ગ્રામ્ય કક્ષાની ટી-૨૦ મેચના ફાઇનલ મુકાબલામાં ટંકારીઆ વિજયી

આજે રવિવારના રોજ ટંકારીઆ મુસ્તુફાબાદ ક્રિકેટ ગ્રાઉન્ડ [ખરી] પર ગ્રામ્ય કક્ષાની ટી-૨૦ મેચનો ફાઇનલ મુકાબલો ટંકારીઆ શકીલ સાપા ઇલેવન અને પગુથણ ઇલેવન વચ્ચે યોજાઈ હતી, જેમાં ટંકારીઆ ઇલેવનનો ભવ્ય વિજય થયો હતો. જેમાં ટંકારીઆની ટીમે નિર્ધારિત ૨૦ ઓવરમાં ૧૫૪ રન ફટકાર્યા હતા જેના જવાબમાં પગુથણની ટીમ ૭૧ રન બનાવી ઓલઆઉટ થઇ ગઈ હતી.
ટંકારીઆ ટીમના ઉસ્માન બાબરીયા ઉર્ફે આમ્ટે એ ૪૭ રનનો મુખ્ય ફાળો આપ્યો હતો અને યાસીન બંગલીએ ૪ વિકેટ ઝડપી હતી.
અંતમાં ટ્રોફી વિતરણ સમારંભમાં ગામ પરગામથી મોટી સંખ્યામાં મહેમાનોએ હાજરી આપી હતી. સમગ્ર કાર્યક્રમનું સંચાલન અબ્દુલ્લાહ કામઠીએ કર્યું હતું.