ટંકારીઆ તથા પંથકમાં વરસાદી માહોલ છવાયો, એકદમ ધીમી ધારે વરસી રહેલો વરસાદ

આમ તો હવામાન ખાતા દ્વારા સમગ્ર દક્ષિણ ગુજરાતમાં વરસાદ માટે રેડ એલર્ટ જાહેર કરવામાં આવ્યું છે. તે જોતા ટંકારીઆ તથા પંથકમાં બે દિવસથી વરસાદી માહોલ જોવા મળી રહ્યો છે. આજે સવારથીજ વાદળછાયા વાતાવરણ વચ્ચે ધીમે ધીમે વરસાદ પડી રહ્યો છે. લાંબા સમયના વિરામ બાદ ફરી એક વાર વરસાદ જોવા મળતાં ખેડૂતોમાં ખુશીનો માહોલ છવાઈ જવા પામ્યો છે. પવન સાથે વરસી રહેલા વરસાદને કારણે વાતાવરણમાં ઠંડક પ્રસરી જવા પામી છે.