Author: Mustak Daula

Marriage function of “MUNISHAH” D/O MUBARAK VORAJI held at Tankaria today.

સ્પોર્ટ્સમેન સ્પિરિટ કેળવવી એ દરેક ખેલાડીઓની ફરજ છે. : અઝીઝ ટંકારવી.

ભરૂચ તાલુકાના ટંકારીઆ ગામે આજેરોજ મુસ્તુફાબાદ ક્રિકેટ ગ્રાઉન્ડ પર નવનિર્મિત ડ્રેસિંગ રૂમની ઉદ્ઘાટન વિધિનો કાર્યક્રમ યોજાયો હતો. આ ડ્રેસિંગ રૂમ ના નિર્માણમાં યુ.કે. સ્થિત મૂળ વોરાસમની ગામના સાજીદભાઈ કોન્ટ્રાક્ટરે સંપૂર્ણ ફાળો આપ્યો હતો.
કાર્યક્રમની શરૂઆત કુરાન શરીફના પઠનથી કરવામાં આવી હતી. ત્યારબાદ ગામવાસીઓએ હાજર મહેમાનોનું ફુલહારથી સ્વાગત કર્યું હતું. ત્યારબાદ કાર્યક્રમને આગળ વધારતા મહાનુભાવોને સન્માનપત્ર આપી સન્માનિત કર્યા હતા. ત્યાર બાદ ટંકારીઆ ગામના સરપંચ ઝાકીર ઉમતાએ પ્રાસંગિક ઉદબોધન કર્યું હતું, તેમણે આ પ્રસંગે સાજીદભાઈ કોન્ટ્રાક્ટરનો તેમના યોગદાન માટે આભાર વ્યક્ત કર્યો હતો અને આ મુસ્તુફાબાદ ક્રિકેટ ગ્રાઉન્ડ પર ચોતરફ ગામના લોકો માટે લાઈટના કુલ ચાર મોટા હાઈ હિલ ટાવરો ઉભા કરવાની પ્રકિયા ટૂંકમાં શરુ કરવાની જાહેરાત કરી હતી. તે બાદ ટંકારીઆ ગામના પનોતા પુત્ર સાહિત્યકાર અને “ગુજરાત ટુડે” દૈનિકના સંપાદક અઝીઝ ટંકારવી સાહેબે દરેક ખેલાડીઓને સ્પોર્ટ્સમેન સ્પિરિટ કેળવવાની સલાહ આપતા જણાવ્યું હતું કે, દરેક રમતો જેવીકે ક્રિકેટ, વોલીબોલ, ફૂટબોલ, કબડ્ડી ની ટુર્નામેન્ટો યોજી શિક્ષણ ની સાથે સાથે યુવાનોને વિવિધ રમત ગમત ક્ષેત્રે આગળ આવવા અપીલ કરી હતી. બાદમાં સમારંભના મુખ્ય મહેમાન અને દાનવીર સાજીદભાઈ કોન્ટ્રાક્ટરે દરેક રમતોમાં શિષ્ટતા આગવું સ્થાન ધરાવે છે તેના પર ભાર મૂકી શિષ્ટતા જાળવવા ની અપીલ કરી કહ્યું હતુંકે હવે પછી પણ ભવિષ્યમાં કશી પણ જરૂર પડશે તો તેઓ હંમેશા મદદ માટે અગ્રેસર રહેશે. ત્યાર બાદ ઇકબાલ ધોરીવાલાએ ગામના તથા સમાજના વિકાસના કામોની વાત કરી હતી. સમગ્ર સમાજે એકસંપ થઇ સમાજઉપયોગી કામો કરવાની સલાહ આપી હતી. તેઓ તેમના વક્તવ્યમાં ભાવવિભોર થઇ ગયા હતા. તેમજ તેમને હવે પછી ભવિષ્યની યોજનાઓનો વિસ્તૃત ચિતાર રજુ કર્યો હતો. બાદમાં કેનેડાથી પધારેલા ઐયુબભાઈ મીયાંજી અને ગામના વડીલ એવા યાકુબભાઇ દાઢીમુંડા એ પ્રાસંગિક પ્રવચનો કર્યા હતા.
આ સમારંભમાં મુખ્ય મહેમાન તરીકે સાજીદભાઈ કોન્ટ્રાક્ટર તથા તેમના પિતા ઇબ્રાહીમભાઇ ઉપરાંત કેનેડાથી પધારેલા અય્યુબભાઇ મીયાંજી, ઇંગ્લેન્ડ થી પધારેલા ઈકબાલ ધોરીવાલા, યુસુફભાઈ બાપુજી, ઇલ્યાસ ધીરીવાળા, જાવિદ દૌલા, તથા સાહિત્યકાર અઝીઝ ટંકારવી, રતિલાલ પરમાર, યાકુબભાઇ દાઢીમુંડા, સરપંચ ઝાકીર ઉમતા, વોરા સમની ગામના સરપંચ ઝાકીરભાઈ ખાનસાબ, ઇકબાલભાઇ કોન્ટ્રાક્ટર, સામાજિક કાર્યકર મુસ્તુફા ખોડા તેમજ ગામ આગેવાનો, ક્રિકેટ પ્રેમીઓ તથા ગામ વાસીઓ મોટી સંખ્યામાં હાજર રહ્યા હતા.
ત્યારબાદ સાજીદભાઈ અને તેમના પિતા ઈબ્રાહીમભાઈએ રીબીન કાપી ડ્રેસિંગ રૂમનું વિધિવત ઉદ્ઘાટન કર્યું હતું. ત્યાર બાદ આભારવિધિ કરી કાર્યક્રમની પુર્ણાહુતી થઇ હતી. આ સમગ્ર કાર્યક્રમનું સંચાલન ટંકારીઆ ગામના વતની અને સામાજિક કાર્યકર અબ્દુલ્લાહભાઈ કામઠી એ સફળતાપૂર્વક કર્યું હતું.

JAVID GULAM JIVA passed away…………. Inna Lillahe Wainna Ilayhe Rajeun. Nanaj E Janaja will held at Bhadbhag graveyard after Zohar prayer. May ALLAH [SWT] grant him the best place in jannatul firdaush. Ameen. 

સમગ્ર ગુજરાત શીતલહેર ની ચપેટમાં જોવા મળી રહ્યું છે. ટંકારીઆ કસ્બો પણ તેનાથી બાકાત નથી. ગતરોજથી ફરી એક વખત ઠંડા પવનો સુસવાટા સાથે ફૂંકાવાની શરૂઆત થઇ ગઈ હોય ઠંડીનો ચમકારો જોવા મળી રહ્યો છે. હવામાનખાતાએ આગામી ૪ થી ૫ દિવસ સુધી આજ પ્રકારનો ઠંડીનો ચમકારો રહેશે એવી અથવા વધારો થશે તેવી આગાહી કરી છે. ખેડૂતોને શિયાળુ પાક પણ સારો ઉતારવાની આશા બંધાઈ છે. પ્રાપ્ત માહિતી અનુસાર હિમાલયના પર્વતી વિસ્તારોમાં ભારે હિમવર્ષા ને કારણે સમગ્ર ગુજરાત માં પણ તેની અસર જોવા મળશે જેને કારણે કડકડતી ઠંડી જોવા મળશે. સતત શીત લહેરના કારણે ટંકારીઆ કસ્બામાં લોકો ઠંડીથી રક્ષણ મેળવવાના પ્રયાસો કરી રહ્યા છે. વયોવૃદ્ધો તેમજ આધેડ ઉંમરના લોકો ઘરમાં રહી રક્ષણ મેળવી રહ્યા છે તો નવલોહિયા યુવાનો ધૂણી ધખાવી ચોતરફ કુંડાળું કરી ઠંડી થી બચવાની કોશિશ કરતા નજરે પડ્યા છે. રાત્રે લોકોની ચહલ પહલથી ધમધમતા પાદરમાં લોકોની ચહલ પહલ આછી જણાઈ રહી છે.

The entire Gujarat is being seen under the grip of cold wave. Tankaria town is also not excluded. Since yesterday, once again the cold winds have started blowing with a whisper, a flash of cold is being seen. The Meteorological Department has predicted that this type of cold spell will continue or increase for the next 4 to 5 days. Farmers are hoping for a good winter crop as well. According to the received information, due to the heavy snowfall in the mountainous areas of the Himalayas, its effect will be seen in the whole of Gujarat due to which severe cold will be seen.

Due to the continuous cold wave, people in Tankaria Kasba are trying to get shelter from the cold. Elderly and middle-aged people are getting protection by staying at home, while young people are seen trying to avoid the cold by blowing fire [Dhuni] and curling up. At night, the movement of people is visible less in the bustling padar.

Marriage function of “SHEHZAD” S/O BASIR ALLI KAMATHI held at Darul Ulum Community Hall – Tankaria today.

ભરૂચ તાલુકાના ટંકારીઆ ગામે ટંકારીઆ ગામની ભાગોળે પારખેત તરફ જવાના રસ્તા પર કે જ્યાં અંજુમને નુશરતુલ મુસ્લિમીન ટંકારીઆ દ્વારા અદ્યતન ચેરીટેબલ હોસ્પિટલનું નિર્માણ થઇ રહ્યું છે તે પરિસરમાં ભવિષ્યની પરિસ્થિતિ ને ધ્યાનમાં રાખીને મસ્જિદની તામીર માટેનો પાયાવિધિનો કાર્યક્રમ ગતરોજ રવિવારે સવારે હોસ્પિટલ સંકુલમાં રાખવામાં આવ્યો હતો.
કાર્યક્રમનો શુભારંભ કુરાન શરીફના પઠનથી કરવામાં આવ્યો હતો. ત્યાર બાદ વિદેશથી પધારેલા ઇકબાલભાઇ ધોરીવાલાએ હોસ્પિટલની વિસ્તૃત રૂપરેખા હાજરજનોને પુરી પાડી હતી. ત્યારબાદ આલીમો દ્વારા મસ્જિદની પાયાવિધિ કરવામાં આવી હતી. કાર્યક્રમના સમાપન બાદ સંસ્થાના પ્રમુખ મૌલાના લુકમાન ભૂતાવાલાએ એક નિવેદનમાં જણાવ્યું હતું કે, અંજુમન સંસ્થા દ્વારા નાત જાતના ભેદભાવ વગર તમામ લોકોને સરળ, પોષાઈ શકે તેવી રાહત દરે ઉપલબ્ધ હોય તેવી ગુણવત્તાસભર સચોટ નિદાન સાથે તબીબી સેવા આપવી તથા આજના મોંઘવારીના યુગમાં મેડિકલ ક્ષેત્રમાં ગરીબો તથા તમામ લોકોના હક્કમાં સહાયરૂપ બનવું તે જ સંસ્થાનો મુખ્ય ઉદ્દેશ છે. તેમજ હોસ્પિટલના નિર્માણ પામ્યા બાદ હોસ્પિટલમાં સારવાર સાથે શારીરિક અને આધ્યાત્મિક શક્તિનું નિર્માણ થાય તે હેતુસર મસ્જિદનું પણ નિર્માણ કરવામાં આવી રહ્યું છે.
આ કાર્યક્રમમાં ગામના આગેવાનો ઉપરાંત વિદેશથી પધારેલા એન.આર.આઈ. ભાઈઓ તથા ગ્રામજનોનો ઉપસ્થિત રહ્યા હતા. અંતમાં દુઆઓ સાથે કાર્યક્રમનું સમાપન કરવામાં આવ્યું હતું.

Marriage function of “FIRDAUSHBANU” D/O BASIR GULAM VASTA  held at Darul Ulum Community Hall – Tankaria today.

નવયુવાન વોલીબોલપ્રેમી ગ્રુપ દ્વારા ગતરોજ શનિવારે રાત્રે વોલીબોલ ટુર્નામેન્ટ નું આયોજન કરવામાં આવ્યું હતું. આ ટુર્નામેન્ટમાં કુલ ૧૨ વિવિધ વિસ્તારોની ટીમોએ ભાગ લીધો હતો. ટુર્નામેન્ટની શરૂઆત રાષ્ટ્રગીત સાથે કરવામાં આવી હતી. ત્યાર બાદ તમામ ટીમોની ચિઠ્ઠી ઉછાળી લોટ્સ પાડવામાં આવ્યા હતા અને ટુર્નામેન્ટ નો પ્રારંભ કર્યો હતો. આ સમારંભમાં ગામના સ્થાનિક નેતાઓમાં અબ્દુલ્લાહ કામથી, સરપંચ ઝાકીર ઉમતા, મુસ્તુફા ખોડા, સઇદ સાહેબ બાપુજી, ઉસ્માન લાલન, બિલાલ લાલન, ફારૂક બસેરી, યાસીન શંભુ તેમજ ગ્રામજનો ઉપસ્થિત રહી નવયુવાનોનો ઉત્સાહ બુલંદ કર્યો હતો.