યું હતું. આપ્રસંગે મુખ્ય મહેમાન તરીકે રશીદ પટેલ, રણજી ખેલાડી લુકમાન મેરીવાળા, સોયેબ સોપારીયા ઉપરાંત માજી રણજી ક્રિકેટર સલીમ વૈરાગી તથા સુલેમાનભાઈ પટેલ, મુબારકભાઈ ડેરોલવાલા, માજી જિલ્લા સદસ્ય મકબુલ અભલી, સઇદ બાપુજી, વિધેંશ થી પધારેલા ઈકબાલ ધોરીવાલા, મુસ્તાક ટટ્ટુ, મુસ્તુફાભાઈ ખોડા, માજી સરપંચ આરીફ પટેલ તેમજ ગામ પરગામથી ક્રિકેટ પ્રેમીઓ હાજર રહ્યા હતા. ઉપરાંત મીડિયા કર્મીઓ પણ હાજર રાયા હતા.
સમગ્ર કાર્યક્રમનું સંચાલન ઝાકીરહુસૈન ઉમતા દ્વારા કરવામાં આવ્યું હતું.

એ……. ચમને મુસ્તુફાબાદ…….. તું સદાય આબાદ રહેજે………. આબાદ રહેજે……..

આપણા ગામના અને સાઉથ આફ્રિકા ખાતે સ્થાયી થયેલા હમઝા સાજીદ હીરા [બરકાલવાળા] એ જહોનનીસબર્ગ યુનિવર્સિટીમાંથી એમ.બી.બી.એસ. ની ડિગ્રી પ્રાપ્ત કરી ગામનું નામ રોશન કર્યું છે.

Hamza Sajid Hira [Barkalwala] from our village and settled in South Africa had completed his MBBS degree from University of Johannesburg. The name of the village Tankaria has been shone again by another achievement from one of our student in the field of medicine 

Our village has produced various stars in various fields. One such Dr. Adnan Abdulsamad Vali Larya completed his Bachelor of Dental Surgery from the University of the Western Cape – Cape Town [South Africa]. Which is  pride for our village.

Congratulation Adnan –  Abdulsamad and entire Larya family.