Month: September 2024

વિદ્યાર્થીઓને સહાય (અહીં ક્લિક કરો )

My son Mohmed Anis Mustakahmed Daula is in Toronto [Canada] now a days. Request to make Dua for his success. 

ટંકારીઆ ગામમાં હાયર એજ્યુકેશન સપોર્ટ અંતર્ગત  મેડીકલ, એન્જીનીયરીંગ, ફાર્મસી જેવા ઉચ્ચ અભ્યાસ માટે વિદ્યાર્થી ભાઈ બહેનોને સહાય આપવાનું અનુસરણીય કામ કેટલાક ભાઈઓ દ્વારા ઘણા વર્ષોથી કરવામાં આવે છે. જેના સુંદર પરિણામો આપણી સામે છે. અગમ્ય કારણોસર જે વિદ્યાર્થીઓ ધોરણ ૧૦ કે ૧૨ પછી વધુ અભ્યાસમાં જોડાઈ શક્યા નથી એવા વિદ્યાર્થીઓ પણ ટૂંકાગાળાના અભ્યાસક્રમમાં જોડાઈ પગભર થાય એ બાબત વિચારણા હેઠળ હતી. આવા નેક ઈરાદા સાથે ઘી ટંકારીઆ વેલ્ફેર સોસાયટી દ્વારા એક સુંદર પહેલ કરવામાં આવી છે. ઘી ટંકારીઆ વેલ્ફેર સોસાયટી દ્વારા પ્રાયોજિત Education Scholarship  (One-off support) અંતર્ગત આ વર્ષે જકાત ફંડમાંથી ગુણવત્તાના ધોરણે ટૂંકાગાળાના અભ્યાસક્રમ માટે શિષ્યવૃત્તિ/સહાય આપવાનું નક્કી થયું છે.

Education Scholarship બાબતે TWS ની આ સુંદર પહેલ આવકાર્ય હોવાથી જેમાં રોજગારીની વધુ સારી તકો રહેલી હોય એવા ટૂંકા ગાળાના અભ્યાસક્રમ અંગે ચર્ચા કરવા ટંકારીઆમાં કેટલીક મિટિંગનું આયોજન થયું હતું. મિટિંગમાં (૧) વડોદરાની પ્રખ્યાત Bankers Hospital અને (૨) મુ. પોસ્ટ મહુવડ (પાદરા જંબુસર રોડ) ખાતે આવેલ Bankers Technical and Health Institute / Bankers Nursing  Institute ની રૂબરૂ મુલાકાત લઈ તેના મેનેજમેન્ટ સાથે ચર્ચા વિચારણા કરવાનું નક્કી કરવામાં આવ્યું હતું. આ કામ માટે યુનુસભાઈ અહમદ દાદાભાઈ ખાંધિયા, મજીદભાઈ અંભેરવાલા, નાસીરહુસેન અહમદ લોટીયા, જાકીર ઈસ્માઈલ ઉમટા, યુસુફ મુસા જેટ અને ઈબ્રાહીમ ઈસ્માઈલ પટેલ (પીર) મળી કુલ ૦૬ સભ્યોની ટીમે પોતાના ખર્ચે બન્ને સંસ્થાઓની રૂબરૂ મુલાકાત લઈ તેના મેનેજમેન્ટ સાથે વિસ્તૃત ચર્ચા કરી જરૂરી માહિતી મેળવી હતી. Bankers માં ઉપલબ્ધ અભ્યાસક્રમ પૈકી કયા અભ્યાસક્રમમાં રોજગારની વધુ સારી તકો રહેલી છે એ અંગે વધુ જાણકારી મેળવવા ભરૂચની પ્રખ્યાત ૦૨ મલ્ટીસ્પેશ્યાલીટી હોસ્પિટલ સાથે પણ વિચાર વિમર્શ કરવામાં આવ્યો હતો. સમગ્ર કવાયતના અંતે ૦૧ વર્ષની મુદ્દતના નીચે જણાવ્યા મુજબના બે અભ્યાસક્રમની હાલમાં પસંદગી કરવામાં આવી છે.

(૧) ઓપરેશન થીયેટર ટેકનીશિયન અને (૨) ICU ટેકનીશિયન. આ બન્ને અભ્યાસક્રમમાં દાખલ થવા ઇચ્છતા ફક્ત ટંકારીઆ મૂળના જકાતના હકદાર હોય એવા અરજદારો પાસેથી નિયત ફોર્મમાં માહિતી મંગાવવામાં આવે છે. કોરા ફોર્મ મેળવવા અને ભરેલા ફોર્મ પરત કરવા અહીં નીચે આપેલ વ્યક્તિઓનો સંપર્ક કરવો.

(૧) મુસ્તાકભાઈ દૌલા, અશરફી ઝેરોક્ષ, દારૂલ ઉલૂમ શોપિંગ સેન્ટર, મોટા પાદર, ટંકારીઆ.  મોબાઈલ નં. 9998269539
(૨) ફારૂકભાઈ ખાંધિયા, ખાંધિયા સ્ટોર, મુખ્ય બજાર, ટંકારીઆ. મોબાઈલ નં. 9824554480

કોરા ફોર્મ તારીખ ૦૧/૧૦/૨૦૨૪ થી ઉપર જણાવેલ સ્થળેથી મેળવી શકાશે. ફોર્મ ભરીને પરત કરવાની છેલ્લી તારીખ ૧૯/૧૦/૨૦૨૪ નક્કી કરવામાં આવી છે. ફોર્મની બધી જ વિગતો ચોકસાઈપૂર્વક ભરવા અરજદારોને વિનંતી છે.

નોંધ: ટંકારીઆ ગામના છોકરાઓ જો આવા કોર્ષમાં જોડાશે તો તેઓને ઇન્શાઅલ્લાહ વ્યક્તિગત લાભ તો થશે જ સાથે સાથે ટંકારીઆ ગામના લોકોને પણ ભવિષ્યમાં એમની સેવાઓનો લાભ મળશે એવી આશા છે. 

ટૂંકાગાળાના અભ્યાસક્રમમાં દાખલ થવા માટેનું ફોર્મ. (pdf)

Family & friends attended the Aqeeqah ceremony of Yahya, son of Salman Bhuta in Leicester, UK. Here are some pics of the event…

New Report dated 02/10/2024.

Old Report dated 01/10/2024. 

ભરૂચ, સુરત વડોદરા, નડિયાદ, આણંદ, જંબુસરમાં આવેલ કુલ 19 હોસ્પિટલો, ડૉક્ટરોના રિપોર્ટ, યુરિનલ લીક સારવારની ફાઈલોના અભ્યાસથી અને દર્દીના કુટુંબીજનો સાથેની ચર્ચાથી જાણવા મળ્યું છે કે  ટંકારીઆ ગામના  મેહજબીન હુસેન ઈબ્રાહીમ મન્સૂરી જેમની ઉંમર 33 વર્ષ છે તેઓ છેલ્લા દશ મહિનાથી સતત સારવાર હેઠળ છે. હુસેનભાઇ ઈબ્રાહીમ મન્સૂરી જેઓ રીક્ષા ચલાવી પોતાના કુટુંબની જવાબદારીઓ નિભાવે છે તેમણે અત્યાર સુધી ખૂબ મોટો ખર્ચ ઉઠાવીને 19 હોસ્પિટલોની મુલાકાત લઈ પોતાની પત્નીને આ જટિલ બીમારી માટે સારવાર અપાવી છે પરંતુ એમની પરિસ્થિતિમાં હજુ સુધી સુધારો થયો નથી. દર્દીને છેલ્લે સુરતની પ્રિશ મલ્ટીસ્પેશ્યાલિટી હોસ્પિટલમાં સેવા બજાવતા ડૉ. સુબોધ કાંબલેને બતાવતાં તેમણે સ્પેશિયલ પદ્ધતિથી ઑપરેશન કરવામાં આવે તો બહેનની આ તકલીફ દૂર થશે એવી જાણકારી આપી હતી.

જાતમાહિતી મેળવવા અને જરૂરી ચર્ચા વિચારણા માટે 23/9/2024ને સોમવારના રોજ જાકીરભાઈ ઇસ્માઇલ ઉમટા અને બીલાલભાઈ મેલાએ દર્દી અને તેમના કુટંબીજનોને સાથે લઈ સુરતની ICON હોસ્પિટલ અને સુરતની પ્રિશ મલ્ટીસ્પેશ્યાલિટી હોસ્પિટલ એમ બે હોસ્પિટલોના ડોકટરોની મુલાકાત લીધી હતી. અંતે બધાના સલાહ મશવેરા પછી પ્રિશ મલ્ટીસ્પેશ્યાલિટી હોસ્પિટલમાં ઓપરેશનનો વિકલ્પ પસંદ કરવામાં આવ્યો છે. ડોકટર સાથેની વાતચીતથી આ જટિલ ઓપરેશન અને અન્ય ખર્ચ મળી કુલ રૂ. 350000/- નો ખર્ચ થશે એવી જાણકારી મળી છે. આયુષ્યમાન કાર્ડથી આ ઓપરેશન થઇ શકે એમ નથી.

આપ ઝકાત, સદકો, લિલ્લાહ રકમ નીચે જણાવેલ ભાઈઓને મોકલી આપી આ બહેનની લાંબા સમયની પીડા દૂર કરવાના આ કામમાં મદદરૂપ થઈ સવાબના હકદાર બનશો એવી દર્દભરી અપીલ કરવામાં આવે છે.

(૧) યુનુસભાઇ અહમદ દાદાભાઈ ખાંધિયા. 9825914750 (સહાયની રકમ ફારૂક ખાંધિયાની દુકાને જમા  કરાવી શકાશે)

(૨) યુનુસભાઈ ગણપતિ 9824183914

(૩) મુસ્તાકભાઈ દૌલા 9998269539.

(૪) નાસીરહુસેન અહમદ લોટીયા. 9624039171.

એક વર્ષથી સતત તકલીફ વેઠી રહેલા આ બહેન અને તેમના કુટુંંબીજનોને એક આશાનું કિરણ દેખાયું છે ત્યારે એમના આ મુશ્કેલ સમયમાં આપણે મદદ કરી અલ્લાહની રજામંદી હાસલ કરવા માટે પ્રયત્નો અને દુઆ કરીએ. અલ્લાહ તઆલા આ બહેનને મુકમ્મલ શીફા આપે અને એમના કુટુંબીજનો ફરીથી રોજી રોજગાર મેળવવાના કામમાં ધ્યાન આપી શકે એવા અસબાબ અલ્લાહ તઆલા પેદા કરે. આમીન.

ટંકારીઆ સહિત ગ્રામ્ય વિસ્તારોમાં છેલ્લા પાંચ દિવસથી ધીમીધારે જાણે ટપક પદ્ધતિથી વરસાદ પડી રહ્યો છે. અને સતત વાદળછાયું વાતાવરણ રહેતા શરદી – ખાંસીના કેસોમાં ઉત્તરોત્તર વધારો નોંધાઈ રહ્યો છે. વિદાય લેતા ચોમાસાએ તેની બેટિંગ ધીમી પણ મક્કમ કરી છે. એક બાદ એક વરસાદી સિસ્ટમ સક્રિય થવાને કારણે વરસાદનું જોર યથાવત રહેતા ખેડૂતો પલાંઠી વાળીને આકાશ તરફ મોઢું રાખી ચિંતાતુર બેઠેલા નજરે પડે છે અને ઉઘાડની વાત જોઈને બેઠા છે કે જેથી ખેતીનું કામકાજ આગળ ધપાવી શકે. સતત વરસાદને પગલે ખેતરોમાં પાણીનો ભરાવો થઇ ગયો હોય ખેતી કામ હાલમાં બંધ અવસ્થામાં છે. હવામાન ખાતાની આગાહી અનુસાર હજી પણ બે દિવસ આ પ્રમાણેની પરિસ્થિતિ યથાવત રહેશે. જોકે વાતાવરણમાં આહલાદક ઠંડીનું મોજું પ્રસરી ગયું છે.

The rural areas including Tankaria have been receiving rain slowly for the past five days. And there is a gradual increase in cold-cough cases with continuous cloudy weather. The departing monsoon has slowed down his batting but firmed up. Due to the activation of one rain system after another, the farmers are seen sitting anxiously on their backs and facing the sky and looking at the fields so that they can carry on the farming work. Due to the continuous rains, the fields have been flooded and the farming work is currently in a closed state. According to the forecast of the weather department, this situation will continue for two more days. However, a pleasant cold wave has spread in the atmosphere.

Daud Bhayji would like to share pictures of old days with us. Identify people in the pic if you can..

ગઈકાલે ભારે વાવાઝોડું અને વરસાદને પગલે આપણા ગામની લાઈટો વીજ લાઈન પર ઝાડો પડવાને કારણે બંધ થઇ ગઈ હતી જે જાણી ગામના નવયુવાનો વીજકર્મીઓ સાથે મળીને ઘોર અંધારા અને કાદવ કીચડમાં તેમને મદદરૂપ થયા હતા અને વીજ પુરવઠો તત્કાલ ચાલુ કરવામાં મદદરૂપ થયા હતા, જે બદલ અમો ગામના નવયુવાનોનો દિલથી આભાર વ્યક્ત કરીએ છીએ.

Our community in Preston, UK celebrated the birth of beloved Prophet Muhammad SAW on Saturday with program at Noor hall and Juloos. Here are some of the pictures from the beautiful event. Thanks to Mustaq Devram for sharing these pictures with us.

Wedding function of “MOHMEDFAIZAN” S/O ISMAIL ALLI DADUBHIKHA held at Jumla Party Hall Sansarod today.